لماذا الشعب المصرى غير مهتم بسيارة اودى

[M.TONSY]

الاودى من السيارات الالمانية الرائعة والفاخرة واعتقد انها تأتى فى المرتبة الثالثة بعد المرسيدس وBMW وبالمناسبة لسة شايف منها امبارح جيب وهمية حاجة شبه X6

[ناصر حسن ابراهيم صالح]

المشاركة الأصلية كتبت بواسطة bunnybunny77 لازم يفتحوا استيراد المستعمل و يخلوا الشعب يركب عربيات بدل المسخ اللى عمالين يستوردوه لمصلحة مين الاحتكار ده ؟ و لمصلحة ميين ازهاق الاف الارواح سنويا على الطرق لان مصر البلد الوحيدة اللى القانون فيها بيسمى الايرباج و ال abs كماليات فى الجمارك(منتهى التخلف و الغباء) و بيسمح باستيراد عربيات مفيهاش وسائل الامااااان دى (اللى هيا مش dvdو لا فتحة سقف) مع ان دى جريمة فى الدول المحترمة و اللى يستورد عربية مفيهاش وسائل الامان يدخل السجن و تتقفل شركته فورا و كلكوا عارفين ان الصينى الفااااخر(مش لعب الاطفال الصفيح اللى بتجيلنا) لسه لغاية دلوقتى مش عارف يدخل اوروبا و امريكا لعدم مطابقته للمواصفات و عوامل السلامة و الامان الاوروبية و الامريكية(اين المواصفات المصرية نفسى اشوفها و اقراها) و بردوا اى عربيه كوري -يابانى اى ماركة مفيهلش امان عمرها ما هتمشى هناك كله عندنا بس لمصلحة مين الاستهتار بمصر و المصريين للدرجة دى؟هو احنا مش بندفع فلوس والا اييه؟لا و اللهى بندفع و اضعاف اللى بيدفعه الاوروبى و الامريكى و الخليجى و دخولنا لا تقارن بيهم نهائيا هو بياخد عربية لوكس فرز اول و احنا كاننا بنشحتها و هو دا الموجود و ان كان عاجبك. و اذا كان المستورد بيعمل كدا لزيادة ارباحه فهة خاااااين و قاتل لشعبه و اذا تحجج المستورد بالجمارك اذن هم القتلة و من يقع على عاتقهم ذنب الاف ضحايا الطرق و الذين قد يقل عددهم بمشيئة الله اولا ثم بالاخذ باسباب الامان ثانيا ( ولا تلقوا بأيديكم إلى التهلكة ) و ان مكانش افقر الشعوب العربية يركب استعمال اوروبا امال مين اللى يركب الخليج؟ كل الدول فتحة استيراد 10 سنوات استعمال شوفوا لبنان-ليبيا-تونس-المغرب-الجزائر و هتلاقوا ان بسعر عربية صينى صغيرة (50000 مثلا )ممكن تركب اودىA4 مستعملة 4-5 سنوات و ماشية بتاع 50000 , و لو شوفتوها كانها زيرو و مرسيدس و بى ام و اوبل و كل الماركات و دا شامل النقل و مكسب التاجر كمان يا اخواننا العربية بعد 3 سنين استعمال فى اوروبا سعرها بيبقى اقل من الثلث -و لو اتحججوا بان كده هيحصل زحمة فليبدؤا بالاحلال اولا (كل اللى باسمه عربية قديمة يسلمها و من حقه استيراد عربية استعمال الخارج ) و بعد كدا يعمموها على كل ملاك السيارات و بكده نحافظ على العدد ثابت و نمنع تدخل التجار -و لو قالوا ان الجمارك مورد للدولة هنقولهم خدوا على المستعمل 20% جمارك بردوا كويس (مع العلم بان المليارات كانت تسرق من اتجاهات اخرى دا غير المليارات المهدرة) و نتائج الموضوع دا ممتازة منها 1-القضاء على الاحتكار و الفساد 2-ان سعر الزيرو هينزل 3- شكل الشارع المصرى هينضف و تلوث البيئة هيقل 4- الحرمان من ركوب سيارات البنى ادميين هينتهى و المصريين هيشوفوا العربيات اللى بجد و حمى كوريا هيتم الشفاء منها الموضوع عايز مطالبة شعبية بالمطلب دا فى مجلس الشعب لان دى حاجة تمس كل مواطن يارب نتحد كلنا على حاجة مفيدة و الله الموفق و المستعان

بصراحة انت انسان محترم وفاهم مع تحياتي (هذا وانتهى الكلام)

[الصقر_الجارح]

على ما اعتقد والله أعلم لأن العربية دي غالية جدا وكمان مش مشهورة في مصر من زمان, وكمان الناس بتهتم بالمرسيدس والبي ام بس كسيارات فاخرة.

مع إن الأودي دي لما كنت في السعودية كانت مالية البلد هناك.

[__Dizel__]

لو تسمحولي اقدم رأيي

الأودي هي الأفضل دائما

وانا من عشاق هذه العملاقة

وعندي سيارة أودي ولو بيعتها هشتري اودي تاني

بالنسبة للموتور فهو صناعة مشتركة بين اودي وفولكس فاجن

الموتور 3 مستويات

المستوى الأضعف للسيات

المستوى المتوسط للفولكس فاجن

المستوى الأفضل للأودي

الشكل والامكانيات حدث ولا حرج

طيب ايه المشكلة ؟

المشكلة ان قطع غيار السيارة غالية جدا جدا جدا بالمقارنة بأي نوع آخر

وبالاضافة للغلاء الفاحش في الاسعار - كمان قطع الغيار غير متوفرة

هو ده المشكل الوحيد

الأودي لازم تركبها وتجربها علشان تقدر تحكم عليها

ده رأيي

[__Dizel__]

بالنسبة لأخونا الطيب ناصر حسن ابراهيم صالح

انا مصري ومقيم بالمغرب

أحب أقولك ان اسعار السيارت في المغرب أغلى من مصر

وده لأنها تقريبا كلها جازوال - أما البنزين رخيصة ممكن نقول نفس السعر في مصر

لكن هنا البنزين غالي والسيارات اللي بتستعمل البنزين هنا بتخرب البيوت

ومن أشهرها الهوندا