استفسار عن رينو ميجان 2006

[fourseasons]

بص يا باشا ان تقريبا بسافر على طريق مصر اسكندرية الصحراوى 6-8 مرات فى الشهر و انا بعادتى بحب اشوف انواع السارات ال على الطريق و ادائها "سرعة - ثبات" ولكن حتصدق لو قولت لحضرتك ان اكتر عربية شوفتها عطلانة على الطريق مش مقلوبة ولا حاجه قصدى عطلانة بس و السائق و اقف محتاس عمال يبوص فى الكبوت و حاطط ايده على دقنه كأنة فى امتحان فيزياء عويص...كانت الميجان اه والله ده حتى المدام لاحظت الموضوع ده وقالتلى هى مفيش غير العربية ديه ال بتلاقيها عطلانة على الطريق؟!!

[samykenzy]

المشاركة الأصلية كتبت بواسطة fourseasons بص يا باشا ان تقريبا بسافر على طريق مصر اسكندرية الصحراوى 6-8 مرات فى الشهر و انا بعادتى بحب اشوف انواع السارات ال على الطريق و ادائها "سرعة - ثبات" ولكن حتصدق لو قولت لحضرتك ان اكتر عربية شوفتها عطلانة على الطريق مش مقلوبة ولا حاجه قصدى عطلانة بس و السائق و اقف محتاس عمال يبوص فى الكبوت و حاطط ايده على دقنه كأنة فى امتحان فيزياء عويص...كانت الميجان اه والله ده حتى المدام لاحظت الموضوع ده وقالتلى هى مفيش غير العربية ديه ال بتلاقيها عطلانة على الطريق؟!!

واتحداك لو فى ميكانيكى تقوله ميجان عطلانه على الطريق ويروح معاك!!!!!!!

[samykenzy]

المشاركة الأصلية كتبت بواسطة m_synergy التوكيل بيشترى قطع غيار مستعمل من الحرفيين؟؟؟!!!!! معقول !!!!!!!!! متهيألى ايا كان التوكيل حرامى مش توصل انه يشترى قطع غيار مضروبة, يعنى يشترى اصلى ويبقى غالى ماشى , انما مضروبة من الحرفيين !!!! هو انا فى الاول كنت ناوى على الكليو وبعد كدة فكرت فى اللوجان ودلوقت بفكر فى الميجان بس لو كلامك دا فعلا بيحصل يبقى الاحسن اصرف نظر عن الرينو بالكامل. على العموم شكرا ليك samykenzy على اهتمامك بالموضوع ومشاركتك فيه. فى انتظار ردود الاعضاء

الحاجه الوحيدة اللى مش ممكن تجيبها غير من التوكيل التوربيدو والتابلوة لانهم فى الاستعمال بتبقى الطارة يمين بالتالى ماينفعش يركبوا عندنا فى مصر

[m_synergy]

المشاركة الأصلية كتبت بواسطة samykenzy الحاجه الوحيدة اللى مش ممكن تجيبها غير من التوكيل التوربيدو والتابلوة لانهم فى الاستعمال بتبقى الطارة يمين بالتالى ماينفعش يركبوا عندنا فى مصر

شكرا يا جماعة على اهتمامكم.
بس لحد دلوقت الاسئلة اللى كتبتها ما اتجاوبش عليها بشكل عملى.
يعنى ايه بالظبط اللى بيعطل فيها باستمرار ويخليها بالحالة اللى وصفها fourseasons
وليه ملوش حل لا فى التوكيل او برا التوكيل.

يعنى لو انا وديت العربية التوكيل وعملت كل اللازم و العربية طلعت من التوكيل مش ناقصها حاجة, ايه اللى ممكن يحصل يخليها تعطل بسرعة.

لو الموضوع قطع غيار غالية بس معمرة ونضيفة معنديش اى مانع (حتى الواحد يشترى دماغه), بس حقيقى, ايه اللى يخلى العربية اعطالها كتير. هل سوء الاستخدام؟ يعنى لو استخدام نضيف هتعمر مع الواحد ولا ايه.

مع احترامى للاخوة اللى ردو عليا (الف شكر ليهم لمجرد الاهتمام) الا انى محتاج رأى من حد كان عنده او لسة عنده العربية دى, عشان يقوللنا بناء على واقع هو شافه معاها.

[m_synergy]

الظاهر أنى مش هشوف ردود اكتر من كدا
على العموم ردود الأخوة وضحتلى ان العربية دى فيها مشاكل كتير فحاول أشوف حاجة تانية زى لانسر كريستالة مثلا

شكرًا ليكم