قررت مقاطعة محور التعمير (طريق الموت السريع )

[Maged_Samy]

استخدم طريق محور التعمير (الدولى ) منذ انشاءه ورأيت على هذا الطريق ما لم اراه فى حياتى فى طريق اخر :
1- جزيرة وسطى منخفضة جداً دون حواجز خرسانية تتسبب فى عبور السيارات من الجهة الاخرى وقتل الابرياء.
2- المحور مظلم تماما واللى عربيته تعطل فيه باليل لازم يتخطف .
3- مشاكل فى فواصل الكبارى .
4- غياب تام للخدمات .
5- مفيش حاجة هناك اسمها شرطة - مفيش حاجة اسمها ردار - مفيش حاجة اسمها كمين - مفيش غير عربيات بتجرى برعونه وخلاص بدون اى رقيب والنتيجة سوداء .
6- الحوادث 90 % منها فى المحور العربيات بتتحرق :
حادث تصادم مع حريق من يومين والضحايا تلاميذ مدرسة وامهاتهم
حادث احتراق 4 سيارات ملاكى بسبب عربية سولار
حوادث قاتله كلها انقلاب واحتراق .
ودى بعض الاخبار عن الطريق :
1- في ظل الغياب الأمني.. انتشار ظاهرة السطو المسلح على طريق محور التعمير.
2-مصرع وإصابة 5 في حادث تصادم بمحور التعمير غرب الإسكندرية
3-مصرع 4 بينهم تلميذ إبتدائي ووالدته في حادث تصادم علي كوبري البترول بالطريق الدولى غرب الإسكندرية.
الطريق ده فعلاً بقى مرعب ...... وحرام يتساب كده وكل يوم ناس بتموت عليه ومحدش مهتم .

[mhemeda]

لاحول و لاقوه الابالله

[eng/walaaeldeen]

السلام عليكم
يارب احد المسؤولين يحدث له حاجه علي المحور ده علشان يحترم الشعب ويحس به
والله المستعان

[نبيل عبدالرحمن]

الغريب أنهم زرعوا أعمدة الإنارة بطول المحور ولكن مع الأسف لا تضاء هذه الأعمدة أبداً كما قام اللصوص بسرقة حواجز الكبارى المعدنية ، ولا يمضى يوم إلا وتحدث مصيبة على هذا الطريق

[hamaad]

كوبري البترول بالطريق الدولى غرب الإسكندرية دى نزلة من محور التعمير وظاهرة السطو المسلح دى حاجة عادية بليل بعد الساعة 12 والحمد الله المكروباصات بتروح منه كل يوم على الاقل احسن من الطريق الصحراوى لحد كليو21 مليون مرة والحمد الله فيه اماكن من المحور التعمير مضاءاة بليل على غير العادة كل طرق الصحراوية فى بلدنا الحبيب مصر