السماح بترخيص التوك توك (خبر منقول وراى الشخصى فية)

[Saif eldien]

وافق مجلس الوزراء فى اجتماعه اليوم الأربعاء، برئاسة الدكتور عصام شرف، على تعديل قانون المرور، ويقضى التعديل بالسماح بمصادرة الدراجات النارية ومركبات "التوك توك" لكل من قاد أحدها دون الحصول على رخصة تسيير أو رخصة قيادة.

وناشد مجلس الوزراء فى بيان له اليوم، حائزى هذه الدراجات النارية ومركبات "التوك توك" غير المرخص بها التقدم خلال 30 يومًا من تاريخ سريان هذا القانون لإدارات المرور المختصة لتوفيق أوضاعهم القانونية للحصول على التراخيص اللازمة لتسيير أو قيادة تلك المركبات وفقا للإجراءات والقواعد القانونية المتبعة فى هذا الشأن.

وأشار البيان إلى أنه بالنسبة للدراجات البخارية أو مركبات "التوك توك" المضبوطة والتى لم يتم توفيق أوضاعها القانونية خلال المدة المذكورة تصبح ملكًا للدولة بغير حاجة إلى حكم يصدر بذلك.

خبر منقول من المصرى اليوم

راى الشخصى
انى سعيد جدا للموضوع دة وكان نفسى يحصل من سنين ودة لعدد اسباب
ناس كثيرة مش هيعجبها كلامى لان التوك توك لية مشاكل كثيرة وحوادث واضرار على السيارت لما يحدث من قيادة من يقودة بجنون
بس انا اقول لكم انا سعيد لية دة مشروع كويس وسواء ربضنا وجودة او رضينا فهو بالفعل موجود ومنتشر جدا بس مشكلتة فى ال بيسوقة لية لان احنا رفضنا التوك توك وبالتالى اصبح مشروع غير شرعى طيب ملو اترخص وساقة ناس معاها رخص ومعروف ان لية نمر تقدر تمنع اطفال يسوقوة وبتالى هيكون لية صاحب معروف انك تشتكية او يكون عنة مشكلة ومحضر على التوك تك
وبتالى اى حد مرخصة هيخاف وهيلتزم بية وبتالى هنتشغل شباب سنها كبير وهو يعتبر مشروع كويس واحنا مشاء الله البطالة حندنا مرض منتشر فى مصر
طيب مالناس دة هتشتغل وكمان وحدات المرور هيدخلها فلوس ترخيص ومخالفات وغيرة
والدولة هيدخل خزينتها فلوس ضرايب ومخلفات ودة يعتبر مورد
فلية نرفضة منرضى بية بمزاجنا افضل ميكون غير شرعى

علشان كدة انا فرحان بالخبر ويارب نعمل الخطوة القادمة انك تغلق شوارع السواق التجارية ال هى العتبة والازهر وما حولهم تغلقهم من دخول السيارات الملاكى والنصف نقل وتسمح بالسيارت الفان 7 راكب والتوكتوك والربع نقل يقوم يمشى الناس بحرية فى الاسواق دة

[mar mar]

عندك حق
تقبل تحياتي

[AbOnOrA]

ما هى المشكلة مش فى التشريع يا سيف لان اى تشريع محتاج قوة لتنفيذه
وبالتالى المشكلة فى وجود القوة ديه وسواء لمنعة بالكلية او لاجبار السائقين على استخدامة وفقاً للقانون

والدليل على كده المتوسيكلات الصينى اللى فجاءه غرقت البلد ما المتوسيكلات عموماً اوضاعها معروفة ولازم تترخص
بس نص ان مكنش تلت تربع اللى موجود فى الشارع معليهوش نمر ولا اللى بيسوقو معاه رخصة

وبعدين المشكلة الكبرى فى التكاتك انها موجودة فى مناطق اصلا مفيش فيها تواجد مرورى ولا شرطى من اى نوع
ويوم ما بينزلو بتبقى حملة كام ساعة ويمشو وهما يمشو من هنا والتكاتك ترجع تقف تانى ومعملناش حاجة

الخلاصة ان كالعادة مفيش مشاكل فى القوانين ولا التشريع بالعكس موجودة وعلى قفا من يشيل بس المهم تطبيقها بحزم وجدية

وتسلم على الطرح يا سيف باشا

[طارق عبد السلام]

اترخص أو لم يرخص
هو موجود موجود بمشاكله الكارثيه
الافضل ترخيصه علشان الناس تعرف تاخد حقوقها لو حدث مشكله يكون له ملف فى المرور ولوحات يعنى تقدر تجيبه
بس فيه سؤال ملح ومحيرنى هيضيفوا على الر خصه
فى شروط الترخيص يجب وجود سنجه أو سيف مثبوت على الرخصه ؟؟؟!!!!!

[abosyam]

على فكرة انا فرحان بالمشروع جدا ودة راى الشخصى اولا : مش هيسمحو بية يمشى فى القاهرة
ثانيا " مش هيطلع على الشوارع العمومية خوفا من المصادرة وعندى شوية اقتراحات تدعم تنفيذ القانون 1
تسجيل اسم السائق على الرخصة للتوكتوك حتى لا يركبة اطفال وتكون فى كراسة من المرور لسهولة تغير السواقين بس كدة اضمن لاان دة هيمنع اى حد يسوقة من غير رخصة مهنية للدراجة البخارية وهينفعنا كمان مع سواقين الدليفرى المجانين
2 تخصيص مواقف فى العشواءيات للتوكتوك ويعامل بخطوط سير معروفة بالمنطقة الداخلية ويعامل معاملة السرفيس فى مواضيع تغير خطوط السير وبكدة اضمن انة ميخرجش من منطقطة لمنطقة تانية عبورا للشارع الرئيسى
3 تغليظ العقوبة على السائق لانة فى حالة المصادرة لن يتضرر السائق والموضوع كدة هبقى على مالك التكتوك لان لو لم يكن هناك عقوبة على الصائق لن يهتم الا بجمع ثمن الوردية باى طريقة كما هو الحال الان ومدام التوكتوك اصبح واقع لابد الاعترف بية اذا لابد من تقويمة واستخدامة بطريقة تفيد الناس وليس بطريقة تضرهم ونستخدم مباء نفع واستنفع فى اطار دولة يحكمها القانون وليس العشوائية ولسيد رئيس الوزراء الصبر والسلوان على مشاكل البلد دى .