تقرير حصرى عن عربيتى لانسر بومة سوبر اكشن 2012 بالصور والتفاصيل ومميزات وعيوب

[ابو هيما]

ياعبدو أنا معجب جداً بكلأمك ومقتنع بيه كمان , وأنا على فكرة كنت أمتلك اللأنسر الخليجى فى 2009 بس أنا عندي وجهة نظر وهى أن اللأنسر برغم من أنها عربية كويسة جداً بس ماينفعش تتركب من غير ABSوصدقنى بيبان الفرق ده جامد جداً فى الطرق السريعة والسفر ولولأ أنى كنت أمتلكها مسبقاً فكنت فكرت فيها وجبتها تانى .. طب أنا عاوز رأيك فى موضوع أستحمال الرينو لوجان للسفر .. يعنى أنا بتحرك كتير وبسافر كتير فتفتكر موتورها يستحمل وعلى فكرة أنا بتكلم عن المانيوال مش الأتوماتيك ... طب أنت ترشح لى أيه تانى غير اللوجان وتكون ذات أعتمادية وكمان عاوز أسألك هى اللأنسر البومة الخليجى مفيش منها خالص ومش هاتنزل تانى ولأ أيه؟!!!!!!!!!!!

[3bdo]

المشاركة الأصلية كتبت بواسطة ابو هيما ياعبدو أنا معجب جداً بكلأمك ومقتنع بيه كمان , وأنا على فكرة كنت أمتلك اللأنسر الخليجى فى 2009 بس أنا عندي وجهة نظر وهى أن اللأنسر برغم من أنها عربية كويسة جداً بس ماينفعش تتركب من غير ABSوصدقنى بيبان الفرق ده جامد جداً فى الطرق السريعة والسفر ولولأ أنى كنت أمتلكها مسبقاً فكنت فكرت فيها وجبتها تانى .. طب أنا عاوز رأيك فى موضوع أستحمال الرينو لوجان للسفر .. يعنى أنا بتحرك كتير وبسافر كتير فتفتكر موتورها يستحمل وعلى فكرة أنا بتكلم عن المانيوال مش الأتوماتيك ... طب أنت ترشح لى أيه تانى غير اللوجان وتكون ذات أعتمادية وكمان عاوز أسألك هى اللأنسر البومة الخليجى مفيش منها خالص ومش هاتنزل تانى ولأ أيه؟!!!!!!!!!!!

ربنا يخليك يا باشا واكيد ال abs بيفرق جامد وهو بقى تجهيز اساسى فى اى عربية فوق ال 100 الف وانا لغاية دلوقتى محستش بيه لانى اخرى 65 و مفيش فرصة انى اجيب اكتير من كده على الطريق لكن انا حاسس ان الفرامل قوية مشاء الله مع انى زى ما قولت لسة مجربتوش اللوجان يا باشا عربية عملية يعنى معمولة عشان السفر والمشاوير و ماتورها بالنسبالنا فى مصر جيد جدا 1600 سى سى 90 حصان ومن خلال متابعتى لصفحة رينو على الفيس بوك وطبعا بما اننا فى الصيف ناس كتيرة بتسافر بعربياتها وملاقتش حد كاتب ان مشكلة حصلتله و هو مسافر كانت كل اسئلتهم حاجات بسيطة يعنى مثلا ضغط الاطارات ايه عشان رايح الساحل بكره واحد تانى يقولك انا مسافر اسكندرية بكره فى حاجات معينة ابص عليها لكن مشوفتش اى حد كاتب ان عربيتو عطلت منه او حصلت له مشكلة وهو مسافر و دى حاجة حببتنى فى العربية اكتر اما لو عايزنى اقولك حاجة بعد اللوجان فهتكون الفيرنا رغم انى مبحبهاش بس هى دى اللى حتستحمل عشان ماتورها قوى قطع غيارها رخيصة قوى اى حد بيشتغل فيها بس وليها عيوب رخمة انا منصحكش بيها خليك فى اللوجان احسن منها 100 مرة هتقولى طب ليه مقولتش البى واى دى هقولك مينفعش بعد ماكنت راكب بى ام تروح تركب عربية صينى و بعدين فى عضو هنا فى المنتدى عنده العربية دى و كان مسافر بيها فى اجازة وعطلت منه فى نص الطريق وعلى ما جاب ميكانيكى كان اليوم راح خلاص من ساعتها وانا قرفان من العربية دى بيقول انه لقى العربية بتطلع دخان كتير من ورا وفى زيت اد كده على الارض و مينفعش عموما حد يكون جايب عربية جديدة و تعطل منه فى نص الطريق بالنسبة للبومة مفيش منها خليجي خالص على حسب كلام الشاب بتاع المبيعات اللى كان فى سمير ريان والبومة هينزل منها 2013 بنفس الشكل

[ابو هيما]

شكرا يا عبدو وكل سنة وأنت طيب ورمضان كريم وربنا يمتعك أنت والأسرة بالعربية بس أبقى خد بالك بعد كده عشان ماتخبطهاش تانى , وأنا على فكرة معجب جدا بثقافتك الواسعة ودماغك رغم صغر سنك , بارك الله فيك وجعلك من خيرة شباب الأسلأم والمسلمين وأن شاء الله أنت هيكون لك مستقبل كبير جدا بأذن الله , ربنا يوفقك ويصلح حالك وحال أولأدنا جميعاً

[3bdo]

المشاركة الأصلية كتبت بواسطة ابو هيما شكرا يا عبدو وكل سنة وأنت طيب ورمضان كريم وربنا يمتعك أنت والأسرة بالعربية بس أبقى خد بالك بعد كده عشان ماتخبطهاش تانى , وأنا على فكرة معجب جدا بثقافتك الواسعة ودماغك رغم صغر سنك , بارك الله فيك وجعلك من خيرة شباب الأسلأم والمسلمين وأن شاء الله أنت هيكون لك مستقبل كبير جدا بأذن الله , ربنا يوفقك ويصلح حالك وحال أولأدنا جميعاً

الله اكرم يا باشا وربنا يخليك على الكلام الجميل و ربنا يباركلك فى العربية الجديدة ان شاء الله و تبقى وش السعد عليك ان شاء الله

[abdohtaby]

عبدو باشا يا كبير