{ ولا تَبْخَسُوا النَّاسَ أَشْيَاءهُمْ }...... برجاء الدخول للاهمية القصوى

[محمد فيصل]

جزاك الله كل الخير
لعل المجتمع المصرى يغير بعض طباعة

[albalshy]

انا مش عارف يا جماعه بعضكم بينظر للأمور بنظره مختلفه كده ليه ؟؟؟؟
احنا المقصود من كلامنا فى الاخر ان أى حد يشترى عربيه يبقى مقتنع تماما أولا بالعربيه اللى اشتراها و ثانيا بالمبلغ اللى دفعه فيها لانه حتى بعد ما يشترى و يدفع الفلوس و يستلم العربيه هايفرجها لقرايبه و اصحابه و حبايبه و لاى حد من معارفه من خبراء السيارات و هايقول انا اشتريت بكذا و الحاله قدامكم اهى ففيه اللى هايباركله و يقوله سعر مزبوط و سعر حلو و هايل و ألف بركه و يأكلك خيرها و يكفيك شرها و ده اللى احنا عايزينه انما لما حد يقوله دانت اتضحك عليك ده العربيه غاليه دى ما تسواش اكتر من كذا ما سألتش ليه قبل ما تشترى ده فيها كام ألف زياده الحاجات دى تؤدى لأن تصبح الحاله النفسيه للمشترى سيئه للغايه و هايسب و يلعن فى العربيه و اللى اشتراها منه و اللى اخترع العربيات من أساسه و ده اللى احنا مش راضيين عنه و لا نتمناه لأحد .
هو اللى بشترى عربيه زى اللى بيشترى تلاجه جديده ولا غساله ممكن يكون اشتراها غاليه عن السوق ب 20 جنيه ولا 30 جنيه فمش مشكله عادى مابتحصل كل يوم .
انما العربيات دى بألافات مؤلفه و الفلوس دى مش جايه بالساهل و كلنا تعبانين فيها و نحمد ربنا كلنا ان احنا مرفهين و مبسوطين و بنركب عربيات بس بردو العربيات دى بتستهلك و بتصرف و مفيش حاجه فى الزمن ده بتيجى بالساهل .
و أنا هاسأل نفسى سؤال و ياريت كل واحد بردو يسأل نفسه السؤال ده لو أنا اشتريت عربيه و اكتشفت بعدها انها غاليه بتلات اربع تلاف شعورك هايبقى ايه و هاتحس بايه و نظرتك للعربيه اللى انت اشتريتها هاتفضل زى ماهى ولا هاتختلف .

[otefa]

المشاركة الأصلية كتبت بواسطة albalshy و أنا هاسأل نفسى سؤال و ياريت كل واحد بردو يسأل نفسه السؤال ده لو أنا اشتريت عربيه و اكتشفت بعدها انها غاليه بتلات اربع تلاف شعورك هايبقى ايه و هاتحس بايه و نظرتك للعربيه اللى انت اشتريتها هاتفضل زى ماهى ولا هاتختلف .

ببساطة شديدة المستعمل عرض وطلب وحالة أدفع 3000 زيادة في سبيل الحالة وأنا الكسبان
صعب قوي أنك تحدد بالدقة المتناهية سعر المستعمل الموضوع نسبي جدااااااا

[dr_maged]

هل للربح نسبة محددة في التجارة ؟
هل توجد نسبة محدودة من الربح في التجارة , أم أن الربح غير محدود ؟ نريد الجواب على هذا مع الدليل

الحمد لله

" يجوز لمن اشترى بضاعة للتجارة أو للاقتناء أن يبيعها بأكثر من ثمنها حالاً أو مؤجلاً , ولا نعلم حداً ينتهي إليه في الربح , لكن التخفيف والتيسير هو الذي ينبغي ؛ لما ورد فيه من الترغيب , إلا إذا كانت السلعة معروفة في البلد بثمن معلوم فلا ينبغي للمسلم أن يبيعها على جاهل بأكثر من ذلك , إلا إذا أعلمه بالحقيقة ؛ لأن بيعها بأكثر : نوع من الغَبن ( أي : الخداع ) , والمسلم أخو المسلم لا يظلمه ولا يسلمه ولا يغشه ولا يخونه , بل ينصح له أينما كان , قال النبي صلى الله عليه وسلم : ( الدين النصيحة ) الحديث , رواه مسلم في صحيحه , وفي الصحيحين عن جرير بن عبد الله اليماني قال : ( بايعت النبي صلى الله عليه وسلم على إقام الصلاة وإيتاء الزكاة والنصح لكل مسلم ) " انتهى .

"فتاوى اللجنة الدائمة للبحوث العلمية والإفتاء" (13/89) .

وجاء في "فتاوى اللجنة الدائمة" أيضاً :

" ليست الأرباح في التجارة محدودة , بل تتبع أحوال العرض والطلب , كثرة وقلة ، لكن يستحسن للمسلم تاجراً أو غيره أن يكون سهلاً سمحاً في بيعه وشرائه , وألا ينتهز فرصة غفلة صاحبه , فيغبنه في البيع أو الشراء , بل يراعي حقوق الأُخوّة الإسلامية " انتهى .

"فتاوى اللجنة الدائمة للبحوث العلمية والإفتاء" (13/91) .

[waelsalah]

جزاكم الله خيرا
وكمان موضوع نصب وغش التجار والصنايعية مهم جدااااااااااااااااااا
http://www.masrmotors.com/vb/showthread.php?t=44897