ارجو المساعده مشاكل النيو اكسنت ظهرت بعد شهرين من الشراء

[totolay007]

السلام عليكم وكل عام وانتم بخير

النيو اكسنت اللى معايا شريها بقالى شهرين وظهرت فيها المشاكل مره وحده

أولا : صوت الماتور عالى خصوصا لما اشغل التكييف

ثانياً : السحب بتعها ضعيف لما بكون على الرابع على ار بى ام 3 السرعه بتبقى 85 كيلو والكلام ده من غير تكييف فهل ده طبيعى ؟

ثالثاً : فى سخونيه عند الدوسات ونفس الموضوع فى شنطة الطابلوه

رابعاً : المشاكل دى ما ظهرتش غير بعد صيانة 5000 الاف واتصلت بعديها 16101 وقدمت شكوى وبقلهم اسبوع محدش عبرنى

خامساً : اسواء خدمه ومركز صيانه هو غبور وبيتهيالى لو وقفت على عربيه فول هتبقى المعمله احسن منهم

رجاء من الاخوه الافاضل يقلولى حل للمشاكل اللى عندى وايه اللى اتبعه مع التوكيل عشان يرجعلى العربيه زى ما كانت .

[Ahmed ELderiny]

السلام عليكم ورحمة الله وبركاتة
لابد انك ترجع للتوكيل تانى ومش تمشى من عندهم غير لما يكشفوا على العربية تانى خصوصا ان المشاكل دى حصلت بعد عمل الصيانه عندهم وتمسك بحقك ومتسبهمش وخد معاك الفاتورة طبعا , كل المشاكل اللى ذكرتها دى مش طبيعية طبعا خالص

اتصل ب 16101 وقولهم عايز حجز بعيب في العربية وخد رقم الحجز واطلع علي ابو رواش علشان ده المركز الرئيسي وادخل قولهم علي المشاكل ديه ولو متحلتش عليك وعلي جهاز حماية المستهلك

[محمد بدوى]

المشاركة الأصلية كتبت بواسطة totolay007 السلام عليكم وكل عام وانتم بخير النيو اكسنت اللى معايا شريها بقالى شهرين وظهرت فيها المشاكل مره وحده وعليكم السلام .. ربنا يباركلك فيها انشاء الله أولا : صوت الماتور عالى خصوصا لما اشغل التكييف فعلا ده حقيقى وموجود عندى فى العربية وكمان مع واحد صاحبى رينو ميجان 2008 ثانياً : السحب بتعها ضعيف لما بكون على الرابع على ار بى ام 3 السرعه بتبقى 85 كيلو والكلام ده من غير تكييف فهل ده طبيعى ؟ ثالثاً : فى سخونيه عند الدوسات ونفس الموضوع فى شنطة الطابلوه الكلام ده غريب فعلا انا معايا نيو اكسنت 2010 عامل بيها تقريبا 19000 وعمرى ماشتكيت من السحب ولا السخونية رابعاً : المشاكل دى ما ظهرتش غير بعد صيانة 5000 الاف واتصلت بعديها 16101 وقدمت شكوى وبقلهم اسبوع محدش عبرنى خليك وراهم انت ليك حق ومتسبهوش خامساً : اسواء خدمه ومركز صيانه هو غبور وبيتهيالى لو وقفت على عربيه فول هتبقى المعمله احسن منهم رجاء من الاخوه الافاضل يقلولى حل للمشاكل اللى عندى وايه اللى اتبعه مع التوكيل عشان يرجعلى العربيه زى ما كانت .

انا هديك نمرة مدير الصيانة فى ابو رواش
ا/ ياسر مناع : 0101779490
ا/ شاهر يوسف : 0101764212
وربنا يقدملك اللى فية الخير ان شاء الله

[Eng . Mano]

فعلا حضرتك تطلع على ابورواش و تشوف حل مع الناس دى .
و برده علشان ماتقلقش نفسك على الفاضى ، ممكن تكون حاجة عارضة و بسيطة و بأذن الله تتظبط و العربية ترجع احسن من الاول ؛