أختاروا معايا نوع الكوتش من التالى

المشاركة الأصلية كتبت بواسطة tham1010 عاوز أغير الاربع فرد الكوتش مقاس 195 / 55 / 15R رحت سألت عند البائع قالى لى قائمة وهى التالى 1- دانلوب جنوب افريقى ( الفردة 370 جنية) 2- لونج لونج صينى ( الفردة 335 جنية) 3- ناكسيس تيلندى ( الفردة 435 جنية) 4- لاسا التركى ( الفردة 460 جنية) 5- سبكتيرا أندونيسى ( الفردة 380 جنية) 6- GT أندونيسى ( الفردة 420) الاسعار دى بدون فصال يعنى ممكن تنزل عشرة جنية ولا حاجة فى كل فردة....أنا مش بمشى بالعربية خالص يدوبك مرة فى الاسبوع ولا حاجة. مش بسافر خالص وسرعتى لا تزيد عن 70 كيلوا فى افضل الاحوال أولا: من افضل ثلاث انواع من القائمة بالترتيب من حيث عدم وجود صوت على الطريق ويكون حنين على الارض ومش احس بمشاكل الطريق وانا ماشى ثانيا:: أنا تقريبا هجيب ارخص الانواع بعيدا عن الصينى لان مش هتفرق معايا قوى لان استهلاكى قليل.. متحير بين الدنلوب والسبكترا لانهم ارخص الانواع... ثالثا أنا عارف ان تاريخ التصنيع مهم فى شراء فما هو اكثر قدم للكوتش علشان اشترية؟ يعنى لو وجدت كاوتش قديم مثلا سنة بعد تاريخ التصنيع اسيبه وابعد عنه؟ ما هو عيوب ان يكون مر فترة على الكوتش من تاريخ التصنيع؟؟؟ متشكر جدا وارجو من الجميع المشاركة.....

ناكسيس تايلاندى ( الفردة 435 جنية)
فقط تاءكد من تاريخ الصلاحية والانتاج على الاطارات عند الشراء!!

R OSE4U

[bunnybunny77]

دور على الكومهو او الهانكوك الكورى او الفيتنامى ممتاز و سعره حنين و الـ gt هو افضل الانواع اللى انت كاتبها من وجهة نظرى
بالتوفيق ان شاء الله

[M.TONSY]

اشترى الدنلوب كويس بس المهم تاريخ التصنيع لان الكاوتش القديم ممكن ينفجر لا قدر الله حصلت مع واحد وكانت مشكلة فما تخليش السعر يغريك على حساب تاريخ الصنع

[eng/walaaeldeen]

السلام عليكم
عن تجربه الGT الأندونيسي ممتاز وبيعيش وحنين على العفشه
والله المستعان

[روبرت مجدي]

يا باشا على قد خبرتى بالترتيب حسب الأفضلية : الدانلوب - GT - ناكسيس
و المهم تاريخ تصنيع الكاوتشوك
و ربنا يوفقك