نظره اولى على عيوب اللوجان الاوتوماتيك

[زياد_11]

طب ممكن حد ينصحني اجيب ايه بنفس تمن اللوجان... كل ما اعمل بحث عن عربية ناس بتشكر وناس بتشتم... وانا معنديش خبرة سابقة في العربيات ؟؟؟؟؟؟؟؟؟

[ahmedashraf]

العربية زي الفل وعمرك ما حتلاقي كل الناس مجتمعة على شئ، لو ما إختلفت الأذواق لبارت السلع.

[شادي ايمن]

ممكن حد يقولي يعني ايه نتشة الفتيس ده ؟ و كمان هو الاوتوماتيك كمان فيه مشكله ؟؟

[sherifabden]

المشاركة الأصلية كتبت بواسطة شادي ايمن ممكن حد يقولي يعني ايه نتشة الفتيس ده ؟ و كمان هو الاوتوماتيك كمان فيه مشكله ؟؟

النتشة هوا شعور السواق بالعربية وهيا بتدي غيار بس النتشة مش ملحوظة للدرجة الا لو سقت اوتوماتيك قبل كده وعموما النتشة بتزيد كل ما الار بي ام يعلى انما لو ماشي بالراحة مش هتحس بيها خااالص

[Ahmed1977egypt]

المشاركة الأصلية كتبت بواسطة mohamedsalahelden السلام عليكم ورحمه الله وبركاته طبعا الاعضاء عارفين انى كان معايا لوجان مانيوال 2010 كانت معايا لحد 50000 كيلو وتم بيعها لظروف بعد حوالى سنتين ونصف انا معايا دلوقتى اللوجان الاوتوماتيك بعد سواقتى للمانيوال فتقييمى هيكون منطقى الموضوع ده مفتوح لجميع ملاك الاوتوماتيك لو عندك عيب ظهر فى العربيه ياريت تشارك وتذكرها ارجو القائمين على المنتدى تثبيت الموضوع لاهميته العيوب التى ظهرت معى بالسياره اولا الماتور ------------ -الماتور سحبه ضعيف للغايه وباينه جدا فى العربيه من اول ما رجلك تلمس البنزين -صوت الماتور عالى ومسموع للغايه فى النقلات لحد ما العربيه تاخد سرعتها وبعد كده بيكون هادئ -تجميع السرعات بطئ للغايه مروحه العربيه اقوى من مروحه المانيوال بمعنى لها صوت مسموع و وعند تشغيلها على السرعه القصوى لها بتسمع فى الطاره و العربيه بمعنى بيكون فيه فيبريشن فى العربيه بتحسها فى كل حته بالعربيه (الطاره-الطابلوه-الباب) -الماتور 110 حصان واما تجرى بالعربيه مش بتحس بيهم نهائى لان انا بقيم الماتور القديم و الماتور الجديد بس بيفرق ان اماتشغل التكييف مش بياثر على سحب العربيه ولكن الماتور بيكون صوته اعلى مسموع الفتيس والمشكله الكبرى ------------------------ الفتيس مشكله كبرى فيه ناتشه بين الغيارات بالنسبه للعربيه تنقل لسرعه اعلى او تنقل لسرعه اقل بمعنى دقيق وصفه لى مهندسين التوكيل و(على فكره انا رحت لكذا فرع للتوكيل ومش فرع واحد قالى باللفظ )هوه فتيس الرينو كده فبالتالى المشكله دى مش هتتحل نهائى فى العربيه وهوه لخصها من التانى الى الثالث و العكس الثالث الى الثانى فيه ناتشه (وبالصدفه كان فيه واحد بيشتكى من نفس الشكوى الناتشه دى بس مش فى اللوجان كان فى الفلوانس )وقالى احمد ربنا انت مشفتش ناتشه الفلوانس عامل ازاى دى بالنسبالها مش ناتشه وقالى باللفظ تعايش معاها وخد عليها لانها هتكون معاك على طول التكييف -------- -مشكله التكييف العربيه بتيجى بشحن زياده وبتبرجل العربيه بس الموضوع ده سهل جدا ان مفيش مشاكل فيه بتروح تظبطه فى التوكيل - مشكله سخونه الدواسات و الهواء السخن مازال فى العربيه وبتروح تركب عازل فى التوكيل -التكييف ضعيف بالنسبه للمانيوال بس المانيوال اقوى بس فى المانيوال بياثر على السحب -فيه هواء سخن بيدخل من فتحات التكييف لسه ماتحلتش فى التوكيل عيوب تصنيع بالجمله -------------------- انا عن نفسى تم تغيير الاتى: - مرايه جانبيه بجوار السائق جايه من بلدها بها عيب داخلى وتم تغييرها فى التوكيل -دراع المساحات وزرار الكمبيوتر جايه من بلدها بها عيب وتم تغييرها فى التوكيل -مروحه التبريد جايه من بلدها بها عيب وتم تغييرها فى التوكيل فى النهايه -------- -يعنى ادفع 80000 جنيه فى عربيه والمفروض ارضى بالواقع واتعايش مع ناتشه الفتيس زى ما قالى المهندس -يعنى اجيب عربيه زيرو وكل يوم رايح جاى على التوكيل علشان اغير حاجات فيها عيب تصنيع شهاده حق -------- شهاده حق ان التوكيل محترم للغايه وخدمه العملاء اكثر من ممتازه وتم تغيير الاشياء من غير ولا ماليم لان العربيه فى الضمان بس الخدمه سوبر بجد من 3 سنين من ايام المانيوال و هما ماتغيروش فى المعامله معايا واذا ظهر شئ اخر سوف اضيفه ان شاء الله اسف على الاطاله وارجو من الاخوه الفتايين مايشككوش فى كلامى لان دى تجربه واقعيه ولو عاوزين ارفعلكم اوامر الشغل وتقارير الجوده للعيوب انا مستعد بالتواريخ

السلام عليكم - وشكرا على التقييم الممتاز والدقيق - حضرتك بعد تجربتك للمنيول والاتوماتيك تنصح بأيه فى اللوجان