هل ستغيب شمس غبور ؟؟

[hazem_khidr]

هو الموضوع دا كان غايب عني فين
بجد كميه معلومات و وجهات نظر مختلفه و رائعه
شكرا لكل من ادلي بدلوه في الموضوع

[Amir Hassan]

طبعا بعد صباح الفل
احمد باشا ده مجهود تشكر عليه
ويشاء السميع العليم انى اقرا الموضوع ده بعد سنتين
مش عارف هل فى حد هايقرا اصلا ولا لا
بس لازم اقول رأى
عمر ما فى اى شركة بتوقف على اى حد
ده الاساس
وحتى لو عمرو الاسكندرانى عقلية فذة وحلوة لازم تلاقى المناخ الجيد والتربه الخصبة اللى تسمح لها بالابداع
بدليل
فين عمرو الاسكندرانى انهارده بعد سنتين من انشاء الموضوع وفين غبور...!!!!!!!

على فكرة حصة غبور فى مبيعات السوق عمرها ماكانت 19 %
طول عمرها بتلعب من 26.5% الى 30%
وده طبيعى جدا لان مفيش اى كيان فى الدنيا كلها بييثبت عند معدل ثابت
غير ان على راى العبقرى ابو نورا... ان الكحكة زى مابنقول بالبلدى
الكحكة بقى ياكل منها ناس اكتر من الاول وده عامل زى تفتيت الاصوات
انما حجم المبيعات فى الطالع جدا
انهاردة وانا بكتب الموضوع دة يوم 12-10-2010
تقرير الاميك بيقول ان غبور بايع من اول السنة لحد سبتمبر 27.7% من السوق المصرى فى حين ان التانى بيلعب فى حتة ال19% والتالت 11%
يعنى اجرى العب بعيد ياشاطر
توقعاتك عن اللى ممكن يمسك السوق كانت غلط

ابو الفتوح اتعرض اكتر من مرة لغرامه عشان عيوب فى السيارات
وتويوتا حسب تقرير الامك محصلهاش زيادة او نمو فى مبيعاتها ولا حتى ثبتت على حالها
لكن تتفاجئ ان تويوتا بتبقى مكتوبة بالخط الاحمر وهى حصلها انخفاض بنسبة 50% من اجمالى السوق

على فكرة اسعار الفيرنا قلت والانترا والماتريكس ولاى 10 احسن من البيكانتو بمراحل
والفيرنا تخطط حاجز ال60 الف مركبة بما بعنى انها اكتر عربية على الاطلاق تسير فى شوارع مصر
وانهارده غبور بدل ماينزل صينى اقتنص المازدا تماما زى ما الصياد بيستنى على الفريسة لما تستوى وينقض عليها فى وقت لازم تسلم
وارجع للجرايد والمجلات وتابع المفاوضات بين غبور وبين مازدا من ايام 2002
واجبرهم انهم يزودوه بسعر كويس نوعا ما لقطع الغيار عشان يبقى احسن اليابانى الموجود
القيادات الموجودة جوة الشركة دلوقتى فى رأى انها كلها على مايرام والواحد فيهم يقوم شركة
مش تقليل من ا عمرو الاسكندرانى لا الراجل ده عبقرى لكن له وقته ولما تحب تتطور حاجه لازم تغير فى الفكر بتاعها
يعنى لازم تغير اشخاص
اللى وصله غبور انهارده اثبت ان كل توقعاتك خاطئة لعى الرغم من انى كنت ممكن اقتنع بيها لو كنت بقرا الموضوع ده من 2 سنتين وقت مانت كتبته
1- لسه مستولى على اعلى حصة فى السوق
2- استثمارات كبيرة وكتيرة جوه البلد وبراها
3- اكتر من 6000 موظف ولسه فى زياده
4-شركة جى بى بولو اللى مصنعها فى السويس بيصنع وانا اقصد كلمة بيصنع شاسيها الاوتوبيسات وبيصدرها بره
5 -وفتح قطاع للشركة بالعراق للاستفادة من السوق لعراقية
6- اعادة تصدير بعض الموديلات للاسواق المحيطة زى ليبياوالاردن

هل تعتقد ان هذا فشل او نجاح من قبيل الصدفه او حتى نجاح عشان مفيش منافسة قوية
على فكرة حتى لو مفيش منافسة قوية
الراجل ده بينافس نفسه
وانا بحترمه جدا وارفعله القبعه واقولوا بكل فخر شابوه مستر غبور
ودلوقتى اعلاناته مش اسهال فى كل حته زى الاول
مفيش غير اعلان يتيم فى العدد الاسبوعى للاخبار والاهرام
وكمان مجبش نجوم مصر كلها عشان يعمل اعلان لعربيتين يتام من افشل العربيات فى العالم ومش بيبيعوا لا فى اوروبا ولا فى امريكا

[Amir Hassan]

ابو نورا باشا
احنا لازم نفتح الموضوع ده تانى ونقيم السوق من 2008 الى انهارده واحنا داخلين على 2011

[Ahmed Anwer]

الكعكة قلت بالفعل يا أ / أمير

السيراتو قلتها جامد جدا

قريت مرة بس مش متذكر الرقم تحديدا


السيارات المستوردة لمصر 40% منها كيا

بس أنا أتوقع العكس تماما السنة الجاية إن شاء الله

مع نزول الجيل الجديد من سيارات هيونداي

النترا ، اكسنت ،، ماتريكس

[esafegypt]

يا جماعة القصة موش قصة تاجر مصرى شاطر القصة قصة مصنع شاطر بيعرف يعمل منتج رخيص وجودتة تعتبر كويس مقارنة باللى موجود فى السوق يعنى مثلا الموبيلات الصينى لما نزلت كانت نفس سعر النوكيا لكن المصنع فهم بسرعة ان المصريين بيحبوا المنتج يبق رخيص ومن ساعتها الصين بتنزل لمصر ارخص حاجه ودلوقت فى انواع سيارات صينى كتير ولسه لما الانواع دى ينزل لها قطع غيار فى كل المحافظات اتفرج على اللى هيحصل هتلاقى كل الناس اشترت عربيات صينى وهتلاقى اغلب الماركات اتضربت
بالنسبة لموضوع غبور سيارات هيونداى هتفضل تتباع لغايه ما اسعارها تعلى وتبق زى موديلات من ماركات تانية يابانى واوروبى
بالنسبة لموضوع الاى10 اغلى من البيكانتو انا ركبت العربيتين وشايف ان الاى10 أفضل وتستاهل فرق السعر اللى فيها ويكفى انها من السيارات اللى نجحت فى السوق الاوروبى وعليها اقبال من فئه السيارات المينى والاقتصادية