بسم الله الرحمن الرحيم . السلام عليكم ورحمة الله وبركاته . الاستاذ المحترم صبرى اسعد الله اوقاتك فى كل وقت وحين .لو هتيجب عربيات ملاكى وتاجرهم موضوع فى غاايه الفشل انا شوفت كثير ..سؤالك منحصر بين امرين منهم امر اقدر افيدك بخبرتى وهو الورق والاجراءات والقرارات والمنشورات والتعديلات الحكومية . اما امر التشغيل وماركة السيارة ممكن افيدك فيه من واقع تعاملاتى مع الناس ومشاهدتى للاخطاء الي وقعوا فيها والي نقط النجاح ..بس مش بحب اتدخل وانصح حد بشىء مش لمستة بايدي مع انى فاهم بالشىء .. بص يا سيدى بالنسبه للاجراءات .ننفرض انك اشتريت ميكروباص .. قدامك ترخيص لوحات اجرة واتوبيس خاص ورحلات ومدارس . وكل دة بيعتمد على قرارات المحافظين لكل محافظه لان المحافظ له سلطه التصرف فى عدد السيارات الي موجودة فى محافظته وخصوصا الاجرة والرحلات . اما الخاص والمدراس ميقدرش اى محافظ يمنع ترخيصه لاسباب يطول شرحها .اما موضوع انك ترخص سياحه دا موضوع تانى خالص واعتقد انك مش قدة الا اذا كان معاك مبلغ ضخم لتاسيس شركه سياحة .عشان ترخص عربياتك سياحه وتجيب عربيات بدون جمارك عشان تركب سائحين فقط فقط فقط والعربيه مدتها 5 سنين بس ويسقط عنها ترخيص المرور .. عرفت بقى شركات السياحه بتبيع عربياتها كل 5 سنين ليه عشان تجيب عربيات تانيه جديدة بدون جمارك للسائحين.. والفرق بين الخاص والرحلات والمدارس . على الورق يبقى الخاص نقل عمال وموظفين _ والرحلات رحلات داخليه_ والمدارس تحميل طلاب وليس لهم الحق فى التحميل بالاجر وده على الورق والقانون
بس فى مصر الناس بتدور على الترخيص الاسهل فى المصروفات وهو الرحلات نتكلم عن حالتك انت . عندك مكان فى اكتوبر يبقى رخص فى اكتوبر اتوبيس خاص وكمان مرور اكتوبر محترم والناس محترمين. بس لازم بعض الاجراءات ومستندات قبل الذهاب للترخيص فى المرور. تاسيس مكتب نقل عمال فى حاله الخاص كله سهل واى شىء سهل بلاش تركز فى الترخيص بس احصر نفسك بين الرحلات والخاص وتشغيل العربيه فى دورة شركة او مصنع محترمة بس دة المهم ... اما الجزاء التانى فى كلامنك وهو المشورة انصحك فى اختيار السواقين كن حزر وكمان اختيار ماركه العربيه ولو هتجيب قسط احسن اخيار التاجر الي هتشترى منه ودة مهم جدا .. بس كدة فى اى استفسار تانى
02-01-2014, 06:57 PM
رد: اسال عن لوحات الخاص و الاجرة والرحلات والمدارس واجراءات اللوط
