|
كهرباء السيارة ساحة مخصصة للمواضيغ الفنية المتعلقة بجميع اﻷنظمة الكهربية فى السيارة بما فيها أنظمة التسلية |
|
أدوات الموضوع |
#1
|
||||
|
||||
أريد المشورة في تركيب زجاج كهرباء
السلام عليكم ورحمة الله
أنا سيارتي من نوع داتشيا موديل97 المهم أننا ناويين نشدها شدة جامدة وكنت بفكر أركب زجاج كهرباء((من اللي هو بيطلع وينزل لوحده ده)) بدل اليدوي اللي قرفني في عيشتي فكنت بستفسر 1-هل فيه أي مشاكل لو ركبت مكن الزجاج الكهرباء؟ 2-كام هتكون التكلفة؟ 3-هل ممكن يجيب أي مكن بتاع أي عربية ويركب عندي عادي؟ 4-وهو الأهم من أحسن واحد متخصص في الموضوع ده؟ وخامسا جزاكم الله كل خير وبانتظاركم |
#2
|
|||
|
|||
رد: أريد المشورة في تركيب زجاج كهرباء
ربنا يوفقك يا باشا وتشدها زى ما انت عاوز وترجع احسن من الاول
بالنسبة لمكن الزجاج دا ممكن تجيبه عادى المكنه ب 60 جنيه ولو مش هتمشى مع العربية ممكن السمكرى يسقطها لك عادى ويا سلام بقى لو جيبت سنتر ومكنه رفع تبقى كدا تمام التمام |
#3
|
|||
|
|||
رد: أريد المشورة في تركيب زجاج كهرباء
يعنى لو ما عنديش زجاج كهرباء كل التكلفة هتكون ماكينة 60جنية و وحدة رفع ب 50جنية
و بس طب و ليه بيحسبوها ب200 جنية فى المحلات
__________________
|
#4
|
||||
|
||||
رد: أريد المشورة في تركيب زجاج كهرباء
طيب معلش فهموني أصل الرقم ذهلني
يعني العملية كلها 60 جنية للمكنة الواحدة بس ده أنا مفكر بتاع 1000وألفين وكلام من ده طيب براحة عليا واحدة واحدة 1-إيه مكن الزجاج وإيه وحدة الرفع يفرقوا ايه عن بعض؟ 2-والعملية دي كلها هتكلفني كام 3-منين أركبهم أروح لمين ده أنا هطلق اليدوي بالثلاثة ربنا يبارك لكم أنا على أحر من الجمر |
#5
|
|||
|
|||
رد: أريد المشورة في تركيب زجاج كهرباء
مكينة الزجاج الكهربائى ----- ماكينة ترفع وتنزل الزجاج عند الضغط على الزرار الكهربائى
وحدة الرفع --- جهاز صغير يركب فى دائرة الكهرباء ويركب على الريموت وعند الضغط على زرار قفل السنتر يقوم برفع زجاج السيارة مع بعض ومره واحده عند النزول اليها بالنسبة للاسعار ماقدرش افيدك اوى انما انت تقدر تفيد نفسك مشوار صغير لاى كهربائى او صنايعى ابواب او زجاج او لاى محل قطع غيار واكسسوارات وانت هاتعرف السعر المظبوط |
|
|