|
المرور والشهر العقارى خاص بالمواضيع عن قانون المرور وإجراءات الشهر العقارى والقوانين المنظمة للمرور والتراخيص ومخالفات المرور |
|
أدوات الموضوع |
#1
|
|||
|
|||
حد عمل الرخصه في مرور فيصل ؟؟
انا ساكن في الجيزه و عايز اعمل رخصه
جهزت كل الورق المطلوب بس عايز اعرف نظام الناس الي هناك انا بسوق كويس و اعرف اعدي الاقماع و حفظت معظم الاشارات بس الي عايز اعرفه هل في مرور فيصل هحتاج واسطه ؟؟ ولا هدفع فلوس و يخلصوني ؟؟ اصلي سمعت ان فيه مخبرين هناك بس معرفش ايه النظام |
#2
|
|||
|
|||
رد: حد عمل الرخصه في مرور فيصل ؟؟
وانا اضم صوتى لصوتك عايز اعرف ايه النظام فى مرور فيصل
|
#3
|
|||
|
|||
رد: حد عمل الرخصه في مرور فيصل ؟؟
بص يا سيدي
هيا هتحتاج منك فلوس حوالي 150 جنية غير مصاريف الرخصة الاصلية اللي هيا حوالي 90 اعتقد و لازم طبعا تكون جايب شهادة بطن و نظر و خلاص كل حاجة هتمشي |
#4
|
|||
|
|||
ازاي تطلع رخصه السواقه من مرور فيصل من غير كوسه ولا رشوه :D
الموضوع كالاتي
طقت في دماغي الاسبوع الي فات اعمل رخصه في يوم الاربع (الي هو انهارده) عشان المفروض دا يوم الاجازه الوحيد عندي ptmnlo123per144 المهم جهزت ورقي و كله تمام و قريت كتير اوي ع النت و سألت ناس كتير قرايبي و اصحابي علي النظام هناك ناس كتير قالتلي ورقت مش هايمشي و لازم تدفع ptmnlo123per172 و ناس قالتلي خد كرت من اي ظابط قريبك و حطه ف الملف و ناس قالتلي ابرز الوينجز تنجز (يعني رش و الدنيا تمشي ptmnlo123per1124 ) مفيش حد قالي اعملها قانوني انا قعدت اضرب الامور في دماغي بس ف الاخر قررت اعمل حاجه م الاتنين اخليها علي الله و اروح سقط نجحت يبقى عملت الي عليا و ماعملتش حاجه حرام يا اما لو لقيت العمليه قافشه ممكن اظبط الي بيمتحني بعشرين جنيه ورقه واحده الاول لازم تخلي بالك ان كل ماروحت بدري كل ماخلصت امورك اسرع و الاحسن تكون هناك الساعه 9 او قبلها عشان تقدم الاول و تخلص الاول و حاول تشوف عربيه حد من قرايبك او اصحابك تبقى معاك عشان مايحصلش معاك الي حصلي انهارده ptmnlo123per1133 نخش ف الموضوع طبعا اهم حاجه يكون معاك كشف الباطنه و النظر و لو مش معاك فيه مكتبات علي باب القسم بتعملها ب 25 جنيه و صورتين و صوره البطاقه بس اول ما تدخل هتجيب الورق و اهم حاجه الدوسيه (ب 3 جنيه) او الورق و الدوسيه كلهم ب 15 جنيه (يعني الدوسيه و ورقه التقديم و ورقه الامتحان) هتجيبهم و تسجل بياناتك الي هي الاسم و نوع الرخصه و تاريخ الميلاد و المهنه و محل الاقامه بعد كدا هتحط في الدوسيه شهاده الباطنه و النظر و صوره البطاقه و الورق طبعا الي مليته و تروح علي شباك التقديم الي مكتوب عليه الرخصه الخاصه هتاخد الورق منك و صورتين و هتدبسه ptmnlo123per154 بعد كدا هتروح ع المتحان النظري الي المفروض بيبتدي الساعه 10 بالظبط امتحان النظري كان مفيهوش كوسه لان الظابط كان قاعد و فيه واحده هي الي ماسكه امتحان الكمبيوتر و الظابط هو الي بيختم الورق للي ناجح و الي ساقط طبعا انا وصلت القسم الساعه 9 و ربع و جبت الورق و قدمته و استنيت لغايه الساعه 10 عشان الربع ساعه التأخير دول اتأخرت في امتحان النظري ساعه الا ربع بس مش مشكله طالما الساعه لسه ماجتش 12 لان الظابط بيمشي و يقفل اللجنه الساعه 12 بالظبط طيب صيغه الاسأله ايه ؟؟ الاساله تقريبا 12 سؤال و كل سؤال بتجاوبه في نص دقيقه و غير كدا كل ماتحل اسرع كل ماتاخد درجه اعلي (انا جبت 82.25% ) و الامتحان موجود علي الموقع ده http://www.futuredriver.net/HomeAr.aspx انا الي خوفني ان الي قبلي كان جيله اساله اول مره اشوفها يعني مثلا سؤال بيقول و انت ماشي هتلاحظ ايه ؟؟ 1- صديق ليك في عربيه مجاوره 2- محل منزل اوكازيون 3- صديقك وقع متعلقاته تحت الكرسي طبعا انا اول ما شوفت السؤال قولت انا لابس يا معلم ptmnlo123per1147 بس انا كنت حليت اساله كتير م الي جاتلي ع الموقع الي فوق و نجحت الحمد لله ptmnlo123per136 المهم خلصت الامتحان لو نجحت بتروح تمتحن العملي و لو سقت يبقى هتيجي بعد شهر ع الاقل او لو عندك واسطه يبقى تعالي تاني يوم و قدم تاني و هيخلصهالك طلعت م الامتحان النظري ع العملي برا القسم كان فيه راجل محترم كدا الي قاعد ماسك الامتحان المهم روحتله و قولتله انا جاي عشان امتحن راح قايلي طيب هات العربيه !! يا عم انا هجيب العربيه ازاي و انا معيش رخصه قالي طب اتصرف في عربيه و ماتخافش الامتحان سهل طيب اشطه روحت طالع ع المدرسه قالولي العربيه مخبوطه و باظت ptmnlo123per160 !!! روحت طالع ع الشارع و قولت اوقف اي تاكسي امتحن عليه ptmnlo123per122 فضلت واقف نص ساعه مفيش تاكسي راضي اني امتحن عليه ptmnlo123per111 روحت ضربت واحد ببس و قولت اشوف الناس الي هتمتحن معايا دي نظامها ايه معظم الي بيمتحنو كان معاهم عربيات و مفيش حد عايز يخلينا نمتحن ع العربيه بتاعته خلصت الببس و روحت طالع تاني ع الشارع وقفت نص ساعه تاني لغايه مالقيت تاكسي امتحن عليه روحت بالتاكسي لغايه الامتحان و بعدين ركبت قالي اطلع قدام طلعت قدام و بعدين ارجع ورا رجعت ورا و بعدين اطلع بالعربيه برا بس كدا يا معلم اطلع قدام و ارجع ورا مفيش احلي من كدا ptmnlo123per154 سواق التاكسي لهف 30 جنيه ف الخمس دقايق دول بس اهو انجزني و نجحت في امتحان العملي ptmnlo123per1127 روحت رجعت لنفس الشباك الي قدمت فيه استنيت يندهو اسمي عشان اخد اذن دفع عشان اتصور و اطلع الرخصه اما وصلت للشباك خدت البطاقه و ادتني اذن دفع ب 45 جنيه و خدت البطاقه روحت طالع تاني دور عند الخزنه و دفعتهم و نزلت اديتها الوصل مفيش نص ساعه ندهو علي اسمي عشان اتصور روحت داخل اتصورت و خدت البطاقه و استنيت اما الرخصه تطلع بعد بتاع ربع ساعه راح الظابط نده علي اسمي و سلمني الرخصه كدا انا صرفت 90 جنيه فقط لا غير 15 الورق و الدوسيه 45 الوصل الاخراني عشان الرخصه 30 جنيه تاكسي لو عايز كشف الباطنه و النظر ب 25 جنيه من المكتبات الي علي باب القسم اي استفسارات انا موجود اخيرا توكل علي الله اولا و اخرًا و الامور كلها هتمشي من غير مشاكل ماتخدش بكلام الناس لان مفيش حاجه صعبه طالما انت متأكد من قدراتك و من امكانياتك ذاكر كويس و انت هتنجح و مش بس هتنجح لا انت هتبقى سائق جيد علي الطريق |
#5
|
رد: ازاي تطلع رخصه السواقه من مرور فيصل من غير كوسه ولا رشوه :D
برافو عليك و الف الف مبروك الرخصه
تستعملها في الخير ان شاء الله و اللي انت عملته دا الصح و عين العقل اللي معاه واسطه بينجح مافيش مشكله لكن اللي مش معاه مش معناه انه حيسقط و مافيش حاجه اسمها تدفع علشان تطلع الرخصه يعني كل اللي سايقين عربيات من غير وسايط بقي دافعين ولا ايه؟؟ اللي انت عملته دا عين العقفل و كويس انك لميت الموضوع كله في يوم واحد و الف الف مبروك مره تانيه
__________________
حـازم خـضـر
|
|
|