مشكله فى اوبل فيكترا و عايز اعرف حلها

[esam 123]

المشاركة الأصلية كتبت بواسطة ahmed_kamel بص ياعمنا أنا كان معايا أوبل فيكترا موديل 98 200 سي سي وكانت معايا من الزيرو لحد مابعتها والحمد لله سنة 2006 وخلصت من مشاكلها وتكاليفها الباهظه أنا كانت عندي المشكلهإللي حضرتك بتشكي منها ديه وغيرت ستمائة حاجه (ناس تقولي يمكن دورة التبريد بتاعة الفتيس أو الباور هما اللي فيهم التسريب وغيرت الخراطيم الخاصه بهما ولم تفلح ثم البعض قالي القربه بتاعة الميه يمكن تكون بتسرب مع الحراره ويكون فيها شرخ بيتسبب في ده (أنا عايز أقولك إن الكل أكد إن الرادياتير سليم) وغيرت القربه بالغطاء ولم تنجح العمليه وحصلت مشكله كده في الوسط وطرمبة الميه باظط وغيرتها وساعتها قالولي يمكن الطرمبه كانت هيه السبب وبتسرب ميه قولت طيب أدينا غيرناها ولم تنجح برضه ماطولش عليك طلعت المشكله في الرادياتير (ولعلمك حتى وأنا واخد القرار وبشتريه وبركبه الصنايعي مكانش مقتنع إنها من الرادياتير) بس أنا قلتله أنا غاوي نظافه هوه اللي بقي في دورة التبريد مابقاش في حاجه تانيه ناقصه , وبالفعل بعد تغيير الرادياتير إنتهت المشكله تماما يعني شيك على الخراطيم لو لقتها سليمه إتوكل على الله وغير الرادياتير بيبقى للأسف مخروم من حتت كتير وعامل ومش باينه وبيبخر المايه نصيحه أخويه لو مش عزيزه عليك إخلص منها وحقولك ليه أنا لم يسبق لي أن رأيتك ولا شفت عربيتك بس حقوللك عن تاريخها معاك بدون ماأشوفها لأنها عيوب مشتركه وعامه في الأوبل فيكترا الشكل ده: 1- البطاحات إللي بتبقى فوق المساعدين تقريبا محتاجه تغيير كل 8 شهور 2- المساعدين أمامي وخلفي محتاجين تغيير كل 14 شهر على الأكثر إن لم يكن 12 شهر خاصة الخلفيين خفاف جدا 3- الـ مـاف <==== وده حاجه كده عشان ظبط الهواء والبنزين وبيسبب برجله للموتور وبتطلع لمبه لونها برتقالي بالتابلوه مرسوم عليها موتور 4- قاعدة الشداد العلويه للموتور بتتغير كل بتاع سنه هيا التانيه 5- طرمبة البنزين الكهرباء إللي تحت الكنبه الخلفيه بتتغير كل سنتين تقريبا وبتعملها معاك في أي حته وتقطع بدون سابق مقدمات 6- الموزه الموجوده بالباب مقبض الباب الداخلي يمين وشمال قدام بيتهروا الكاوتش بتعاعه 7- شاشة العرض بتاعة الساعه والراديو وخلافه الليدات بتاعتها بتقع واحده ورا التانيه لحد ماتضلم خالص وغيره وغيره وغيره وعشان كده العربيه ديه سعرها واقع في المستعمل وربنا يعينك عليها

السلام عليكم اخى العزيز انا كنت اتجول فى المنتدى وقرات الموضوع من اولة وشدتنى جدا مشاركة حضرتك اولا انا مهندس ميكانيكا ثانيا اركب سيارات اوبل من 14 عام من اول 95 حتى 2003 وكلة مكن 2000 وواضح انك ظلمت الاوبل جدا جدا فى كلامك فهى ليست كما قلت وهى من اعظم السيارات على مستوى العالم والشاهد على ذلك مبيعات هذا العام على مستوى العالم من سياراتها جعلت الشركة تتراجع عن صفقة البيع التاريخية ولكن تجربة مبنية على الاتى ميكانيكى متخلف لخبط العربية وبناءا علية تغير وتذهب الى اخر وهكدا او هو متخلف وانت متمسك بة والدليل كلامك الذى قلتة لايعيب السيارة فى شئ ولكن الميكانيكى متاخذنيش حمار لانة لم يكتشف العيب ولهذا انبة ان اهم شئ هو التوحد مع فنى متميز ولا يتم تغييرة ليكون لدية سجل للسيارة وافضل شئ فنيين التوكيل لهم ورش خارجية وانا افعل ذلك ولم امر نهائيا على مدار 14 سنة بما ذكرتة حضرتك فتخير مع من تتعامل اولا وشكرا اخى العزيز

[ahmed_kamel]

حمدا لله لقد غيرت السياره منذ أكثر من ثلاث سنوات ..... ومشكلة الرادياتير هي فقط من بسببها غيرت عدة ميكانيكيه ... ولكن بالنسبه للأعطال عامة كنت أتعامل مع ميكانيكي لايعمل غير في أوبل فقط فقط فقط فقط .... وكنت أقول له ماذا فعلت بي السياره وأشرح له الحاله عبر التليفون في أي حته في القاهره ... لو وقفت بي العربيه .... أجده يشخص الحاله والعلاج بالتليفون وبلاقيه قدامي في أسرع تاكسي ومعاه قطعة الغيار كمان لأنه متأكد من العيب ويتم حل المشكله في الحال ....
لذا وجب التوضيح ...

[tefa_king1]

شكرا يا جماعه على الاراء بتاعتكو

[ENG\AHMED]

المشاركة الأصلية كتبت بواسطة ahmed_kamel عزيزي المحترم مهندس أحمد 1- مشكلة البطاحات إسأل عنها أي ميكانيكي بيشتغل في أوبل لو مش مصدق وبتسبب هبوط في مقدمة العربيه عن الطبيعي بتاعها والمطبات بتكون عنيفه لعدم قدرتها على إمتصاصها من ردة فعل المساعد 2- ربنا يباركلك في المساعدين بتوع العربيه بتاعتك لأنها واضح إنها من النوع النادر ... فالمشكله عامه وليس لي مصلحه في القول عنها بما لست مقتنع به (فتجربتي ليست لدى سيارتي فقط فسيارتي كانت موديل 98 2000 سي سي وكان لدى إبن خالتي وصديق لي موديل 99 ولكن 1600 سي سي وكانت بها نفس المشاكل مع إختلاف موضوع الماس فقد كانت عندهم مشكله ثابته وهي النصف العلوي من الكاربيرتير إتغير في السيارتين ... وتمت رحلة بحث مكثفه عن النصف العلوي لدى تجار الإستيراد لأن الكل مش عندهم النصف العلوي كله متخلع ومتباع من الكاربيريتيرات وذلك لشيوع العيب بالتأكيد ولايوجد منه جديد فالجديد يباع كامل وليس على نصفين) 3- للأسف برضه الماس إير برضه مشكله مش مفهومه وتقدر تسأل في التوكيل لدرجة أنني إستغربت لماذا يحدث هذا العطل فقال لي مهندس الورشه بأن الماس إير هو هو الموجود بالمرسيدس ولكن في الأوبل يعطل كثيرا وبدون سبب واضح !!!!! 4- قاعدة الشداد للموتور العلويه ليس المقصود بها بلية الشداد للسيور نهائيا ... أقصد تلك القاعده للموتور العلويه وهذه صوره توضح القاعدة المشار إليها .... الموجوده بداخل الدائره الخضراء (محدش يجري وراء السهم الأحمر) وعلى فكره سواقتي هادئه للغايه ولست من محبي النتش ولا خلافه نهائيا ... وهذه صورة الشداد لوحده للتوضيح أكثر 5- طلمبة البنزين الموجوده تحت الكنبه الخلفيه باظت عندي أكثر من مره وبدون أي مقدمات ومش عندي بس لدى قريبي وصاحبي أيضا ... مع العلم أنني محافظ جدا جدا ودائما أحافظ على أن يكون التانك الخاص بالبنزين ممتليء ويمكن مابينزلش عن النص أبدا 6- لاخلاف على ذلك... 7- الشاشه بالديجيتس موجوده في سيارات عده أخرى وليست بها نفس المشكله .. 8- مارأيك في موضوع علبة الدركسيون ... فهو عيب منتشر جدا بهذا الموديل....وللتجربه جرب تنزل بعربيتك الفيكترا بي في منطقة معروف وإمشي بس باللعربيه ستجد مليون واحد بيوقفك عشان يقولك إن عنده في الورشه إمكانية إصلاح علبة الدركسيون للأوبل ديه بالذات نظرا لأنه عيب شائع بها لذلك يعتقد الغالبيه أن سيارتك بحاجه لعمرة علبة دركسيون (للشيوع) شاكر حسن وسعة صدر الجميع

استاذ احمد .. شكرا لذوق حضرتك ومع احترامى لرأيك انا اعرف ناس كتير معاهم نفس العربية وفى حاجات كتير ماسمعتش عنها قبل كدة (انا مش بكدبك) ممكن تكون حالات فردية او بسبب اهمال الصيانة او سوء استخدام او عك صنايعية وقطع غيار مضروبة

1- موضوع البطاحات دة اول مرة اسمعة كمشكلة فى العربية .. الطبيعى انهم هيتغيروا لما يبوظو انما مسمعتش انهم عيب فى العربية وبيتغيروا باستمرار ولا حتى من الميكانيكية بتوع الاوبل

2- للعلم العربية ال 1.6 الكامة الواحدة انجيكشن مش كبراتير زى مابيقول الصنايعية , هى انجيكشن برشاش واحد ... انا مسمعتش عن حد غيرهم او اشتكى منهم ولا جاب سيرتهم حتى
للعلم الموتور دة نادر جدا جدا استيراد لأن محدش بيركبة وبيبقى معظمة خلع وبالتالى ندرة قطع غيارة استيراد ... المانيفولد ممكن يركب بسهولة لو شبة اى مانيفولد بتاع موتور تانى استيراد انما منطقة الرشاشا اللى قصدك عليها صعب تلاقيها لنفس السبب السابق
بصراحة انا مش عارف اية المشكلة اللى ممكن تحصل فيها تخليها تتغير لأن مفهاش غير رشاش واحد بس وال IAC والباقى اجزاء ميكانيكية وبالاتالى مش عارف اية المشكلة اللى تخليها تتغير كلها !!
3-بردة مسمعتش عنها قبل كدة او بالنسبة لباقى العربيات عادى
4- ماشى دى ممكن معاك فيها بس دايما هتلاقى حتة الجلد الرقيقة اللى جوة الجزء الكبير بتاع الشداد دى اللى مقطوعة ودى مش مهمة فى حاجة الاهم الكاوتشة العريضة اللى بيبقى مربوط من عندها الشداد ودى غالبا مش هتقطع اللا بسبب الاتخدام السئ او عمر افتراضى
5-مسمعتش عن العيب دة نهائى .. بالنسبالى انا غيرت الطلبمة مش سنة ونص تقريبا او سنتين ودة كان بسببى لأن كنت بسيب العربية لحد لما اللمبة تنور ودة غلط غير كدة مسمعتش مشاكل منها
7- موضوع الشاشة فعلا بيختفى منها اسطر ودة شوفتة كتير فى عربيات كتير غير اوبل .. واحد صاحبى معاة بيجو 406 تقريبا الشاشة كلها ممسوحة .. عموما اللى يبوظها السوائل والشمس
8-مسمعتش منها مشاكل وان كان دة عيب منتشر فى عربيات المحروسة بسبب الشوارع .. منطقة شامبليون نزلتها كذا مرة بعربيات مختلفة وكل مرة الصنايعية بيسألوا نفس السؤال وانت معدى بغض النظر عن نوع العربية !!
للعلم واحد صاحبى شاف اكتر م نمرة عربيات BMW الفئة الخامسة الجديدة اول لما نزلت منهم عربيات مكملتش 10000كلم وجايبين علب دريكسيون!!

[MohamedGafar]

ممكن العربية اللى كانت معاه ماشية كيلو متر كتير ومشي فى شوارع تعبانة فإنتهي العمر الإفتراضي لحاجات كتير فى العربية بس هو لاخلاف إن الأوبل وبالذات الفيكترا محتاجة عناية أكتر من المعتاد! عموما الألماني بشكل عام بيحتاج متابعة وصيانة أكثر من الياباني والكوري.

تحياتي.