موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

[Hafdl21]

انا تعبت من كتر الكسر بتاع القنطره ده ومش مقتنع تمام بموضوع اغير قنطره
وطبعا صوت تزييق ورا فظيع لما بطلع على مطبات الكاوتش الرخمه الللي ملت الشوارع
اخر مره لحمتها من حوالي شهرين كانت زي الفل بس بدات تزيق تاني ( اعمل ايه ؟؟

[sayed2077]

المشاركة الأصلية كتبت بواسطة Hafdl21 انا تعبت من كتر الكسر بتاع القنطره ده ومش مقتنع تمام بموضوع اغير قنطره وطبعا صوت تزييق ورا فظيع لما بطلع على مطبات الكاوتش الرخمه الللي ملت الشوارع اخر مره لحمتها من حوالي شهرين كانت زي الفل بس بدات تزيق تاني ( اعمل ايه ؟؟

لاء يا اخى افضل لك تروح تغير القنطرة طبعا وتجيبها استيراد بس لازم وانت بتشتريها تتاكد ان مفيهاش اى شروخ او انها تكون ملحومه لازم تكون كلها حتة واحده وبعد كدا كله هيبقى تمام ان شاء الله وياريت لو بتحمل على العربيه ورا حاجات تقيلة يفضل بلاش لان هو ده اللى بيقطم قنطرة ال 128 ولازم تغير القنطرة متنساش تحياتى لك

[farouk89]

السلام عليكم

عملت حادثه النهارده الحمد لله انها جت في الساج ومحدش اتأذى الرفرف اليمين اتفعس خالص فقررت اني اشد العربيه كلها عشان انا لسه جايبه وكنت ناوي اشدها اصلا المهم عندي اسئله كتير

رحت لبتاع السمكره والدوكو الي بنتعامل معاه قالي انه هيحتاج رفرفين وصدر وكبوت وقالي هات الليوغزلافي او الاللماني متجبش المشمشي عاوز اعرف بكام ومنين لو سمحتم وهوه قاله انه هيظبطلي الالحوض كطله لحمات ولون للعربيه كلها بس هيظبط النص الامامي فقط بـ2000 جنيه انا متاكد ان شغله نضيف هل كده كتير ولا ايه

ثانيا رحت بقي عشان الميكانيكي يفك الماتور ويخرجه قالي الماكنه خفيفه وهيه اصلا عندي بتسرب زيت كتير عن الكارتيره قالي غالبنا هتحتاج طقم شنبر عشان الماتور خفيف بس انا عندي مش بدخن ولا حاجه بس متركبلها خرطوم تحت الماتور كده ونفتوح من الناحيه التانيه وقالي ده الي بينقط زيت قالي الخرطوم ده اصلا المفروض يتوصل لعمة الماتور بس عشان هوه خفيف فحد ركبهولك كده هل الكلام ده صح ولا ايه عشان انا قلتله ممكن محتاج جوان ولا حاجه قالي لو ركبتله جوان هيضرب تاني مش عارف اعمل ايه انا عملت كل حاجه فالعربيه معادا المشكله بتاعة تسريب الزيت ديه ومش عارف اعمل فيها ايه بالظبط ارجووووو المساعده عشان لما يخلص السمكره والدوكو اسقط الماتور علي نضافه

شكررااااا

[sayed2077]

المشاركة الأصلية كتبت بواسطة farouk89 السلام عليكم عملت حادثه النهارده الحمد لله انها جت في الساج ومحدش اتأذى الرفرف اليمين اتفعس خالص فقررت اني اشد العربيه كلها عشان انا لسه جايبه وكنت ناوي اشدها اصلا المهم عندي اسئله كتير رحت لبتاع السمكره والدوكو الي بنتعامل معاه قالي انه هيحتاج رفرفين وصدر وكبوت وقالي هات الليوغزلافي او الاللماني متجبش المشمشي عاوز اعرف بكام ومنين لو سمحتم وهوه قاله انه هيظبطلي الالحوض كطله لحمات ولون للعربيه كلها بس هيظبط النص الامامي فقط بـ2000 جنيه انا متاكد ان شغله نضيف هل كده كتير ولا ايه ثانيا رحت بقي عشان الميكانيكي يفك الماتور ويخرجه قالي الماكنه خفيفه وهيه اصلا عندي بتسرب زيت كتير عن الكارتيره قالي غالبنا هتحتاج طقم شنبر عشان الماتور خفيف بس انا عندي مش بدخن ولا حاجه بس متركبلها خرطوم تحت الماتور كده ونفتوح من الناحيه التانيه وقالي ده الي بينقط زيت قالي الخرطوم ده اصلا المفروض يتوصل لعمة الماتور بس عشان هوه خفيف فحد ركبهولك كده هل الكلام ده صح ولا ايه عشان انا قلتله ممكن محتاج جوان ولا حاجه قالي لو ركبتله جوان هيضرب تاني مش عارف اعمل ايه انا عملت كل حاجه فالعربيه معادا المشكله بتاعة تسريب الزيت ديه ومش عارف اعمل فيها ايه بالظبط ارجووووو المساعده عشان لما يخلص السمكره والدوكو اسقط الماتور علي نضافه شكررااااا

اولا الحمد لله على سلامتك ومادام جت الحدثه فى الصاج يبقى نحمد ربنا لان الصاج هيتعوض والف حمد لله على سلامتك

ثانيا : هل ممكن حضرتك تصور العربيه من جميع النواحى علشان نقدر نقيم على اد ما نقدر السعر هيكون كام وهل هتحتاج الرفارف والكبوت ولا لا

واعتقد السعر كتير بس انا لغاية دلوقت مشوفتش العربيه فيها ايه وعموما هو شد العربيه سمكرة بس لو هى سليمه بتبقى فى حدود 1000 جنية
فمثالا المفروض لو هيشدلك العربيه بالنص الامامى يبقى التكلفه كلها 2000 جنية

فياريت حضرتك ترفع صور العربيه علشان الناس الخبراء فى الصاج تقدر تحكم عليها افضل منى

ثالثا : بالنسبه للماتور هل الفايظ بيطلع دخنة زى دخنة السجاير كده ولا لا (الفايظ ده الخرطوم الى طالع من الماتور من تحت)
ثانيا يعنى ايه الجوان هيضرب المفروض مادام الجوان تمام خلاص عمره ما هيضرب فاعتقد فيه اشتغالة من الراجل الميكانيكى والله اعلم بالنفوس وهل ممكن تقولنا لو هيشدلك الماتور هيتكلف كام ؟

وان شاء الله كله خير باذن الله

[momen_bondok]

السلام عليكم ورحمه الله وبركاتة
جزاك الله خيرا أخى سيد على مجهودك الرائع فى مساعدتنا
ولو تسمح كان عندى سؤال أنا عايز أتاكد من عمل لمبة الحرارة والبنزين فى ال 128 فكيف يكون ذلك؟
مع العلم إن الحرارة فى الجو الحار الشديد ممكن يصل المؤشر قبل النهاية بشيء بسيط جدا ولم تضئ اللمبة فكيف أختبر هتاتان اللمبتان
وبارك الله فيك