هو فى بنت تسوق فيات 131 ؟!!

[RaNoOoNa]

المشاركة الأصلية كتبت بواسطة AbOnOrA والله قلبى عندك بابا يظهر بيربيكى مش بيعلمك السواقة بس بس عموماً لو عرفتى تتأقلمى مع ال 131 هتبقى سواقه جامدة بجد لان العربيات ديه بتعلم كل حاجة سواقه وميكانيكا وصبر وكل حاجة ") لكن لو انا مكان والدك كنت جبتلك كيا برايد او بولو الحاجات ديه سواقتها ناعمة وكماليات ادمية وعملية جداً عن ال 131 اما موضوع الانسر ده فاعتقد انه لسه مش وقته لما تتمكنى شوية الاول

اهو لبسنى فى 131 ودى مش عارفة اتعامل معاها ابدا اصلا اولا لما بتدور تخض من صوتها و اقول هى ليه بتعمل كدا
طبعا مش هقدر اقوله هاتلى حاجة تانية غير دى اتعلم عليها و بعدها جبلى لانسر

[RaNoOoNa]

المشاركة الأصلية كتبت بواسطة michohat من ناحيه العربية ف 131 كويسة ولكن من وصف حضرتك لحاله العربية من الواضح ان العربية عاوزة شغل كتير علشان تبقى مظبوطه و مش تكون هم في السواقه فممكن حضرتك تقولي كل المشاكل اللي حضرتك قابلتيها لوالد حضرتك ويشوف ميكانيكي يعملها ليكي ( دركسيون ال 131 مش خفيف قوي هو بيقولوا عليه نص باور او هاف باور) الحدفه غالبا ظبط زوايا بعض العربيات بتنزل فيها تكييف ولكن الاغلبيه لا الفيتيس لازم حد يشوفه لان حضرتك بتقولي تقيل فدي ليها اكتر من احتمال ( زيت الفيتيس - اسطوانه الدبرياج ) صوت الماتور عالي احتمال لان لسه رجلك مش مضبوطه على العربية او الماتور فعلا مش مضبوط او مضبوط والعزل اللي بين الماتور والصالون مش مضبوط وواقع تكارك العربية علشان تحضر بنزين وتدور ده عادي دوسه مره واتنين وثلاثة لان العربية كاربراتير لازم تخلي الوالد يظبطها ليكي علشان تسوقيها بدون مشاكل اهم حاجه تخليه يظبطها ال موتور والعفشة

اولا الدركسيون بتاعها استحالة يكون هاف باور ولا فيه ريحة الباور اصلا ده مش بيتحرك من مكانه عايزله حد بتاع عضلات
ثانيا انا مش بفهم فى مكانيكة العربيات و المشكلة انى اول لما مشيت بعربية مشيت باوتوماتيك عشان كدا مستصعبة المانيوال و كمان فى عربية كلها يعتبر بايظة
بس شكرا لردك و اهتمامك

[mhamdy75]

والله المضّطر

يركب ال 31

[Hisham.Elgazzar]

المشاركة الأصلية كتبت بواسطة RaNoOoNa فيدونى اعمل اييه فى الكارثة اللى انا فيها دى القيها عربية فيات 131 طالع عين ابوها جربت اسوقها .. ايه ده ؟!!! اولا : الدركسيون تقيييييييييل بطريقة مش طبيعية ثانيا : عربية بتحدف منى يمين و شمال مع نفسها ثالثا : مافيهاش ولا تكييف ولا باور رابعا : لما بكون على التانى و عايزة انقل على التالت مبيجيييش غير بخناق لدرجة انى بحس ان الفتيس هطلع فى ايدى خامسا : صوت الماتور عالى اوووووى .. و كأنى سايقة جرار سادسا : لما بدور العربية لازم اكارك (ادوس على البنزين كذا مرة ) علشان تدوور سابعا : ركنة العربية .. ايه جدعان ده :O حاسة انى بركن مقطورة من الاخر مش عارفة اتعامل معاها نهائى و بابا بيقولى انتى كدا مش بتعرفى تسوقى فى انا بفكر اجيب لانسر مو 2008 هى معروضة عليا دلوقتى ب 80000 جنيه اتوماتيك و باور و زى الفل و امشى بيها و اتعلم عليها لكن بابا بيقولى كل اللى بيبتدى يسوق لازم يبتدى على عربية قديمة عشان مهما خبط فيها فهى بملاليم لكن فى جديد بتكلف و فى مشكلة اكبر هى انى مشاويرى كلها مش داخل المدينة كل مشى على محور و دائرى عشان الجامعة ازاى بقى اروح ب 131 على المحور ؟!! طب لو عطلت منى اعمل ايه حد يفهمنى اعمل ايه عشان اتعلم اسوق وسط الزحمة عشان بجد تعبت و جالى عقد من السواقة سورى انى طولت شوية بس من همى بفضفض

من كلامك العربية اللى بابا اشتراها دى عاوزة 5 الاف عشان تبقى عربية يعتمد عليها ان ماصرفتش اكتر من كده

الموتور العالى ممكن يكون محتاج توضيب او شكمان بايظ او اى حاجة مهو زى البطيخة يبقى هنقول 1000 جنيه
الفتيس التقيل وخصوصا فى التانى للتالت ده عيب فى الفتيس عندى زيه بالظبط
وحلها تغيير الفتيس لأن التصليح ماينفعش وده تمنه 600 جنيه لوحده
العفشة اعملى حسابك على 1000 جنيه للعفشة ومانعرفش اخبار الفرامل اه
تيل امامى 25 وتيل خلفى 50 ومصنعية 40
وطبعا حالة الصالون والكاوتش
العربية دى لما بتتظبط بتبقى ناعمة وسلسة واحلى من اى عربية زيرو لكن لو بايظة بتبقى اجارك الله
وطبعا مش هتنفع تتحرك مسافات غير لما تعملى الحجات اللى قولتلك عليها

[RaNoOoNa]

المشاركة الأصلية كتبت بواسطة mhamdy75 والله المضّطر يركب ال 31

Thanx