صوت تكة مع الفرملة و الطلعة

[mohamedabdo]

بص ياباشا خلاصة المشكلة لانها كانت عندي ف الكريستالة والحمد لله راحت
انت هتروح عند واحد عفشجي كويس وتقوله يربط على المقصات ويغير الجلب بتاعتها
وانشاء الله مش هتسمع ليها صوت تانى خالص زي المهندس وليد ما قال بالظبط

[كمال....]

الصوت دة من
1-الكابلن الداخلية او الخارجية
2-قواعد الموتور
3-السوستة الخاصة بتيل الفرامل
4-جلب المقصات

[baby2000]

الاخوه اللى بيسألوا على صوت التكه دى بتكون قواعد الماتور فى قاعده مكسوره و التكه ديه صوت الماتور القاعده الفاكين من بعض يا ريت تبصوا على قواعد الماتور

[m.e.y]

يا جماعه الصوت ده كان عندى فعلا

معرفتش انه تيل فرامل الا لما روحت التوكيل وكنت مسافر خليتهم يعملوا تشيك على العربية

اتضح فعلا ان التيل الامامى والخلفى خلصانين

[khaledrezk]

المشاركة الأصلية كتبت بواسطة egyptiaaan بسمع صوت تكة في العربية هي بريليانس جالينل اتوماتيك لما اجيب ال د و اسيب رجلي من علي الفرامل و لما ادوس فرامل عشان اهدي جامد يا تري ده من ايه؟

السلام عليكم ورحمة الله وبركاتة
أنا كان عندى نفس المشكلة فى السيارة كيا ريو 2004 اتوماتيك
وبعد ما جربت كل ما قالة الاعضاء سابقا بحثت على الانترنيت ووجدت الحل بيعملوة فى السعودية وشفت فيديو كمان بيعملوة فى عربية bmw والحل هو :-
فية عندك مسمارين اسمهم مسامير الكاليبر واحد من تحت ودة الى بيتفك لما تيجى تغير تيل الفرامل والثانى فوق وهو بيتفك لما تيجى تفك جهاز الفرامل من على الطنابير
هتفك المسمارين دول وهنعمل الاتى :-
المسمار الى تحت الى بيتفك لما تغير تيل الفرامل وتنضف مكانة كويس جدا وتحت على السن بتاعة شحم جرافيتى الى بيتحمل الحرارة وتركبة تانى وتربط كويس
المسمار التانى الى فوق الى بيثبت جهاز الفرامل هو شكل الاولانى بالضبط هنفكة وننضف مكانة كويس جدا ( ونلف على المسمار دة شريط تيفلون من بتاع السباكين فوق سن الرباط وبعدين نشحم المسماركويس بالشحم الجرافيتى ونربط كويس ) ان شاء الله مش هتسمع الصوت دة تانى.
- فية كما حاجة لو بتسمع صفار عند الفرامل ( تشحم ظهر تيل الفرامل تشحيم خفيف جداً ) بالشحم الجرافيتى وإن شاء الله مش هتسمع الصفارة تانى

الحمد لله أنا مجرب دة فى عربيتى وبأيدى
أرجو أن اكون قدمت إفادة لحضرتك وكل أعضاء المنتدى والى الاخ اللذى يمتلك ( كيا ريو )أى حاجة فى ( الكيا ريو2 ) إن شاء الله ممكن أفيدك