تعديل دايو لانوس ( مساعدة )

[heshame2]

اقسم بالله انت راجل عسل بس الجنط ابو 1500 ده دول اربعة ولا بس جنط واحد

[Injection]

المشاركة الأصلية كتبت بواسطة heshame2 اقسم بالله انت راجل عسل بس الجنط ابو 1500 ده دول اربعة ولا بس جنط واحد

ههههههههههه, لأ الأربعة ياباشا, بس غالبا هيبقى صينى أو تايلاندى (تايلاند تابع الصين برضه, وفيه ماليزى بس أغلى شوية.

وفيه مستعمل بأقل كمان, بس ده صينى ضايع.

أنما طبعا فى أغلى وأغلى, وفيه كمان حاجات بقى من الأيطالى الماركات وكده, ودى صعب تلاقى منها جديد, والمستعمل أو الأستيراد منها بيكسر 3000 جنيه.

[heshame2]

طيب وشكمان يدي شكل للعربية من ورا وصوت مزيكا بس مش صوت يصحي الناس هههههههه بس حاجة حلوة كدة ايه رايك يا باشا انا شايفهم علطول يقولو ديفل ديفل

[Injection]

هو فى حاجات زى حلية بتتركب على ديل الشكمان الأصلى بمسمار وصامولة فى ثوانى, دى بتدى شكل جامد وسعرها من 20 جنيه الى 50 جنيه, بس شكل بس مش صوت.

أما الديفل, فهتشيل العلبة الخلفية خالص, وتركب علبه جديدة, اللى هى الديفل.

الصوت طبعا بيختلف حسب العلبة, فدى حاجة لازم حضرتك تاخد بالك منها, فى علب صوتها مزعج وعالى وشغال على طول, وعلب صوتها رياضى وبتعمل صوت مع الكبس.

السعر بيبتدى من حوالى 180 جنيه للعلب المصرى والصينى, ودى طبعا فى الضياع, أما الحاجات النضيفة بتبقى فى حدود 350 جنيه الى 400 جنيه, وطبعا فى الحاجات الأستيراد الماركات ودى أغلى وأغلى, بس بتدى صوت وأداء صح.

وأنا مركب علبة مصرى, هى مش وحشة للدرجة, بس منصحش حضرتك بيها خالص.

وفيه موضوع فى قسم تعديلات الأداء أسمه كل شئ عن الديفل, أنا اللى عامله, حضرتك ممكن تقراه وتشوف الشرح والحاجات اللى فيه.

ده الرابط
http://www.masrmotors.com/vb/showthread.php?t=26241

وربنا يوفقك ياباشا.