|
الصينى العام الصين هى احدث صانعى السيارات فى العالم حيث بدأت فعلياً فى عام 1998 الا ان تعداد الصين والنمو الاقتصادى السريع جعل من الصين واحدة من اكبر الاسواق العالمية مما جعل الشركات العالمية تتهافت على تصنيع سياراتها فى الصين بينما تسعى الصين لغزو العالم بمنتجاتها المحلية اهم الشركات : هايما - ليفان - فاو - جاك - شانا بينى - شيرى و اسبيرانزا - جيلى - ايديا Zotye - FOTON - CHERY - Brilliance - Great Wall - Geely - FAW - Lifan - BYD - SPERANZA |
|
أدوات الموضوع |
#1
|
|||
|
|||
Geely Mk وله BYD F3
يا جماعة انا محتار جدا ومحتاج المساعدة فى القرار العربيتين عجبنى جدا
محتار اختار مين فيهم (مش بتاعة هشام عباس) نبدأ بـ Geely MK فول أوبشن ( ينقصها ABS و الكاسيت - راديو و كاسيت و فتحة MP3 و بدون باركنج سنسور و الفرش مخمى مش جلد و بدون أير باج) السعر 62500.00 الضمان 5 سنين او 100 الف كيلو BYD F3 فول اوبشن ( بس هتتقفل فى مصر ) تقريبا فيها كل حاجة السعر من 65000.00 الى 68000.00 ( لانها هتنزل الشهر الجاى) الضمان سنتين او 60 الف كيلو محتاج النصيحة اشترى ايه منهم |
#2
|
|||
|
|||
رد: Geely Mk وله BYD F3
لو قولت لحضرتك بلاش من الاتنين هتزعل مني
الجيلي عربيات لا تعليق عليها ( حاجه ما يعلم بيها الا ربنا ) و دي اراء ملاكها البي واي دي الحسنه الوحيده اللي فيها المحرك الميتسوبيشي و في ناس شكرت فيها و ناس لا فبلاش من الصيني ( من غير زعل و لا تعصب ) و انا برشحلك العربيات دي كبدائل : رينو لوجان 1.6 لتر مانيوال جميع الكماليات ب 67000 جنيه شيفروليه لانوس 1.5 لتر مانيوال جميع الكماليات ب 70000 جنيه فيات بونتو 1.3 لتر مانيوال جميع الكماليات ب 70000 جنيه كيا بيكانتو 1.1 لتر مانيوال جميع الكماليات ب 63000 جنيه كيا بيكانتو 1.1 لتر اوتوماتيك جميع الكماليات ب 70000 جنيه هيونداي اي 10 1.1 لتر مانيوال جميع الكماليات ب 64000 جنيه هيونداي اي 10 1.1 لتر اوتوماتيك جميع الكماليات ب 72000 جنيه هيونداي فيرنا 1.6 لتر مانيوال جميع الكماليات ب 68000 جنيه هيونداي فيرنا 1.6 لتر اوتوماتيك جميع الكماليات ب 75000 جنيه هيونداي فيفا 1.5 لتر مانيوال جميع الكماليات ب 67000 جنيه لو في عربيه من اللي انا رشحتهم لحضرتك عجبتك توكل علي الله و لا تنسي صلاه الاستخاره
__________________
|
#3
|
||||
|
||||
رد: Geely Mk وله BYD F3
أنصحك فى البداية بقراءة الموضوعين دول
تقرير عن السيارة جيلى MK تقرير عن السيارة BYD F3 لكن أحب أقول فى نفس الوقت إن الجيلى كان ليها تجربة فاشلة فى مصر من سنتين بسبب توكيلها لكن حاليا يتحاول تصلح الصورة السيئة دى و فيه ناس كتير معجبة بالسيارة بالنسبة للسيارة BYD كمان فيه ناس كتير إشتاريتها و معجبه بيها ممكن حضرتك كمان تعمل حاجه مهمة و هى إنك تنزل سوق قطع الغيار سواء فى التوفيقية أو روكسى و تسأل عن قطع غيار السيارتين و تشوف إيه المتوفر و إيه النادر و تعمل مقارنة بين الأسعار الموضوع ده ممكن يساعد فى إتخاذ القرار . عموما فيه نصيحة لازم كل واحد عايز يشترى عربية صينى أقل من 100 ألف جنية ...... و هى إنك بتشترى عربية رخيصة يعنى ما تتوقعش منها إنها تكون فى نفس مستوى العربيات الأغلى علشان فيها كماليات العربيات الأغلى أكيد الثمن الرخيص ده بيأثر على بعض الخامات و الجودة .... كمان سعر إعادة البيع لسه مش قوى مثل السيارات الأقدم فى السوق فى النهاية لا تنسى الإستخارة |
#4
|
||||
|
||||
رد: Geely Mk وله BYD F3
ياريت حضرتك توضح لنا عيوب الجيلى MK بالتفصيل ولك جزيل الشكر |
#5
|
|||
|
|||
رد: Geely Mk وله BYD F3
دايو جوليت عايز اعرف سعرها
|
|
|