الى ملاك A516 فقط ......... موضوع هام جدا .

[BASSEM BESO]

بعد التحية والسلام لجميع الأعضاء طبعا بعد ماشاهد الجميع وشارك البعض فى المهزلة التى حدثت بين الأعضاء فى مناقشة الموضوع الذى عنوانة التالى:

زيادة تاكيد 516 عربية منظر وعفوا لكل اللى بيدافع عن العربية

طبعا قد تم ازالة وحذف الموضوع من قبل المدير العام للمنتدى لما حدث بداخلة من فوضى وتجاوزات لذلك فأنا اطرح موضوع اليوم للمناقشة بس ياريت لمن يقرأ هذا الموضوع ويشارك ان يكون من ملاك وليس مجربين ....... من ملاك A516 لو سمحتوا حتى نتلافى الأخطاء الماضية الذين شارك معظم الأعضاء بها

وانا اطرح موضوع يتحدث فية ملاك اسبرانزا عن تجربتة مع السيارة ومميزاتها وعيوبها من وجة نظر صاحبها والمشاكل الذى صادفتة بكل امانة حتى نساعد بعضنا على حل مشاكلنا والمشاركة فيما بيننا وهذا هو هدف هذا المنتدى العظيم ولنبدأ بى فى هذة المناقشة كمثال :

تاريخ الأستلام: 12\1\2010 م

المميزات :
- عربية مريحة جدا فى السفر لمسفات طويلة .
- ثابتة على السرعات العالية .
- تعتبر على قد فلوسها .
- امكانياتها وكمالياتها هايلة .
- تعتبر سيارة عائلية من الدرجة الأولى .

العيوب :
- عفشة ناشفة جدا .
- خامات قليلة الجودة نوعا ما .
- عيوب تقفيل مصرى واضحة وباينة للكل .
- لم يتفق عليها الناس بعد .
- خدمة التوكيل سيئة جدا .

المشاكل التى صادفتنى :
- مشاكل كم قلت عيوب تقفيل وكلها تحل فى التوكيل بعد عدة مرات لأنة توكيل ضعيف لا يرضى طموح العملاء ولابد ان تقدم شكوى فيهم فى الشركة وفى حماية المستهلك وترفع صوتك عليهم لأن الذوق والأدب والأحترام لن يسعفك مع مثل هؤلاء وامثالهم
- سوء بعض الخامات الموجوده فى العربية وقطع غيار ضعيفة الى حد ما كالمساعدين وتيل الفرامل .

فأرجو من جميع ملاك العربية المشاركة حتى نستطيع ان نساعد بعضنا
وجزاكم الله خيرا واسف على الأطالة

[mahmooud135]

يشرفنى انى اول واحد ارد على الموضوع
تاريخ الاستلام 7/6/2009
مميزات
- تمام مريحة فى السفر
- تمام ثبات على السرعات العالية
- متفق معاك على قد فلوسها
- متفق معاك عائلية من الدرجة الاولى
المشاكل الى صدقتنى
- انسداد طلمبة البنزين اكثر من مرة
- دخول هواء ساخن من فتاحات العربية
- تغير عمود الدريكسيون مرتين
- تغير طلمبة بور
- تعليق ماكينات الزجاج
- ضعف الفرامل
- تقشير عصا الفتيس والطارة
- عدم اعتمادية قطع الغيار حيث انها ردئية جداجدا
- نشوفية العفشة
- سحب ضعيف
-تكييف ضعيف جدا مقارنة باليانى والكورى والفرنساوى
كيفية المحافظة على السيارة
- عدم تشغيل الانوار ليلا علشان الدينمو بيقطع شحنة لوحده
- عدم السير فى الاماكن المزدحمة
- عدم السير على سرعات عالية ( علشان الفرامل وحشة جدا وكانت هتقلبنى من فوق كوبرى 6 اكتوبر )
- عدم السفر بيها علشان ممكن سير الكاتينة يقطع فى اى لحظة ( والدينمو بالمرة )
- عدم السير فى الطرق المصرية علشان بتعمل دبدبة فى الدريكسيون ( بيبوظ بسرعة )
- عدم تشغيل التكييف ( مروحة البيت افضل منه )
- عدم السير فى الاماكن المتعرجة علشان العفشة نشفة
- واخيرا وليسة اخير عندما تذهب الى التوكيل علشان تعمل صيانة 10000 وتشتكى من دبدبة فى العفشة التوكيل هيؤلك لازم تغير المقص علشان اتعوج انت اكيد نزلت فى مطب جامد لازم يتغير وهو غير شامل الضمان وبتفضل تدفع فى فلوس على الفاضى والله الموفق

[ابو جودة]

ياه كل دى عيوب

[حازم شاهين]

المشاركة الأصلية كتبت بواسطة mahmooud135 كيفية المحافظة على السيارة - عدم تشغيل الانوار ليلا علشان الدينمو بيقطع شحنة لوحده الكلام ده حصل معاك و لا على السمع عموما هو ما حصلش معايا و لا مع أى حد من إللى أعرفهم و معاهم العربية 516 - عدم السير فى الاماكن المزدحمة ليه ؟؟؟؟ - عدم السير على سرعات عالية ( علشان الفرامل وحشة جدا وكانت هتقلبنى من فوق كوبرى 6 اكتوبر ) بالعكس الفرامل ممتازة و خصوصا فى وجود ABS - عدم السفر بيها علشان ممكن سير الكاتينة يقطع فى اى لحظة ( والدينمو بالمرة ) لا طبعا محصلش غير للى غيروه خارج التوكيل - عدم السير فى الطرق المصرية علشان بتعمل دبدبة فى الدريكسيون ( بيبوظ بسرعة ) محصلتش معايا و أنا 2009 - عدم تشغيل التكييف ( مروحة البيت افضل منه ) مبالغة كالمعتاد تكيف العربية جيد جدا و لا يؤثر على آداء المحرك - عدم السير فى الاماكن المتعرجة علشان العفشة نشفة صح العفشة ناشفة لكن العربية بتتحمل السير فى الطرق غير الممهدة و تتميز بإرتفاعها عن اﻷرض - واخيرا وليسة اخير عندما تذهب الى التوكيل علشان تعمل صيانة 10000 وتشتكى من دبدبة فى العفشة التوكيل هيؤلك لازم تغير المقص علشان اتعوج انت اكيد نزلت فى مطب جامد لازم يتغير وهو غير شامل الضمان وبتفضل تدفع فى فلوس على الفاضى والله الموفق طبعا مبالغة أنا عملت صيانات كتير فى التوكيل و مغيرتش حاجة غير الزيت و فلتر الزيت

الردود فى اﻹقتباس

العربية بها ما بها من مميزات و عيوب لكنى أدعوكم للتفرقة بين التقييم الموضوعى الهادئ و التقييم الذى لا يهدف سوى اﻹساءة لسمعة السيارة و التسبب فى اﻹضرار بمصالح أصحاب السيارة

[mahmooud135]

المشاركة الأصلية كتبت بواسطة حازم شاهين الردود فى اﻹقتباس العربية بها ما بها من مميزات و عيوب لكنى أدعوكم للتفرقة بين التقييم الموضوعى الهادئ و التقييم الذى لا يهدف سوى اﻹساءة لسمعة السيارة و التسبب فى اﻹضرار بمصالح أصحاب السيارة

طيب حضرتك يا استاذ حازم رديت على كيفية المحافظة على السيارة من فضلك ممكن حضرتك ترد بردة على المشاكل اللى صدفتنى ومنها مشكلة انا نسيت اذكرها وهى مصاريف تشغيلها او بمعنى اوضح الصيانات الدورية وتكليفتها وشروطها واهم شرط كل ثلاث شهور