|
#1
16-09-2011, 05:43 AM
|
||||
|
||||
تنتيش جامد فى 128 و تاخر التدويره والفرامل و الصاج هام جدداااا (الشيخ طارق)
السلام عليكم ورحمة الله وبركاته
عندى مشكلة وهى ان العربية بتنتش جامد وبتبقى نتشه جامده المشكلة فى الاتى زمان كنت ممكن اطلع بالاول والتانى وازود شوية اجيب سرعة 20\25 واجيب الرابع على طوول ممكن كانت بطيئة وبتسرع براحتها بس ما كنتش بتنتش الان اجيب الاول والتانى وابقى على سرعة 20\25 بردوا بس بجيب التالت والاقى العربية بتنش جامد ولو مجبتش التانى تفضل تنتش وهى ماشية لغاية ما تجيب سرعة مناسبة مثلا 35/40 و التنتيش يروح والربع لو ماكنتش السرعة 45/50 تنتش بردوا كده مع العلم انى بستخدم بوجيهات NGK اليابانى ب 40 جنية الاربعه من التوفيقية المشكلة التانية انا اول ماجبت العربية كان فيها زيت التعاون ولما كنت بدور الصبح االعربية كانت بتدور على طول من المفتاح واول ما تدور لو دوست على البنزين على الاخر الاقى الموتور بيتجاوب معايا عادى وبيسرع عادى مع العلم الزيت ده قعد معايا 400 كيلو بس المشكلة الان من ساعة ما روجت غيرت زيت فى وقفة العيد اللى فات ونضفت الكربرتير ونضفت الاسبراتير وصنفرته مع العلم انى غيرت بزيت كالتكس العبوه 5 لتر ب 65 جنية وجبت فلتر زيت جديد وبقيت كل ما اجى ادور الصبح العربية بتغيب ولازم ادوس بنزين ومبقتش تدور من المفتاح زى الاول وكمان اييه اول ما بدور الصبح لو دوست بنزين الموتور مش بيستجيب لا ده بيوقف ولازم اول ما ادور الصبح اسيب الموتور شغال سلانسية بتاع دقيقتين او ثلاث دقائق وبعد كده لو دوست على البنزين العربية بتستجيب عادى والموتور يسرع وكده ده حتى العربية لما بتسخن وبمشى بيها مسافة طويلة ومثلا الموتور فصل لاى سبب واجى ادور ماتدورش من المفتاح على طول لازم ادوس بنزين علشان تدور وفيه كمان حاجه غريبة ساعات لما اجى ادور العربية الاقى فرقعة متوسطة حصلت من تحت علبة التكيف او من جنب سير الكاتينة او من جنب طرمبة المياه هى فى المنطقة ديه وديه لسه جديده وبجد انا تعبت من ال 128 بس اعمل ايه لسه بتعلم و بخبطها وبعمل كل حاجه فيها وبتصلح الخبطة ب 10 /20 جنية وخلاص بس لو جبت ال BYD F3اللى نفسى فيها دلوقت مش هيبقى فيها حته سليمة هههههههههههههههه فيه مشكلة تانية بس ديه فى الصاج انا كان عندى المساعد الامامى يمين حجر وباض فقام شارخ الرفر اليمين الامامى من فوق عند منطقة تلامس حواف الكبوت من المنطقة اليمين اللى فوق الرفررف المهم بعد ما ركبت مساعد جديد لسه بسمعه صوت طقة كده بتحصل من الرفر الامامى يمين اللى كان فيه المشكلة والكلام ده بيحصل لما لما باخد اى مطبات حتى لو كانت شوارع غير مستوية طول ما انا ماشى يفضل الرفر يعمل صوت الطقة واللى بيحصل فى الرفرف زى ما عارفين لما مثلا باب عربية صاجه خفيف لو جيت فى نص الباب ودوست بكف ايدك شوية تلاقى الباب دخل لجوه وطرقع كده ورجع مكانه تانى هو ده اللى بيحصل فى الرفرف لما باخد اى مطب والصوت الطرقة او الطقة ديه بتطلع من كده فهل كده غلط ولا ايه ولو ليها حل يبقى حلها ايه المشكلة الاخيره ان شاء الله وهى انى لما باجى افرمل الفرامل كويسه وكل حاجه بس العربية بترعش بسيط مع العلم ان العربية مش بتيجى لا يمين ولا شمال يعنى لما مثلا بكون ماشى على سرعة 80 ورحت دايس دبرياج وبعدين فرامل بسيط علشان اهدى السرعة العربية بترعش كده رعشة بسيطة مع العلم الفرامل اكثر من ممتازه الحمد لله و العربية لا بتيجى يمين ولا شمال بتفضل فى سكتها عادى بس المشكلة كلها فى الرعشة السيطة ديه فهل ممكن تقولوا ليا الرعشة ديه من ايه وحلها ايه وانا متاسف على ازعاجكم وجزاكم الله خيرا عنا منتظركم يا اخوانى ومنتظرك يا شيخ طارق اخوكم فى الله سيد 
|
|
#2
16-09-2011, 06:11 AM
|
|||
|
|||
رد: تنتيش جامد فى 128 و تاخر التدويره والفرامل و الصاج هام جدداااا (الشيخ طارق)
نضف الكربرتير كويس وظبط كهربة العربيه
|
|
#3
16-09-2011, 12:23 PM
|
|||
|
|||
|
رد: تنتيش جامد فى 128 و تاخر التدويره والفرامل و الصاج هام جدداااا (الشيخ طارق)
غير فلتر البنزين ونضف فلتر الهوا وسنفر الابلاتينوبص عالكندنسرومتلعبش فالبوجيهات وجرب تحط 92 ولو مرة تشوف اداء العربية عامل ايه ولوالعربية بترعش وانت ضاغط فرامل وانت واقف يعني تحس ان الهوا بتاعها ملخبط يبقي السيرفو بتاع الفرامل بايظ ولو الرعشة في جسم العربيةوانت ماشي يبقي تبص علي الطنابير وضروري تروح لسمكري يبصلك عالرفرف وربنا يعينك
|
|
#4
16-09-2011, 12:27 PM
|
||||
|
||||
|
رد: تنتيش جامد فى 128 و تاخر التدويره والفرامل و الصاج هام جدداااا (الشيخ طارق)
السلام عليكم ورحمه الله وبركاته .
اخى العزيز العيوب التى تشكو منها كلها بسيطه ان شاء الله . العيب الاول فى التنتيش والفرقعه احيانا . استبدل الاسبراتير مع ابلتين وكوندنسر جديد وباذن الله كل مشاكل الموتور ستنتهى . اما مشكله الرعشه مع الفرامل فالعيب من الطنابير الاماميه لانها مصرى وبها لوحه فاذا غيرتهم بايطالى او استيراد نظيف فلن تجد رعشه ان شاء الله . اما عيب الخبطات التى تشعر بها من جهه اليمين فهذا تأثير ما تركه المساعد القديم فيجب عليك مراجعه السمكرى ولحام جميع الشروخ التى سببها المساعد القديم . وان شاء الله لم تجد اى شئ اخر والله يوفقك واشكرك على ثقتك فيه .
__________________
تم حذف بيانات الاتصال بناء على الشكاوى المقدمة ضد صاحب العضوية فى الموضوع التالى : http://www.masrmotors.com/vb/showthread.php?t=121431
|
|
#5
18-09-2011, 09:13 PM
|
||||
|
||||
|
رد: تنتيش جامد فى 128 و تاخر التدويره والفرامل و الصاج هام جدداااا (الشيخ طارق)
والله يا جماعة مش عارف ارود عليكم باية غير جزاكم الله كل خير
وجزاك الله خير يا شيخ طارق على اللى بتعملة معانا كلنا ومعلش يا شيخ طارق اخر سؤال تفتكر يدخل الموضوع بتاع مشاكل الموتور ده من غير الصاج والفرامل تدخل فى كام كده بالمصناعية بكل حاجه ولو سبت الفرامل كده هيحصل حاجه ليها ولا لا والصاج بردوا
|
 |
|
|
