ما الفرق بين البنزين والغاز الطبيعى

[matmm]

يا جماعة انا هتجنن نفسى اعرف اية الفرق بين العربية الى بتكون ماشية بلبنزين والى ماشى بلغاز الطبيعى طب اية الفرق مين الى حرقة احسن ناس تقوللى البنزيين طب مش المفروض الغاز يكون احسن لان دة غاز بيتحرق بسرعة ارجوكم يا جماعو انا هموت واعرف وبيركبوة ازاى

[lancer.style]

انا حسب معلوماتة ان الاتنين تقريبا زى بعض

اما الناس بتركبة لية لانة ارخص بكتيير من البنزين علشان كدة بيستعملة سائقى التاكسى

الملاكى مبيركبهوش لية علشان انبوبة الغاز بتبقى واخدة الشنطة كلها و لو مكنش كدة كنت ركبتة انا

الى بيركبة محطات الغاز

و عيبة انة محطات الغاز مش منتشرة اوى زى محطات البنزين

انا اعرف واحد صاحب والدى مركبة فى عربيتة الملاكى (اصل هيا 2.0 سى سى و انت عارف الباقى )

و ليها عداد عادى خالص و ممكن لو الغاز خلص منك تحول على البنزين عادى

ارجو انى اكو افدتك

[aga63]

أولا الغاز الطبيعى حرقه أعلى من البنزين . وعلشان كده الناس بتخاف منه لآنه فى حالة العربيات القديمه (الناس اللى بتمشى ورا الميكانيكيه وتعمل ضبط تاكيهات فى الصيف مفتوح شويه) بيبوظ التاكيهات (لآن التاكيهات متصممه علشان تتحمل الحراره العالية بتاعة الحرق من القاعده بتاعتها بس (عند الجزء اللى داخل السلندر)) فبيحصل حرق فى عامود التاكيه ويبوظ (ده تحليلى أنا بالمناسبه من كلام اللى وصف لى وضع التاكيهات وباظت منه من أى مكان).
لالآسف كان معايا جدول كان نزل فى جريدة الأهرام وكان مبين فيه مععمل الحرق ودرجات الحرارة الخاصة بكل نوع من البنزين ومن الغاز ولكن للأسف ضاع منى. ونفسى أجيبه تانى ولكن مش لاقيه فعلا (لو حد بيشتغل فى الأهرام أو ممكن يجيب نسخه منه فهو من مده كبيره أكتر من سنه أو سنتين).
من أسباب عدم تركيبه المكان اللى بتاخده الأنبوبه اللى بتركب داخل الشنطه (مع إن فيه منها أحجام دلوقت).
الناس بتقول إن حرق الغاز أهدأ شويه وأنا متأكد أنه مش كده (من الجدول اللى قلت لكم عليه) وبيقولوا أن العربيه بتحس إنها مش بتسحب زى البنزين (لاحظ كلمة قالواله) D: (مع الإعتذار لمؤلف شاهد ماشافش حاجه مش لعادل إمام).
أما السبب الرئيسى لعدم تركيبى له لآنى وجدت أن حاليا هناك طوابير كتيره بتقف علشان تمونه (يبقى قريب من بنزين 80!!!). وكمان واحد قال لى أن تركيبه دلوقت وصل ‘لى حوالى 10 ألاف جنيه!!!! يبقى أنا ح أدفع 10 ألاف علشان أوفى 200 أو 300 جنيه فى الشهر. يعنى بحسبه بسيطه ح تلاقى إنك ح تجيب تمنه على حوالى 50 شهر. وممكن تكون بعت العربيه (:
انا كنت ناوى أركبه لو كنت إشتريت عربيه لقطه كانت معروضع عليا ولكن تراجعت فى أخر لحظه (كانت أوبل فكترا 2000 سى سى فول أوبشن وموديل 97 وعامله 120 ألف فقط وماكانش فيها ولاخدش. بس ماأخدتهاش واخدها صاحب نصيبها ربنا يبارك له فيها.)
الموضوع ده مهم بالمناسبه وأنا شايف إنه لو إنتشر ح يحل مشاكل كتير بس المهم واحد متخصص يكتب فيه والبلد ترحمنا شويه من بعد ماكان ب 4000 بقى 10000 لآنهم حسوا إن فيه إقبال.

[فادى]

الغاز مشكلته الأساسية هو دخول مادة الكبريتيك فى تركيبته, و مادة الكبريتيك تساعد على تأكل الاجزاء المعدنية, لذا فان الغاز يتسبب فى تقليل عمر المحرك بشكل كبير, و غالبا ما سوف تحتاج الى عمرة بعد 50 الف أو اقل, يعنى اللى هتوفره فى البنزين هتدفعه فى عمرات المحرك.