قائمه بالمواتير الشائع تسقيطها فى السيارات ((((منقول))))

[احمد هارون]

المره دي حبيت أعرف الناس على أغلب المواتير و المواتير الشائعه اوي انها تتسقط و الموضوع حيبقى إني حكتب أسم العربيه و تحتها المواتير إلي ينفع تركب عليها

فيات

فيات 125

دي بيركب عليها موتور البولونيز و مفيش حاجه بتحتاج تتغير في عمليه التسقيط.

فيات 127

دي ليها كذا موتور يسقط عليها, أولهم موتور 1050 ألماني و ده فيه منه إتنين, واحد عادي بيدي 50 حصان بس و التاني إسبور. الإسبور أشد و بيعمل 70 حصان. بس الموتور ده قديم و مش محبذ.

فيه موتور لانشيا 1300 سي سي و ده معقول جدا على العربيه و بيركب على العربيه بكل سهوله, بعكس ال 1600 اللانشيا برضه فهو بيركب بس الحوض ضيق قوي فبيخلي التعامل مع العربيه في التصليح مقرف. و برضه الموتور ال 1500 ريجاتا بيركب.

أشد موتور لل 127

أكيد طبعا الأونو التربو ال 1300 سي سي أو ال 1400. الموتورين دول جامدين جدا, بس عايز انك تبقى فاهم انت بتعمل ايه علشان متركبش عربيه زي دي و أنت مش عارف ايه إلي أنت راكبه ده, لإن المواتير التربو محتاجه شويه خبره و متابعه و الموتور ده مش منتشر أوي.

المواتير دي كلها قبل ما تسقط لازم يتعمل تقويات للشاسيه بإستثناء الموتور ال 1050 العاده

فيات 128

برضه هي هي نفس مواتير ال 127 بتركب عليها, بس عيوبها ان الشاسيه مش قوي و عايز تقويات كتير و برضه بيتشرخ في الآخر.

فورد

العربيه دي أحسن حاجه فيها ان مواتيرها شديده و بتستحمل الشغل الكتير و الحرق عليها.

فورد فييستا موديل 96-97

العربيه دي بتنزل بموتور 1100 كاربيراتير, الموتور ده عيوبه صوت التاكيهات العالي و 1100 يعني مش بتاع جري و مشاوير كتيره و بهدله.

أفضل موتور ليها هو موتور الإسكورت ال 1600 زيتيك, ده إنجكشن و يعتبر أفضل موتور ليها بس محتاج تعديل في طرمبه الباور. و لو جبته موتور الفييستا مباشره مش حيحتاج تعديل في حاجه.

في موتور تاني أشد و هو ال 1800 و ده فيه منه نوعين واحد بيعمل 105 حصان و التاني 130 حصان, ال 130 حصان مش متوفر أوي في مصر, و أصلا الموتور ده قطع غياره نادره حبتين ف الأفضل الموتور ال 1600.

آخر موتور هو المونديو 2000 سي سي. هو حيركب بس محتاج تعديل في حاجات كتير فملوش لزمه.


فييستا موديل 98-99

العربيه دي بتنزل بموتور 1300 إنجكشن, موتور معقول عليها و كويس مش وحش.

الموتور الوحيد إلي ينفع يركب على العربيه دي هو موتور فورد بوما 1700 سي سي.


إسكورت

دي بقى شغلانه, لإنها بتنزل بموتور 1300 كاربيراتير أو 1600 كاربيراتير أو ال 1600 زيتيك.

التسقيط على أول موديلين مكلف لإنهم كاربيراتير و حتغير حاجات كتير. و أفضل موتور ليها هو ال 1800 أو ال 2000 الزيتيك.


مونديو

دي ملهاش غير موتور واحد بس يسقط عليها و هو موتور جبار بصراحه, الموتور ده 2500 سي سي 6 سليندر. بيعمل 170 حصان و فيه الأحدث منه بيعمل 200 حصان.

سيات

أشهر عربيه في السيات هي الإبيزا, العربيه دي بتنزل بموتور 1000 أو 1300. و ليها موتورين يسقطوا عليها

واحد 1600 و ده كويس بس أنا مرشحوش لحد علشان طالما ناوي أصرف طيب ما أجيب ال 2000 سي سي أحسن و ال 2000 سي سي بيسقط على الإبيزا عادي و بيحتاج شويه تعديل بسيط. بس الموتور يستاهل. و بيدي 150 حصان.

هوندا

طبعا عربيه غنيه عن التعريف و أنا حتكلم عن السيفيك بس موديل من 92-94.. العربيه دي بتنزل بموتور 1500 كاربيراتير و 1600 إنجكشن كامه واحده و 1600 إنجكشن كامتين.

العربيه إلي بتنزل بالموتور ال 1600 الكامتين دي مش محتاج تسقط عليها حاجه لإن الموتور شديد و بيدي 170 حصان, الموتور ده VTEC. العربيات التانيه بيسقط عليها الموتور ال 1600 ده و اسمه SIR و ده أشهر أنواع المواتير إلي بتركب على السيفيك و أحسنهم.

بي إم دبليو

مش حتكلم عن الشارك و حبدأ كلامي علطول من الموديل إلي بعدها لإني مش بحبذ حد يصرف على الشارك لسببين, انها موديل قديم جدا, ثانيا ان قطع غيارها قليله.

بي إم E30 82-90

العربيه دي بتنزل بموتور 1600, 1800, 2000, 2500.

إلي عنده الموتور ال 2500 إلا حد ما مش محتاج يسقط موتور تاني, بس الموتور بتاع الدبانه ال 2500 أقوى منه بكتير و ده بيتقال عليه 25 أسود و بتاع ال E30 بيتقال عليه 25 أبيض. ال 25 الأبيض بيدي 170 حصان و الأسود بيدي 190 حصان.

المتور ال 25 الأسود فيه منه موديلين, واحد ب حاجه إسمها VANOS و التاني من غير, إلي منغير ده القديم و ده موديل 92, ال VANOS من موديل 93.

بي إم الدبانه موديل 92-98

لو أنت أقل من 2500 سي سي يبقى ألإضل شىء هو ال 25 الأسود أو ال 2800 و ال 2800 بيدي نفس قوة الحصنه 190 حصان بس بيرفق في العزم بس. لو أنت 4 سليندر حتغير الكورونه و عمود الكردان, ممكن تفضل بيهم و العربيه حتلاقيها حاميه على السرعات البطيئه و تجميعها سريع بس حتفقد السرعه دي على أر بي إم عالي و حتستهلك بنزين أعلى و حتنقل كتير. و السرعه القصوى حتقل جامد.

الموتور ال 2800 VANOS برضه. عيوب ال VANOS ان ليه صوت مقرف حبتين و بيتتاكل بسرعه و الصوت بيعلى أكتر و الصوت ده أشبه بعربيه ديزل, بالرغم ان الصوت مقرف فعلا إلا ان ده مش معناه ان الVANOS باظ.

[ahmed-casper]

شكرا استاذ احمد بس احب اوضح و دى نصيحه بلاش حد يحط موتور اقوى من مووتور العربيه بكتير يعنى مينفعش ١٢٨ مثلا احطلها موتور ١٦٠٠ و هى اصلا ١١٠٠ او مثلا ٧٠ حصان و اقوم مزودهم ١٣٠ حصان لأن فى عوامل كتير غير الموتور للعربيه زى العفشه و جسم العربيه نفسه . كل ده هيحتاج حاجات كتير اوى فالاحسن يكون الموتور الجديد قريب من الموتور القديم

[MEMOO_1ST]

شكراً يا باشا على الموضوع الجميل وتسلم ايدك يا جميل.

[ahmed elashry]

bl nsba ll honda feen el GSR w feen el Type R w feen el h22 el 220 hp?

wl bmw el M3 wl 3500

wl seat bynzl feha el vr6 wl abf wl 9A wl KR...

[Hossam Zedane]

المشاركة الأصلية كتبت بواسطة احمد هارون المره دي حبيت أعرف الناس على أغلب المواتير و المواتير الشائعه اوي انها تتسقط و الموضوع حيبقى إني حكتب أسم العربيه و تحتها المواتير إلي ينفع تركب عليها فيات فيات 125 دي بيركب عليها موتور البولونيز و مفيش حاجه بتحتاج تتغير في عمليه التسقيط. فيات 127 دي ليها كذا موتور يسقط عليها, أولهم موتور 1050 ألماني و ده فيه منه إتنين, واحد عادي بيدي 50 حصان بس و التاني إسبور. الإسبور أشد و بيعمل 70 حصان. بس الموتور ده قديم و مش محبذ. فيه موتور لانشيا 1300 سي سي و ده معقول جدا على العربيه و بيركب على العربيه بكل سهوله, بعكس ال 1600 اللانشيا برضه فهو بيركب بس الحوض ضيق قوي فبيخلي التعامل مع العربيه في التصليح مقرف. و برضه الموتور ال 1500 ريجاتا بيركب. أشد موتور لل 127 أكيد طبعا الأونو التربو ال 1300 سي سي أو ال 1400. الموتورين دول جامدين جدا, بس عايز انك تبقى فاهم انت بتعمل ايه علشان متركبش عربيه زي دي و أنت مش عارف ايه إلي أنت راكبه ده, لإن المواتير التربو محتاجه شويه خبره و متابعه و الموتور ده مش منتشر أوي. المواتير دي كلها قبل ما تسقط لازم يتعمل تقويات للشاسيه بإستثناء الموتور ال 1050 العاده فيات 128 برضه هي هي نفس مواتير ال 127 بتركب عليها, بس عيوبها ان الشاسيه مش قوي و عايز تقويات كتير و برضه بيتشرخ في الآخر. فورد العربيه دي أحسن حاجه فيها ان مواتيرها شديده و بتستحمل الشغل الكتير و الحرق عليها. فورد فييستا موديل 96-97 العربيه دي بتنزل بموتور 1100 كاربيراتير, الموتور ده عيوبه صوت التاكيهات العالي و 1100 يعني مش بتاع جري و مشاوير كتيره و بهدله. أفضل موتور ليها هو موتور الإسكورت ال 1600 زيتيك, ده إنجكشن و يعتبر أفضل موتور ليها بس محتاج تعديل في طرمبه الباور. و لو جبته موتور الفييستا مباشره مش حيحتاج تعديل في حاجه. في موتور تاني أشد و هو ال 1800 و ده فيه منه نوعين واحد بيعمل 105 حصان و التاني 130 حصان, ال 130 حصان مش متوفر أوي في مصر, و أصلا الموتور ده قطع غياره نادره حبتين ف الأفضل الموتور ال 1600. آخر موتور هو المونديو 2000 سي سي. هو حيركب بس محتاج تعديل في حاجات كتير فملوش لزمه. فييستا موديل 98-99 العربيه دي بتنزل بموتور 1300 إنجكشن, موتور معقول عليها و كويس مش وحش. الموتور الوحيد إلي ينفع يركب على العربيه دي هو موتور فورد بوما 1700 سي سي. إسكورت دي بقى شغلانه, لإنها بتنزل بموتور 1300 كاربيراتير أو 1600 كاربيراتير أو ال 1600 زيتيك. التسقيط على أول موديلين مكلف لإنهم كاربيراتير و حتغير حاجات كتير. و أفضل موتور ليها هو ال 1800 أو ال 2000 الزيتيك. مونديو دي ملهاش غير موتور واحد بس يسقط عليها و هو موتور جبار بصراحه, الموتور ده 2500 سي سي 6 سليندر. بيعمل 170 حصان و فيه الأحدث منه بيعمل 200 حصان. سيات أشهر عربيه في السيات هي الإبيزا, العربيه دي بتنزل بموتور 1000 أو 1300. و ليها موتورين يسقطوا عليها واحد 1600 و ده كويس بس أنا مرشحوش لحد علشان طالما ناوي أصرف طيب ما أجيب ال 2000 سي سي أحسن و ال 2000 سي سي بيسقط على الإبيزا عادي و بيحتاج شويه تعديل بسيط. بس الموتور يستاهل. و بيدي 150 حصان. هوندا طبعا عربيه غنيه عن التعريف و أنا حتكلم عن السيفيك بس موديل من 92-94.. العربيه دي بتنزل بموتور 1500 كاربيراتير و 1600 إنجكشن كامه واحده و 1600 إنجكشن كامتين. العربيه إلي بتنزل بالموتور ال 1600 الكامتين دي مش محتاج تسقط عليها حاجه لإن الموتور شديد و بيدي 170 حصان, الموتور ده VTEC. العربيات التانيه بيسقط عليها الموتور ال 1600 ده و اسمه SIR و ده أشهر أنواع المواتير إلي بتركب على السيفيك و أحسنهم. بي إم دبليو مش حتكلم عن الشارك و حبدأ كلامي علطول من الموديل إلي بعدها لإني مش بحبذ حد يصرف على الشارك لسببين, انها موديل قديم جدا, ثانيا ان قطع غيارها قليله. بي إم E30 82-90 العربيه دي بتنزل بموتور 1600, 1800, 2000, 2500. إلي عنده الموتور ال 2500 إلا حد ما مش محتاج يسقط موتور تاني, بس الموتور بتاع الدبانه ال 2500 أقوى منه بكتير و ده بيتقال عليه 25 أسود و بتاع ال E30 بيتقال عليه 25 أبيض. ال 25 الأبيض بيدي 170 حصان و الأسود بيدي 190 حصان. المتور ال 25 الأسود فيه منه موديلين, واحد ب حاجه إسمها VANOS و التاني من غير, إلي منغير ده القديم و ده موديل 92, ال VANOS من موديل 93. بي إم الدبانه موديل 92-98 لو أنت أقل من 2500 سي سي يبقى ألإضل شىء هو ال 25 الأسود أو ال 2800 و ال 2800 بيدي نفس قوة الحصنه 190 حصان بس بيرفق في العزم بس. لو أنت 4 سليندر حتغير الكورونه و عمود الكردان, ممكن تفضل بيهم و العربيه حتلاقيها حاميه على السرعات البطيئه و تجميعها سريع بس حتفقد السرعه دي على أر بي إم عالي و حتستهلك بنزين أعلى و حتنقل كتير. و السرعه القصوى حتقل جامد. الموتور ال 2800 VANOS برضه. عيوب ال VANOS ان ليه صوت مقرف حبتين و بيتتاكل بسرعه و الصوت بيعلى أكتر و الصوت ده أشبه بعربيه ديزل, بالرغم ان الصوت مقرف فعلا إلا ان ده مش معناه ان الVANOS باظ.

طب استاذ أحمد بعد اذنك لو تعرف 1600 البكامتين بتاع ال سيفيك دا بيكام لو هسقطه مع العلم انى ان شاء الله ناوى اجيب سيفيك 91 ودى اول عربية فى حياتى اجيبها فبشوف العربية والتظبيطها كله هيتكلف كام عشان اعمل حسابى فى الميزانية قبل مجيبها
وجزاك الله خيرا يا باشا