بخصوص إغلاق طريق القاهرة الإسكندرية الصحراوي

[ammar.w]

حد عنده معلومات مؤكدة بخصوص طريق القاهرة الإسكندريه الصحراوي ؟ قريت أكتر من خبر بيقول إنه حيتقفل من مدخل الإسكندريه إلى بوابة الإسكندريه بطول ٣٠ كيلوميتر.
حد ييعرف إذا كان فعلا اتقفل ولا لا و لو اتقفل حد يعرف الطريق البديل مفتوح ولا لا، و قد إيه الطريق البديل كويس أو وحش؟

http://www.masrawy.com/News/Egypt/Po.../alex-dev.aspx
"ولفت محافظ الاسكندرية إلى أنه تقرر غلق الطريق الصحراوي بداية من الأسبوع المقبل وتوسعته بثلاث حارات إضافية ، وعمل طريق من المحور يوصل لطريق القاهرة مباشرة."

[خالدخليفة]

والله انا جاى يوم الخميس اول امبارح الموافق 10/12/2009 ومفيش حاجة من الكلام ده وعموما انا رايح جاى ع الطريق ده كتير وهو حارتين وان تم غلقه هيبقى اكيد البديل كويس ومش هيتم غلقه اكتر من شهر لانهم بيعملو الوصلة الواحدة ومسافتها حوالى من 10 الى 17كيلو فى اسبوعين وعموما انا رايح اسكندرية الثلاثاء وهبلغك بالناتج وانا جاى من الدائرى لحد العامرية وهو طريق محترم جدا لكن من العامريه هيبقى البديل ايه معرفش و ده مجرد توقعات فقط

[ammar.w]

شكرا جزيلا على الرد وفي انتظار أخبار جديدة يوم الثلاثاء ان شاء الله

[نبيل عبدالرحمن]

أعتقد إن البديل سيكون الطريق الدولى من خلف كارفور ثم الخروج من أول طريق برج العرب عند بوابة الكافورى ، وعموماً هو لحد اليوم الأحد 13 ديسمبر ما زال الطريق يعمل بصورة طبيعية

[خالدخليفة]

عموما الطريق حتى لو قفلو ه بيعملو يفط ارشادية تدلك ده اولا ثم انا اكتشفت طريق من ورا من ناحية برج العرب الجديدة وانت جاى من القاهرة وداخل بوابات اسكندريه قبلها ب50 متر تعمل يو تيرن وتلف وترجع على القاهرة هتمشى 50 متر تقريبا واول يمين تدخل فيه هيطلعك على برج العرب الجديد هتمشى لحد متوصل هناك وتاخد يمين على الدولى بتاع اسكندرية اول طريق مطروح هترجع تانى محرم بك والله اعلم لو هما قفلوه ممكن يعملوها لكن لحد دلوقت الطريق تمام