معلومات مهمه عن اللوجان

[hossamhussein0]

مشاركة رائعة و معلومات قيمة بس اسمح لي بمداخلة بسيطة

المشاركة الأصلية كتبت بواسطة mohamed1979 نسبة الأنضغاط: 9.5 تغذية الوقود: حقن الكترونى متعدد النقاط نوعية الوقود: عادى (عادة يقصد بها بنزين 80 ، وهم كاتبين فى الموقع الرسمى بتاع رينو ان المحرك مصمم لاستعمال انواع متدنية من الوقود المتوافرة فى دول العالم الثالت) السرعة القصوى: 175 كيلومتر فى الساعة

نسبة الانضغاط 9.5 يعني نسبة عالية و لا يجوز استخدام بنزين 80 معها ابد ،، البنزين الموصي به من الشركة المصنعة وفقا للمكتوب علي التنك (91 و 93 و 95) و تعليمات الوكيل في هذا الشأن هي استعمال بنزين 92 كحد ادني للاوكتين.

أما عن الحد الاقصي للسرعة فأنا و عن تجربة شخصية كانت العربية محملة 5 ركاب + شنط و كنت بجري علي القاهرة الاسكندرية الصحراوي بسرعة 180 كم و كانت العربية تقبل زيادة كمان عن كده بس انا خوفت ازود علشان ظروف الطريق و ده كان طبعا بعد ما اشتريت العربية بكام شهر و كنت بجربها و عاوز اشوف قدراتها.

و احب ان اؤكد للزملاء الذين يفكرون في شرائها انها سيارة ممتازة و كمالياتها ممتازة خاصة و انها معي من سنتين و نصف و هي زي الفل ،، و ان كنت اعتب عليها فقط في ضعف اداء الباور استيرنج عن باقي السيارات الاخري

[dio]

اللوجان مش قد كده انا جبتها

[علاء صالح]

تقرير ممتاز

[عطيه مبارك]

السلام عليكم
شكرا على المعلومات القيمه دى
انا كنت عايز اعرف مميزات وعيوب الوجان واحلى لون فيها
انا هستلمها اخر الاسبوع ارجو الرد

[RENAULT 18]

السلام عليكم شكرا على المعلومات القيمه دى انا كنت عايز اعرف مميزات وعيوب الوجان واحلى لون فيها انا هستلمها اخر الاسبوع ارجو الرد

السلام عليكم ،،،،،،،،،،،،

أولا : ألف مبروك مقدما
نيجى للميزات و العيوب

أولا : العيوب :-

1- صوت المتور عالى حبتين بس بيهدى خالص بعد مرحلة التليين
2- الكلاكس مش فى الطارة و لكن فى دراع النور و أزرار الزجاج الكهرباء فى الكونسول الأسوط
3- فتح الشنطة و تانك البنزين من الخارج مش من الداخل ( لكن الشنطة بتتفتح مع الريموت بتاع العربية )
4- بعض الناس بتشكى من إهتزاز دواسة البنزين
5- لازم تدوس دبرياج ع الآخر و أنت بنقل

دى العيوب و من وجهة نظرى الشخصية دى مش عيوب جوهرية

ثانيا : المميزات :

1- عالية جدا عن الأرض و ميهمهاش مطبات .
2- ثبات ممتاز ع السرعات العالية.
3- تكييف جيد جدا .
4- عفشة متينة .
5- عربية مريحة جدا جدا جدا و بتديك إنعزال تام عن الطريق .... يعنى مش هتتعب أبد أبد فى سواقتها .
6- فرامل قوية .
7- عداد البنزين و الحرارة عدادات ديجيتال و كمان فيه كمبيوتر رحلات .
8- الدبرياج بتاعها ناعم جدا جدا .
9- الصالون واسع جدا و تشيل 5 ركاب مستريحين .
10- شنطة عملاقة : 510 لتر

دى المميزات و العيوب

أحلى لون دا حضراك اللى تقدر تقرره لأن دى أذواق

رايى الشخصى : البترولى ثم الفضى ثم الأسود

دى لينك لموضوع عن اللوجان فى كل حاجة عن العربية :

http://masrmotors.com/vb/showthread.php?t=13926

أى أستفسار أحنا فى الخدمة ........ تقبل تحياتى