حد جرب الجراند بونتو قبل كده؟؟

[eng.mostafa]

شكراً لردك ومساعدتك يا بشمهندس انا بدأت اتردد فعلاً في شرا العربيه دي وربنا ييسر اللي فيه الخير
وانا لسه في الكليه بنت الـ..... في قسم مدني

[kono]

يا جماعة المنتدى هنا ضعيف
محتاج اعضاء نشطاء
فيه فى منتديات تانية كل حاجة بالتفصيل عن جراند بونتو

[miroseba]

بص العربيه مش قليله ولا حاجه شغاله ميه ميه وبشوفها كتير الفتره الاخيره ديه بس لاسف التوكيل نايم مستنى الناس تعرف العربيه لوحدهم خلى الناس تولع الى عايز يشترى اهلا وسهلا والى مش عايز فى داهيه هو ده الى مش مخليها منتشره مش زى ما باقى التوكيلات بتعلن عن عربيتها الى احنا بنقول ديه منتشره منتشره ليه عشان الاعلان زى الافيو الى فيها عيوب الدنيا والاوبترا الى فيها نفس عيوب النوبيرا وعم غبور فى كل قناه عملك اعلان وفى المواقع لازم العربيات تنتشر امال توكيل فيات فى مصر انا ولا شوفتو عمل اعلان فى حياته ولا حتى على النت فبص الجراند بونتو احسن من الاوبترا والبروتون جين 2 وعربيات كتير فى نفس الفئه انا بنسبلى احسن من السيراتو ومفيش عربيه مش بتباع دنا شوفت تيوتا اسمه كورولا سيريس بتباع فى السوق ديه انا مشفتش ليها حاجه فى مصر بس اتباعت البيجو الى قطع غياره نادره وغاليه شغال بيع الفرق بين البونتو والاوبترا مثلا فى حكايه البيع ديه ممكن تقعد معاك شهر عشان تبيع وديه ممكن شهر ونص شهرين بس استحاله مش هتباع خالص بس وحكايه العربيه حلوه فهى ممتازه جدا انصحك تشتريها لانها من السيارات القويه وكفايه انها تقفيل ايطالى مش زى النيسان فى مصر

[Devill Blood]

أساسا معروف أن الأيطالى يركبك عربيات أوروبا بأسعار الكورى لكن طبعا يعيبه قطع الغيار