مكافحة الأرهاب - كيف تتعامل اللجنة الشعبية مع السيارات المفخخة

[ramy safwt]

سلام عليكم

الموضوع انهارده موضوع غريب و مختلف لكنه ضرورى جدا يكون معروف بعد هجور انصار الدكتاتور المخلوع مرسى العياط و زيادة وتيرة العنف و ارتفاع اصوات التهديدات و الأرهابيين


زى ما هو واضح من العنوان كده ازاى كلجنة شعبية تقدر تتعامل مع سيارة مفخخة او مشكوك انها تكون مفخخة



مبداءيا لازم فى وسط اللجنة دية يكون واحد على الاقل بيفهم الكترونيات يا رب يكون صنايع حتى بس بيفهم فى الدوائر الالكترونية الشخص ده مطلوب عشان يبطل القنبلة - لكن اكتشاف السيارات المفخخة ممكن اى شخص طبيعى يعرفه



اولا السيارات المفخخة اربع انواع

الأول سيارة يقودها شخص ارهابى يعتقد انه يتقرب اللى الله بقتل المدنيين العزل الذى يعتقد انهم كفار و اعداء الله والدين والشريعة

النوع الثانى سيارة يقودها شخص طبيعى ايا كان ماهية تم زرع قنبلة فى سيارته دون علمه بغرض قتله او تفجيره لقتل من حوله

النوع الثالث سيارة مفخخة ثابة لا يقودها احد و يتم تفجيرها من مسافة بعيدة

النوع الرابع سيارة مفخخة بدون قائد و يتم توجيهها برموت كنترول

http://www.youtube.com/watch?v=50drw2-2Ydg

نشرح شوية تفاصيل



النوع الأول بيكون شخص ارهابى زى ما قولنا بيقود سيارة مفخخة بفعله او بفعل من معه من دائرة الارهابية

نشك فيه او نكتشفه ازاى

1-سرعة مش ممكن تزيد عن 60-70 كيلو بالكتير مهما كان الطريق سريع لأنه لو مشى اسرع من كده هتنفجر بيه الشحنة - الشحنة هنا يعنى المادة المتفجرة و دية هتكلم عن اكتشافها ازاى - كمان بتلاقيه يخاف ياخد المطبات و يحاول يطلعها على كذا مره لأن برده لو الشحنة اتهزت جامد هتنفجر قبل ما توصل للهدف

2-فى السرعة البطيئة دية هتلاقيه مشغل التكييف على درجة حرارة معينة دايما لما تيجى تفتش عربية بص على وضعية التكييف و اسئل صاحبها ليه الدرجة دية - و شوف مؤشر البنزين هتلاقيه مليان على اخره و هتلاقى فرش العربية عنده عليه رمل او ورق ماص للرطوبة

3- انسى انك تلاقيه بدقن و مش بعيد تلاقيه مشغل مزيكا كمان

4- الشحنة هيحطها فين على حسب نوعها لكن عموما فى اماكن اعتاد الارهابيين على وضعها لأنهم بياخدو علومهم و معارفهم الأجرامية من نفس المدارس و المصادر

المكان الاول بيكون تحت كرسى السائق و ده عشان يفجر نفسه قبل اى حاجه فى العربية و ميحسش بألم و هو بيموت بعد كده بيكون فوق التانك البنزين و فى الشطنة من جوه قرب التانك برضو . يعنى انت و انت بتفتش الشطنة تبص كويس جوه و ترفع الفرش و تشوف الاستبن و تفتش الكنبة و تحت كرسى السائق


النوع الثانى شخص طبيعى فخخت سيارة بغرض قتله او قتل من حوله

1- هنا الارهابيين بيستهدفو اغتيال شخصية او استغلال سيارة عارفين وجهتها فين و يفخخوها و يفرجروها اما اول ما الكونتاكت يدور او اما توصل لنقطة قريبة من الهدف بريموت او موبايل

2-الشحنة غالبا عشان بتعتمد على الكونتاكت لو اغتيال شخصية بتكون فى الكبوت من جوه و غالبا بتتغلف بشكل يخليها شبه اى قطعة راكبه و عشان طبعا الراجل ممكن يكون غلبان مش هيكتشفها وبتاخد التريجر بتاعها من ريلاى الكونتاكت اول اما يدور شكرا ..

3-ممكن تكون الشحنة اسفل جسم السيارة و دية بتكون فى حالات اغتيال احد على مسافات بعيدة و غالبا بيركبوها تحت التانك من تحت عشان الاسلكى بتاعها او الارسال يكون واضح لما يجو يفجروها و دية تكتشفها بعصاية المرايا و كل لجنة و هى بتفحص سيارة يكون معاها العصاية دية

النوع الثالث سيارة متوقفة مزروعة و جاهزة للتدمير فى اقرب وقت

1- النوع ده بيكون الاكثر فتكا و شرا على الأطلاق و بتكون شنطتها كلها عن بكرة ابيها مواد متفجرة و ابسط طريقة تخليك تشك فيها انها بتكون غريبة عن المنطقة و راكنه لوقت مبتكونش فيه الجهة اللى راكنة اصادها شغالة او قرب تجمع بشرى و غالبا بتكون من السيارات القديمة و عجلها دايما بيكون ضغطه خفيف و فارش بشكل ملفت على الارض

2-هتلاقى دايما بارز من جسم الشنطة او اى جزء قريب منها سلك نحاس او المونيوم بيقوم بدور الاريل لدارة المفجر

3- هتلاقى المساعدين بتوعها مرفوعين على الاخر و هتلاحظ ان العربية متعلية بالرغم من ان العجل فارش


النوع الرابع و ده لسه ما انتشرش و هو سيارة موجهة بالكامل و ابسط حاجه هتلاقيها بدون سائق شاهد الفيديو فى اول الموضوع



طيب ايه انواع الشحنات المستخدمة :-


اولا :- شحنة ال TNT

هى النوع الشائع من المواد المتفجرة و تصنع غالبا من مواد منزلية شديدة الحساسية للأهتزازات لذلك تجدها غالبا موضوعة بحرص شديد تتلف تحت تأثير الرطوبة سامة جدا و لها رائحة سيئة جدا نصيحة عند اكتشاف سيارة تحمل مثل هذا النوع يجب عدم محاولة فكها تخلص ابطل المحرك و قم بدفع السيارة يدويا واخلى المنطقة حولها على دائرة قطرها 100 متر و قم بأخطار القوات المسلحة فورا لأن لازم وحدة خاصة تقوم بتفكيكها من مكانها اقصى حاجه تقدر تعملها انك تخلع دايرة التفجير عشان تضمن عدم اطلاقها الكترونيا على الاقل



ثانيا :- شحنة C4

و دية نوع من اخطر انواع المتفجرات و بيكون قوة 10 اضعاف قوة النوع السابق TNT مش هحكى عن تركيبه لكن لونه بيكون مائل للأصفرار و يوضع على شكل بلوكات شبه الصابون يصعب كشفه بأجهزة الكشف العادية و احسن طريقة لأكتشاف الشحنة دية هى جس الجسم المشكوك فيه حرارة الجسم الموجود به هذا النوع تكون اعلى من حرارة باقى اجزاء الجسم و ده عيب النوع ده و نقطة ضعفه لو درجة حرارته قلت عن 25 بيتلف و لو زادت عن 30 بينفجر معندوش الحساسية ضد الاهتزاز زى ال TNT و رحته عامله زى ريحة السماد بتاع الزرع و فيه لسعة كحول زى الكحول بتاع الطلاء ممكن تدرب عليها الكلاب



ثالثا :- شحنة كيميائية

و دية نوع حارق جدا و لا رائحة له و يتمثل عمله فى عملية خلط بين ثلاثة مركبات فى وقت التفجير من خلال جهاز ضخ حسب الوصف ده هتلاقيها محطوطه فى شنطة غالبا تشبه شنطة العدة او شطنة الاب توب ولاحظ انها صغيرة فى الحجم تقوم بتعطيلها الكترونيا و نزع احد المركبات الثلاثة مع التحفظ عليه و عدم تعريضه للهواء و اخطار القوات المسلحة فورا



رابعا :- شحنة غازية

و دية نوع تقليدى من الشحنات يعتمد على حمل مجموعة من انابيب البوتاجاز او اى غاز قابل للأشتعال بشدة و تفجيره بقنبلة يدوية و دية بمجرد ما تتخلص من الشخص اللى معاه الشحنة اعتبرها توقفت احيانا بيكون الانفجار بطريقة تسلسلية يعنى يفجرقنبلة صغيرة عشان تفكر مجموعة الانابيب و اكتشافها سهل و للأسف دية الاحتمال الاكبر فى مصر لأن الاخوان عندهم سيطرة كبيرة على مستودعات الانابيب

خامسا :- الشحنة المتطورة PETN

هى اقوى شحنة متفجرة على الاطلاق شديد الحساسية و غالبا يتم استخدامه فى عمليات الاغتيال لونه ابيض مائل للرمادى وشبه الزنك و الدقيق وممكن يتخلط فى تنك البنزين و اول ما الموتور يحرقه بينفجر بالعربيبة كلها صعب جدا اكتشافه



سادسا :- الشحنة الجزئية RDX

ليست بخطورة اى من الشحنات السابقة و لكنها ليست بقوتها تعد جزء من تركيب ال C4 و لونها وردى و ريحتها زى ريحة السماد و هى مستقرة و غالبا بتتحط فى بطانة السيارات و الحشوات بتاعة الكنبه و تحت الكراسى



سابعا :- الشحنة الشيطانية الاكثر فتكا بالبشر PETN Al TNT

ودية بقى بتكون فيها مزيج بين النوع الفتاك PETN و بودرة المونيوم و TNT و بتكون مستقرة و ليها لامعة لما تسلط عليها الضوء الازرق بتاع كشافات الليد و ممكن اتكتشافها بأجهزة كشف المعادن مع انفجارها كل شاظية المونيوم ممكن تدمر شخص بسبب قوة اندفاعها و تمزق اشلاء البشر على مساحات واسعة


ايه ادوات المستخدمة فى لجان الكشف على السيارات


1- عصاية بمراية و كشاف لكشف اسفل جسم السيارة



2- راديو ترانزستور قديم اف ام



3- كلب مدرب لو امكن ندربه على الروائح

4- شنطة معدات الكترونية للفنى و هتكلم عنها بالتفاصيل

5-قصعة مايه و جردل رمل

6- تانك ثلج من بتاع الرحلات و يكون مملوء بالثلج

7- تيشه و طبة مواسير نص بوصة

8-اقمشة مبللة بالزيت

9-اسعافات اولية و افزنة لتقييد المجرم لو تم كشفه


خطوات عملية الفحص و الكشف على المتفجرات بالسيارات


1-قبل ايقاف السيارة اطلب منه الخروج للتفتيش فى الوقت ده بص على عداد البنزين و التكييف

2- بطل الموتور و اكشف برفق تحت كرسى السائق و الكنبة فك السقيطة وبص تحتيها برفق

3-اطلب فتح الشنطة و افحصها جيدا و طبعا تكون فحصت الادراج بتاعة العربية

4- خلال وقت فحص الشنطة حد معاك يكون بيستخدم عصاية المرايا و يفحص تحت جسم العربية كويس

5- نيجى بقى للفحص من النوع التانى اطفى كل الموبايلات والكاست و شغل الراديو الاف ام اللى معاك على تردد 88 و شوف اى طقطقة اعرف ان فى دايرة ارسال شغالة غالبا بيكون موبايل مخفى اما لدايرة الأمان او لدايرة التفجير

6-الفحص بأجهزة الكشف عن المعادن بسيط جدا كل جسم العربية من المعدن هيديلك صوت معين لو فى حاجه مخفيه هتسمع صوت مختلف الاجهزة بتاعة كشف المعادن بتتباع و بتتصنع بسهولة



7-الفحص بالرائحة هتشم على الاقل رائحة سماد او رائحة سيئة او رائحة سماد اخرها لاسعة كحول

8- افحص المحرك احتياطى

ماذا نفعل عندما نكتشف ان السيارة مفخخة

1- اعتقال الارهابى و تقييده بالافزنة ( خلى بالكم ان الارهابى ده عنده نص حل المشكلة )


2- استجواب الارهابي و معرفة نوع المادة المتفجرة اللى موجودة

3- ابعاد السيارة بعد ايقاف المحرك لمكان بعيد عن المبانى و السكان لمسافة 100 على الاقل

4- نبداء بحذر شديد بناء على المعلومات المذكورة سابقا و استجواب الارهابى تفكيك القنبلة
من السيارة
4.1- اذا كانت TNT لا تحاول فكها و اجعل الفنى يفصل دارة المفجر فقط اذا كنت مجبر و لا مفر من فك الTNT قم بتحريكه بحذر شديد و ضعه على جردل الرمله و بعيد عن الشمس او اى مصدر حرارى
4.2- اذا كانت C4 او RTX اخرجها بحذر و افصل التريجر و بعدها ضعها فى قصعة الميه الشحنة هتتلف و احذر ان النوعين دول مشكلتهم انهم يسخنو
4.3-اذا كانت التركيبة الشيطانية ترفعها بحذر شديد عشان فيها TNT و تلفها بقماشات الزيت و تضعها فى جردل الرمله
4.4- اذا كانت شحنة كيميائية هتفصل انبوبة واحده منهم و تمنع تعرضها للهواء و تضعها فى علبة الثلج او الايس بوكس
4.5- اذا كانت انابيب غاز هستستخدم الطبة النص بوصة اللى قولنا عليها



" لو قدرت تبعد العربية بس و تنتظر حضور مختصين الجيش يكون افضل بكثير لأن الخوف نفسه هيأثر على تصرفات الجميع "



5-التعامل مع دارة المفجر ( الجزء ده خاص بالفنى الالكترونيات )


المفجر بيتكون من 3 اجزاء رئيسية الصاعق - دارة التريجر - مصدر الطاقة

5.1 الصاعق بيكون مزروع جو الشحنة المتفجرة و فى انواع متعددة للصواعق صواعق زئبق - صواعق ليزر -صواعق مكثف - صاعق تتابعى صاعق كهربى







فى كل الاحوال هنخلع الصاعق لكن علشان نخلع الصاعق فى مجموعة من الخطوات هنتبعها الاول بخصوص الدايرة التريجر

5.2.1 دايرة التريجر دية بتكون انواع و اشكال مختلفة منها دايرة التريجر الاسلكى و دايرة التريجر بالموبايل و دايرة التريجر بالتايمر و دايرة التريجر بالمستشعرات و اديرةالتريجر بالسويتش

كلهم يلزمنا فيهم نعرف بتاخد اشارة التفعيل منين و مكثفتها هتفرغ على انه رجل و ازاى نمنعها باقى التفاصيل بخصوص الشاشة شغاله ازاى التايمر ازاى ده مش قصتك قصتك ان فى دايرة بتعمل تيار متردد و تاخده تكبره فى ترانزيستور و بعدين تعديه على محول والمحول بيشحن فى مكثفات و المكثفات بتفرغ كهرباء عالية فى الصاعق يقوم مفجر الشحنة

طيب ايه هيا الخطوات الخطوة الاولى نعرف مصدر الطاقة بتاع الدايرة منين و نركز فى الكلام ده كويس لو كان مصدر الطاقة بطارية السيارة اعرف ان مفيش فايده من المحاولة لأن المكثفات مهما كانت هتكون مشحونه و لو فصلتها هتفجر الشحنة هتفجرها مفيش مفر

لو كان مصدر الطاقة بطارية مستقلة هنقراء البطارية دية كام فولت و كام امبير حلو تمام بعد كده هنسيبها و نشوف رجول المحول مغذية انه اسلاك لاحظ ان العقدة تكمن ان الدايرة بتكون كبيرة و لو فكيت سلك قبل التانى هتحمل على الشحنة بتاعة الاسلاك اللى ما اتفكتش و تنفجر

هدفنا نضعف قدرة البطارية من ناحيه و من ناحيه تانية نفصل الصواعق كلها مره واحده عشان نتلافى المكثفات و ده مش هيحصل غير لما نرجع للمحول و نتابع الدايرة ماشيه بعديه ازاى نقف هنا لحظة و نرجع تانى لموضوع التريجر

5.2.2 اتفقنا ان التريجر ده هيشتغل من خلال اما مستشعرات او لاسلكى او موبايل او سويتش

طيب ممكن يكون فى اكتر من تريجر اه ممكن يعنى ممكن يكون فى سويتش و مستشعر اول ما تلمس الدايرة يقوم مفجرها او مستشعر يكون بسلك رفيع جدا اول ما تفصله يفجرها او اول ما تتهز يفجرها

هنتعامل مع الموقف ده ازاى اولا لازم تقلع اى حاجه معدنية فى ايدك لو عرفت تنزل معاك جونتى احطياتى من اى صيدلية يقضى معاك اليوم فى اللجنة يبقى كتر خيرك خلى بالك جدا انك تعمل اكتر شغلك بعيد عن الدايرة موضوع السلك الرفيع ده غالبا بيكون مستخبى فى شريط اللحام و دية نصيحة بقى متفكش شريط اللحام اللى ماسك المفجر على جسم الشحنة بدون ما تكون خلصت خالص و فكيت الصاعق عشان لو عملها يعملها فى الهواء بعيد عن الشحنة لو التريجر ساعة اعمل نفسك مش سامعها حتى و ركز عشان حياتك

بخصوص تريجر الاسلكى افصل الانتينا و خليه يلمس ارضى الدايره و انسى ان حد يقدر يفجرها لو التريجر موبايل هيكون فى الدايرة عدة موبايل موصولة على سوكت الصوت نصيحة قص السلك كله مره واحده و اعتبر ان التريجر ده كمان اتلغى لو التريجر سويتش متشغلش دماغك بيه



5.3 - بعد ما فصلنا التريجر نبداء الشغل الجد هنعمل حاجتين دلوقت هنوصل حمل زائد على البطارية مما يضعف قدرة الدارة على العمل ازاى تكون مجهز لمبة او لمبتين من بتوع لمض الاشارة و تقوم محملهم توازى على البطارية و تسيبهم متحملين يضعفو قدرة الدايرة



ندور على كل اسلاك الصواعق و اصادنا خيارين يا يكون معانا اراجه و نقطعهم كلهم فى نفس اللحظة يا اما نفصل الارضى بتاعهم من مصدره و نفصلهم براحتنا ورا بعض بس نصيحة فصل الارضى فيه مخاطرة اكبر بكثير من فصلهم كلهم مره واحده و لو تقدر و شاطر فى استخدام الادوات خلى اراجه تمسك اسلاك الصواعق و قصافة تمسك رجل الارضى و افصل الاتنين مع بعض





6-بحذر شديد اسحب الصواعق من جسم الشحنة " اتشاهد قبل الخطوة دية و خليك سريع و حذر "



7- فك مصدر الطاقة خالص عن دايرة التريجر و بعدها افصل اسلاك المحول لو شاكك لحظة ان ممكن يكون الدايرة قريبة بما يكفى ان ابر اللحام من تحت لامسة الشحنة اوعى تعمل الخطوة دية

8- فك اللحام بحذر شديد و ابعد دايرة التريجر دلوقت خد الشحنة و عاملها بالمعاملة المذكورة سابقا فى الجزئية بتاعة الشحنات

حمدا لله على السلامة و تأكد من انه لا يوجد اى دارة مختبئة داخل جسم الارهابى



اذا كان هناك شك واحد فى المليون ان الشخص المتعامل ليس مؤهل او يده تعرق او اعصابه خفيفه حتى لو اصر امنعوه

قاعدة الالوان فى الالكترونيات بالنسبة للمقاومات

1- اسود =0 * بنى =1 * احمر = 2 * برتقالى =3 * اصفر = 4 * اخضر = 5 * ازرق =6 * بنفسجى =7 * رمادى = 8 * ابيض = 9

بالنسبة للأسلاك تطبق ان كل سلك يعلو سابقه فى الدرجه يكون هو الموجب او الفولطية الاعلى منه بأستثناء الابيض و الرمادى لو اتو مع بعض تطبق القاعدة لو اتو مع اى لون اخر ماعدا الاسود يكونو سوالب و كل لون السالب الخاص به من نفس اللون يكون درجة اخف او اللون بشرطه و ده شئ استرشادى و مش شرط يطبق يعنى ده واحد ارهابى فى الاخر

ربنا يستر على مصر و اللى قولته للعربيات يطبق بردو على القنابل اللى مع الاشخاص

الموضوع من مجهودى الشخصى و مسموح بمشاركتة و تمت مراجعة كل حرف فيه مع مختصين ساهمو بعلمهم لحماية بلدهم مصر

[crime]

الله ينور يا باشا

تقبل تحياتى

[momen_bondok]

إية الكلام الفارغ دة أصحبنا الأن إرهابيين ووصفنا باننا مسلحون وبتخترعو طرق كمان للتعامل
أصبحتم أنتم اصحاب الثورة وهتقيمو لجان شعبية بلا كلام فارغ

[k_australia]

المشاركة الأصلية كتبت بواسطة momen_bondok إية الكلام الفارغ دة أصحبنا الأن إرهابيين ووصفنا باننا مسلحون وبتخترعو طرق كمان للتعامل أصبحتم أنتم اصحاب الثورة وهتقيمو لجان شعبية بلا كلام فارغ

حضرتك واخد الكلام على نفسك ليه وبعدين الراجل صاحب الموضوع كلامه مش فارغ وشكرا ليه على تحذيره للناس والمصريين كلهم اصحاب الثورة وليذهب للجحيم كل عميل وارهابى وكل تاجر دين

[ramy safwt]

المشاركة الأصلية كتبت بواسطة momen_bondok إية الكلام الفارغ دة أصحبنا الأن إرهابيين ووصفنا باننا مسلحون وبتخترعو طرق كمان للتعامل أصبحتم أنتم اصحاب الثورة وهتقيمو لجان شعبية بلا كلام فارغ

حتاك حتاك حتاك

https://www.youtube.com/watch?featur...&v=v90HtmrJPOs