شركة زاز (ZAZ)

[بدر بسيونى]

المشاركة الأصلية كتبت بواسطة moslem2 العربيه دى انا شوفتها فى معرض سيارات فى جامعة المنصورة سنة 2004 وطبعا زى ماهوه واضح فى الصورة كان غالب عليها طابع سيارات اوربا الشرقيه من حيث عدم الانسيابيه وانعدام الكماليات والرفاهيه

عربية متوسطة الجودة والكفاءة وبدون قطع غيار بصراحة ربنا يكون فى عون ملاكها

المشاركة الأصلية كتبت بواسطة احمد بدر1978 اية العربية الى ملهاش قطع غيار دى

يااستاذ احمد اسهل حاجة تستورد عربية وتبيع وتخلع مااكتر العربيات المضروبة اللى مالهاش اى صيانة او قطع غيار

المشاركة الأصلية كتبت بواسطة مهند سالم شكرا ليك على التقرير الجميل، الواحد بصراحة بيلاقي عند حضرتك المعلومات الجميلة والجديد دائما شكرا ليك

شكرال يك جدا يااستاذ مهند

[kae]

شوف أنا شفت من العربية دي الويل , لكن بصراحة هي فيها مميزة جامدة زي الصاج بتاعها مثلا , يعني مرة ريح عليها أتوبيس نقل عامز ماحصلش غير شوية كبس فى الرفرف و استعدلتو.

العربية بصفة عامة ناشفة زى اللدا بس محرك ناعم شوية زى الدايو و طبعا علشان التوكيل خلع فصعب جدا تلاقة قطع غيارها المهم اجيبلك من الاخر فى بعض قطع غيار بتركب عليها زى

اللانوس - اللادا - الستروين ايوة الاستروين زى اسطوانة الدبرياج مثلا.

اهم عيب فيها هو سعر اعادة البيع اللى بيكون فى الارض, العربية دى عاوزة استعمال عيلة.

الراجل بتاع طريق السويس ده سيبك منه انا جربته و اى كلام , غالى على الفاضى.

فى واحد فى شارع دمشق او اسوان فى مصر الجديدة محل صغير كده بتاع لادا و نيفا و زاز اعتقد ده ارخص واحد تجيب منه قطع الغيار و اسهل حاجة تروح المحل و فى ايدك قطعة الغيار و تقولو عاوز زى دى.

العربية مفيهاش اى رفاهية من جوا بس ميزتها ان سحبها ظريف و موفرة فى البنزين.

اخر حاجة التوكيل نزل العربيات دى و فيها مشكلة فى الطنابير و متصلحتشى لغاية النهاردة هاهاهاهاه

[بدر بسيونى]

شكرا مشاركتك لنا خبرتك يا kae

[miam0502788391]

العربية دى بتفكرنى بالداتشيا نوفا اتباع منها شوية عربيات فى عدة شهور مكملوش سنة واحدة وبعدين هوب معتش منها جديد زى ما يكونوا شوية فضل وبواقى فى اى مخزن سيارات بره قوم اى مستورد هنا يدخلها وهوب يخلع بعدها بعد ما الناس تكون أكلت الحلاوة

[بدر بسيونى]

المشاركة الأصلية كتبت بواسطة miam0502788391 العربية دى بتفكرنى بالداتشيا نوفا اتباع منها شوية عربيات فى عدة شهور مكملوش سنة واحدة وبعدين هوب معتش منها جديد زى ما يكونوا شوية فضل وبواقى فى اى مخزن سيارات بره قوم اى مستورد هنا يدخلها وهوب يخلع بعدها بعد ما الناس تكون أكلت الحلاوة

هى دى مشكلتنا فى مصر كل واحد يروح يستورد عربية يبيع شوية وانسى الصيانة والاستمرارية المهم خبطت الخبطة وتمام كده