فيات جراند بونتو ولا تويوتا ياريس

[mada_sciencawy]

السلام عليكم

دى أول مشاركه ليا فى الموقع
بجد اللى شجعنى على المشاركه الوعى والفهم اللى لاقيته عند كتير من الأعضاء

انا محتار بين عربيتين التويوتا ياريس والجراند بونتو

الاتنين تقريبا فى نفس الشريحه من السعر وانا متفرقش معايا العربيه سيدان ولا هاتشباك ولا حتى وسع العربيه


طبيعه احتياجى للعربيه سفر
حيث بسافر للاسكندريه تلت او اربع مرات اسبوعيا
مش بحب اسحب بالعربيه كبيرى 120 او 130

مشاويرى جوا البلد قليله

مخاوفى من كل عربيه
اولا الياريس

خايف من الموتور ال 1300 كمان خايف من الدهان بتاعها اللى ناس كتير اشتكوا منه

انا اصلا معايا تويوتا كورولا 1996 وبحب اوووى الماركه دى

ثايا الجراند بونتو

خايف من ان العربيه تهد منى بسرعه وبعد خمس سنين ابص الاقيها مش جايبالى سعر
الموتور برضه مش حاسه قوى اووووى


وحابب شكلها جدااااااااااااا



ياريت لو حد يقدر ينصحنى او يعمل مقارنه مفصله بينهم

ولكم جزيل الشكر

<!-- / message -->

[فادى]

شخصيا أفضل الجراند بونتو,
أكثر أناقة و متعة من الياريس, برستيج أعلى, متعة أكبر فى القيادة لأن فيات محركاتها أكثر عنفوانا و متعة فى القيادة من تويوتا, الى جانب أن محرك الجراند بونتو يولد أقصى عزمه عند 3000 لفة/دقيقة, بينما تولد الياريس عزمها الأقصى عند سرعة أعلى, مما يعنى بالتأكيد أن عمر محرك الجراند بونتو أطول.
من تاريخ الشركتين, فان ثبات الفيات أعلى كثيرا من تويوتا, و الأمان فى الجراند بونتو أعلى كثيرا و التكنولوجيا أعلى.
نقطة الضعف الوحيدة فى الجراند بونتو عن الياريس هى السرعة القصوى, الجراند بونتو غالبا سوف تصل الى سرعات أقل قليلا من الياريس, كما أن المحرك سوف يقل تسارعه بشكل كبير على السرعات العالية (ما بعد ال130 مثلا), و هو ما سيحدث بشكل أقل مع الياريس.
أعتقد أن الجراند بونتو خيار أفضل و أكثر متعة, و الأهم أنها سيارة مميزة و ليست تقليدية مثل الياريس.

[فــيــروز]

المشاركة الأصلية كتبت بواسطة فادى شخصيا أفضل الجراند بونتو, أكثر أناقة و متعة من الياريس, برستيج أعلى, متعة أكبر فى القيادة لأن فيات محركاتها أكثر عنفوانا و متعة فى القيادة من تويوتا,

بما إنّى من اللىّ بيفكّروا فى "الجراند بونتو" إن شاء الله بس أجمّع باقى تمنها .. و بما إنّى سمعت موضوع متعة القياده ده كتير فى المنتدى حبيت أستفهم أكتر .. يعنى إزّاى عربيه تكون ممتعه فى القياده و إيه اللىّ يخلّى عربيه ممتعه أو غير ممتعه فى القياده !! أصل الحقيقه أنا متخوّفه تكون دى صفه نسبيه بيتغيّر الإحساس بيها من شخص للتانى فقلت أفهم و لكم الأجر و الثواب ptmnlo123per122

[فادى]

المشاركة الأصلية كتبت بواسطة فــيــروز بما إنّى من اللىّ بيفكّروا فى "الجراند بونتو" إن شاء الله بس أجمّع باقى تمنها .. و بما إنّى سمعت موضوع متعة القياده ده كتير فى المنتدى حبيت أستفهم أكتر .. يعنى إزّاى عربيه تكون ممتعه فى القياده و إيه اللىّ يخلّى عربيه ممتعه أو غير ممتعه فى القياده !! أصل الحقيقه أنا متخوّفه تكون دى صفه نسبيه بيتغيّر الإحساس بيها من شخص للتانى فقلت أفهم و لكم الأجر و الثواب ptmnlo123per122

ممكن نعرف متعة القيادة بأنها كلما كانت السيارة تعطيك احساسا أكبر بالسرعة و التسارع و الطريق, كلما كانت أكثر متعة,
طب ايه اللى بيحدد السيارة ممتعة فى القيادة من عدمه؟
- التسارع, احدى أهم العوامل, كلما كان المحرك أقوى, كلما كانت السيارة أمتع و كلما ابتعدنا عن الملل.
- سرعة الاستجابة, السيارات التى يستجيب محركها أسرع من السيارات الأخرى لأوامر سائقها, مثلا عند الضغط على دواسة الوقود, كلما كانت أمتع فى القيادة.
- صوت المحرك, ليس بالضرورة أن يكون مرتفعا, لكن صوت أزيز المحرك نفسه له وقع جميل اذا ما ترافق مع التسارع, صوت المحرك عند التسارع يجب أن يكون ناعما و يوحى بالقوة, ليكون أكثر متعة, و ليعطيك احساس أكبر بالتسارع و القوة, طبعا كلما ارتفع هذا الصوت كلما كان أفضل شرط أن يكون معبرا عن القوة مش صوت و خلاص (مثلا الفولكس البيتلز رغم ان صوتها مرتفع لكنه ليس معبرا عن القوة بالمرة).
- احساس الطريق, كلما أحسست أن السيارة لم تعزلك عن الطريق, و كلما شعرت أنك قريب من الطريق و متفاعل معه, زادت متعة القيادة (هذه تعتمد على وضعية القيادة و تصميم نظام التعليق).
- الاحساس بحالة السيارة فى الخارج, كلما كانت محاور السيارة قريبة, كلما زادت المتعة, فمثلا يمكنك "تحسس" انزلاقات المؤخرة و السيطرة عليها و الاستمتاع بها.
- خفة الوزن, كلما كانت السيارة أخف وزنا كلما كان التحكم بها و السيطرة عليها أسهل, و كلما كانت أكثر طاعة و رشاقة و ثباتا فى المنحنيات (على عكس الشائع), السيارات ثقيلة الوزن تصبح مع السرعة مثل الثور الهائج الذى لا يمكن ترويضه.
ديه بعض العوامل التى تتحكم بمتعة القيادة, لكن فيه عوامل كتير أخرى, و زى ما حضرتك شايفة كلها حاجات صغيرة تجتمع فى النهاية لتعطى احساسا معينا لدى قيادة هذه السيارة,
طبعا شكل التابلوه و طريقة تحريك مكونات التحكم و الكثير الكثير من التفاصيل الصغيرة تتحكم بمتعة القيادة حتى "تكة" الفتيس, طريقة الامساك بعجلة القيادة و ملمسها و شكلها, طريقة الضغط على الدواسات و الاحساس بها, و غير ذلك الكثير ,
لذا فان متعة القيادة ليست لها مقياس معين, و لا تعرف الا بالتجربة و الاحساس فقط.
السيارات الايطالية (فيات, لانسيا, ألفاروميو, فيرارى, مازيراتى) اشتهرت بشكل خاص بمتعة القيادة, و هو ما تؤكده كل التجارب حتى الأن, و خاصة انها تعنى بهذه الصفة كثيرا و تقريبا هى الشركات الوحيدة التى ما تزال (أو تستطيع) أن تعطى لسياراتها هذه الصفة.
أقل السيارات من ناحية المتعة هى السيارات الأمريكية و الأسيوية, و هذا ما اشتهر عنها,
لذا فان الجراند بونتو مؤهلة لتكون ممتعة جدا فى القيادة, فهى ايطالية أصيلة, و خفيفة الوزن و صغيرة, و محركها مزود بتكنولوجيا مميزة.

[mada_sciencawy]

المشاركة الأصلية كتبت بواسطة فادى شخصيا أفضل الجراند بونتو, أكثر أناقة و متعة من الياريس, برستيج أعلى, متعة أكبر فى القيادة لأن فيات محركاتها أكثر عنفوانا و متعة فى القيادة من تويوتا, الى جانب أن محرك الجراند بونتو يولد أقصى عزمه عند 3000 لفة/دقيقة, بينما تولد الياريس عزمها الأقصى عند سرعة أعلى, مما يعنى بالتأكيد أن عمر محرك الجراند بونتو أطول. من تاريخ الشركتين, فان ثبات الفيات أعلى كثيرا من تويوتا, و الأمان فى الجراند بونتو أعلى كثيرا و التكنولوجيا أعلى. نقطة الضعف الوحيدة فى الجراند بونتو عن الياريس هى السرعة القصوى, الجراند بونتو غالبا سوف تصل الى سرعات أقل قليلا من الياريس, كما أن المحرك سوف يقل تسارعه بشكل كبير على السرعات العالية (ما بعد ال130 مثلا), و هو ما سيحدث بشكل أقل مع الياريس. أعتقد أن الجراند بونتو خيار أفضل و أكثر متعة, و الأهم أنها سيارة مميزة و ليست تقليدية مثل الياريس.

أولا شكرا على ردك العاقل جداااااااااااااااااااااا

ثانيا كنت عاوز ابديلك بعض من مخاوفى فى الجراند بونتو

اول حاجه خايف منها هى ان العربيه بعد فتره الاقيها مش جايبالى سعر ودى حاجه انا لاحظتها فى كتير من العربيات الفيات عكس التويوتا اللى بتفضل ماسه سعرها لفترات طويله جدا جد جدا

ثانيا هل قطع غيار الجراند موجوده فى اماكن اخرى برا التوكيل زى التويوتا كده

ثالثا كنت عايز اسئل عن عفشه الجراند وهى الامتن ولا الياريس


شكرا جزيلا