سخونة العربية مجنناني

[spada2000]

السلام عليكم
معي128 موديل 90 بصراحة مجنناني اول حاجة من حوالي شهر العربية سخنت مني جامد اوي المؤشر وصل لغاية الاخر فجابت وش سلندر روحت للميكانيكي وغيرته وقاللي كدة تمام ، بعدها باسبوع لاقيت العربية بتسخن بتعدي اكتر من النص بس مش بتوصل للاخر مع اننا في اشتاء وبمشي على طرق سريعة بصيت تحت العربية لاقيت في نقط مية بتنزل من تحت الردياتير قولت ممكن الردياتير يكون ملحوم روحت للراجل بتاع الردياتير لحموا ومشيت لغاية البيت لاقيت المروحة مش عايزة تشتغل والعربية بتسخن ، رجعتله قالي روح للكهربائي روحت للكهربائي عملها وخل المروحة تشتغل يادوب وصلت لغاية البيت ولاقيت المروحة فاصلة ومش عايزة تشتغل ركنتها عند البيت لمدة يومين وبعدين روحت لكهربائي تاني قاللي ده الثرموستات بايظ وعايز يتغير وقاللي هات اوطى ترموستات اللي هو 82 / 68 روحت وفعلا غيروا والمروحة اشتغلت بس بقت تشتغل بدري اللي هو بعد اول شرطة على طول فهل ده غلط ، المهم وانا ماشي لاقيت العربية بتسخن بردوا مش عارف اغير الردياتير ولا طرمبة المية فيها مشكلة ولا سير الدينامو ولا ايه بالظبط ارجو الافادة من فضلكم

[AbOnOrA]

المشكلة فى دورة التبريد ان كل جزء فيها يعمل مشكلة

ممكن غطاء الريداتير - وممكن الريداتير نفسه جايب اخرة - وممكن الخراطيم - وممكن الطلمبة - وممكن مجارى المية جوه الموتور نفسه

اعتقد انك محتاج زيارة لميكانيكى كويس مش بتاع ردياتير يطمنك على المكنة والطرمبة واذا كانو سلام فغالبا هتحتاج ريداتير جديد

[Hisham.Elgazzar]

دور العربية و إفتح غطاء الردياتير شوف المياه عامله اه
راكدة ولا بتقلب كويس
لو راكده يبقى احتمال تكون طلمبة المياه عطلانة
ولو فيه نفخ جامد ممكن يكون الردياتير مسدود ولو وش السلندر مش متقفل حلو أو محتاج لحام هينفخ ميه الردياتير ويسخن العربية
ممكن تكشف على الحاجات دى وترد علينا بعد إذنك
متابع بإهتمام
تقبلوا مرورى

[wael nabil elsied]

الحكايه ديه حصلت معايه من كام يوم روحت لميكانيكى ابن تيت فك الكربراتير والاسبراتير وعملى حوار وقعد يزبط ويهجس وكل ده وانا قاعد ساكت جمبه ولا قلتله بتعمل ايه ولا كلمته وبعد ما ركب ودور طبعا العربيه ما سخنتش عشان لسه برده يدوب مشيت كام كيلوا ورجعت ريما لعادنها القديمه رجعت قلتلوا يا تيت يابن التيت انت ما بتفهمش اساسا فى الميكانيكا انا اخرك تصلح عجل ومراجيح المهم خبطت مشوار ابن حلال لواحد ميكانيكى معرفه وقلتله غيرلى الكوندنسر وألأبلاتين وزبطلى الكهربا قلى اشمعنا قلتله اهو غلاسه غيرهم وخلاص غيرهم وزبط الكهربا والحمد لله من ساعتها العربيه تمام وخلى بالك اوعى نجيب غير الابلاتين والكوندنسر الفرساوى الاصلى واوعى تجيب الى ورقته زرقا ولا الصينى وجرب وحتدعيلى:0101 04~171::01010 4~171:

[handtools123]

شوف الردياتير وخراطيم الردياتير وممكن على فكره من السخونية العاليه الخراطيم عندك باظط وبتسرب ميه أو الكوعه اللى جاية من الردياتير لوش السلندر باشت من السخونية وبتسرب مياه هيا كمان بكون جوه الكوعه دى ترموستات
أرجو من حضرتك تكشف ضرورى على الكوعه ده عشان كان عندى نفس المشكله
بص على الرداتير أتلائى خرطوم جى من نص الردياتير فوق وداخل على وش السلندر عن طريق ( كوعة مياه ) هيا دى شوفها بتسرب مياه ولا لأ
وإن شاء الله تكون هيا السبب وتغيرها من عند واحد مضمون بتعمل 25 - 30 جنيه