لمبة الزيت .....صديقك الوفى أثناء القياده

[samirayad]

لمبة إنذار ضغط الزيت بتابلوه سيارتك

إذا فوجئت وأنت تقود سيارتك بإضاءة لمبة

أنذار ضغط الزيت

يجب عليك التوقف فورا عن القياده ويجب عليك

أن تقوم فورا بإيقاف محرك سيارتك

مع الكشف على سبب إضاءة تلك اللمبه

بصوره مفاجئه

فربما يكون محرك سيارتك يفقد زيت التزييت

لأنك لو لأهملت هذا

فربما تتعرض لفقد محرك سيارتك أو تتعرض

لتكلفة إصلاح عاليه فى القيمه

-----------------------------

فور توقفك بسيارتك مع إبطال عمل المحرك


يجب أن تسأل نفسك



ماهو سبب إضاءة لمبة الزيت بهذا الشكل الفجائى

ماكان كله تمام قبل ما أطلع بالعربيه .......؟


وهنا يجب أن تنتظر قليلا لعمل قياس لمنسوب

الزيت

للتعرف هل هناك زيت بيهرب من المكنه

ولا لا ...........؟


أعلم أخى الفاضل أن من أسباب إنارة لمبة الزيت

1- طلمبة زيت رديئه

2- خلل فجائى فى ساعة الزيت أو

( وحدة إنذار ضغط الزيت )

oil pressure sending unit

3- خلل فى اللمبه نفسها أو لمبة الإنذار تلفت

فجأه

طيب عاوزين نفكر صح أفضل من كده

ونمشى فى خطوات تشخيص للمشكله أفضل


مما قيل سابقا

أولا ------------

شوف الزيت على المقاس نظامه إيه .....

مظبوط ولا المقاس نازل أوى

( يلاحظ أنه فى بعض أنواع محركات السيارات

الحديثه يوجد حساس لمتابعة منسوب الزيت فى

حوض كرتير المحرك ...ومع نقص الزيت

بوضع خطر على المحرك ..........

تحدث إضاءه تلقائيه للمبة إنذار الزيت لإعلام

قائد السياره بأن محرك سيارته على وشك التلف

وتعرضه للمشاكل الكبيره )

ومع السيارات التى لاتحتوى على مثل هذا

الحساس مفيش أمامك دليل على منسوب الزيت

( غير عصاية القياس )

فإذا تبين لك بأن منسوب الزيت على العصايه

نازل بشكل كبير

فهنا يجب أن يتبادر إلى ذهنك بأنه يوجد لديك

تسريب كبير للزيت من خلال محرك سيارتك

أيضا يمكن لمحرك سيارتك أن يتعرض لفقد

الزيت من خلال إحتراق الزيت فى غرف

الحريق بسبب تلف كاوتش الصبابات

أو وجود شنابر تالفه

لكن إحقاقا للحق

فمع وجود إناره فجائيه للمبة الزيت وأنت تقود

سيارتك

فلايوجد إحتمال أكبر من تعرض محرك سيارتك

لتهريب كبير خارج المحرك

أدى إلى هبوط المنسوب بدرجه أدت إلى إنارة

لمبة الزيت

ومن الأماكن على المحرك التى يستطيع الزيت

أن يتسرب من خلالها لخارج المحرك


1- غطاء التاكيهات

2- كرتير الزيت

3- من أسفل غطاء مجموعة سير الكاتينه

4- سيلات عمود الكرنك الأماميه أو الخلفيه

قم بفحص أعلى وأسفل المحرك وجوانبه

للتعرف على مكان التسريب

حتى يمكنك تحديد أبعاد المشكله

وكيفية التعامل معها فيما بعد

فكل مكان وله طريقة التعامل معه لعلاج الخلل به

الذى أدى إلى تسريب الزيت بهذا الشكل الفجائى

ويمكنك من خلال تساقط الزيت على الأرض

أن تحدد مكان تسريب الزيت

ويلاحظ أيضا أن محركات السيارات ذات

الكيلوات الكيلومتريه الكبيره

تكون جوانتها أو سيلاتها معرضه لحدوث تسريب

للزيت من خلالها

نفترض أنك لقيت المكنه زى الفل من كل مكان

ومفيش أى مظهر واضح أمامك لتسريب الزيت

سواء من الأجناب أو أعلى أو أسفل المحرك

واللمبه منوره برضه

فهنا حدثت مشكله فنيه فى المحرك

فقد يكون الزيت بيحترق مع خليط الهواء

والبنزين وأنت تسير ( دون أن تدرى )

وهنا يجب ضبط منسوب الزيت وتدوير المحرك

ومتابعة شكل العادم الخارج من خلف السياره

فلو وجدت لون العادم أزرق اللون

( أسود مزرق ) فلتعلم أنك بحاجه لإصلاح

المحرك فى ورشة إصلاح متخصصه

طلمبة الزيت التالفه

إذا كان منسوب الزيت فى منتصف عصاية

القياس ( أى فى المدى المسموح )

وكان صوت المحرك يصدر ضوضاء عند إدارة

المحرك

فقد يكون السبب هو خلل بطلمبة الزيت

يمكن إختبار ضغط الزيت وبالتالى التعرف على

حالة الطلمبه بتوصيل عداد لقياس ضغط الزيت

فى منطقة ساعة الزيت على المحرك

- إذا كانت قيمة الضغط على العداد خلال قيمه

معقوله ومعروفه فى تصميم المحركات

( غالبا 10 رطل على البوصه المربعه لكل

1000 لفه من عدد لفات المحرك )

فهنا نتعرف على أن الطلمبه تمام ولا يوجد

بها مشكله فنيه

فإذا كانت قيمة الضغط أقل من الحدود المذكوره

عاليه بقيم ملحوظه

فهنا قد تكون الطلمبه تالفه أو هناك تآكل شديد فى

سبايك المحرك

---------------------------------------

أيضا إذا كان منسوب الزيت على عصاية القياس

فى الحدود الآمنه

ويدور المحرك بصوت تشغيل طبيعى واللمبه

بتاعة الإنذار برضه مصممه على أنها تضىء

فهنا نتوقع العيب بصوره كبيره فى ساعة الزيت

أو لمبة الزيت نفسها بالتابلوه

وهنا ( فى هذه الحاله الأخيره )

يمكن أن تسير بسيارتك وقلبك مطمئن شويه إلى

أن تذهب لإصلاح العطل الخاص بإنارة اللمبه

دون خوف على محرك سيارتك

لكن !!!!!!!!!!!!!

لو حسيت وأنت ماشى واللمبه منوره أن صوت

المكنه بدأ يتغير ويعلو صوت المحرك

فتوقف عن السير وبطل مكنتك وأمرك إلى الله

لأنك هتحتاج حاجه تقطرك إلى مكان للإصلاح

[الصقر_الجارح]

بارك الله فيك يا بشمهندس موضوع جميل..

ربنا يكفينا شر لمبة الزيت..

شرفني أن أكون أول واحد رد موضوعك

[samirayad]

الله يخليك ياخالد باشا

[.EhAb]

فعلا يا باشمهندس.الموضوع دة حصل معايا فى اول عربية جبتها 128 فى2001 واحد صاحبى استلف العربية و فهمنى انه خبير عربيات
وهو ماشى لمبة الزيت نورت و هو افتكرها لمبة الحرارة.
طبعا عملت عمرة موتور . و الاهم من كدة بطلت ادى اى عربية لاى واحد صاحبى . اوصله بنفسى لاى مكان و اريح بالى و نفضل حبايب

[Hisham.Elgazzar]

مشكور يا باشمهندس على الموضوع الرائع
ربنا يكفينا شر لمبة الزيت
كرتيرة الزيت عندى كانت غرقانة
فكيتها ونظفتها وصفيت الزيت الباقى
وزودت كيلو عليهم من نفس النوع عشان أظبط المقاس
وركبت الكرتيرة بجوان جديد و إديتها سيليكون حرارى
ومتابع مقاس الزيت على ما أغيره أول الشهر إن شاء الله