متى يجب تغيير زيت الفتيس المانيوال ؟

[amir elgamal]

لازم يتغير يا باشا وغلط اوى مايتغيرش
خدها نصيحه لان الفتيس بينزل شوائب هتلاقيها فى الكارتيره لازم تتنضف ويتغير الزيت على نضافه

[sehsss]

بعد حوالي 60 ألف كيلو

[Sniper1612]

المشاركة الأصلية كتبت بواسطة Meemo The Beast زيت الفتيس لا يتغير و انما يزود فقط في حالة انخفاض منسوبه و المنسوب لا ينخفض الا في حالة وجود تسرب ما , لكن حافظ على الزيت الموجود بالفتيس و لا تغيره فقط زوده لو نقص و هذه نصيحة لوجه الله

مع كل احترامى لييك يا باشا زيت الفتيس زى اى زيت فى العربية ليه خصائص معينة وديه بيفقدها مع الوقت ومع الحرارة و لازم يتغيير طبعاً و مع احترامى لييك مرة تانية

وتقبل مرورى

[elmo7areb]

طيب يا سيدى

الحكاية ان انا اشتريت العربية من اخويا وكانت ماشية 100 الف كيلو لا غير زيت فتيس ولا زوده حتي

المهم سألته وقالى كل معلومات العربية وخدت العربية اعمل لها الصيانات المعتادة غيار زيت عادي وسيور وفلاتر وكشف كمبيوتر واهم حاجة كانت عندي اني اما ازود الزيت او اغيره

وقرأت موضوع هنا لعضو جامد جدا عن حوار غيار زيت الفتيس وكانت عربيته لانوس وكان مصور الزيت وهو نازل اسود فحمة واقنعني كلامة

الصبح طلعت على واحد مشهور فى المنصورة اسمه العمريطى ونزل زيت الفتيس وفعلا كان لونه اسود فحمة وحط لى زيت فتيس ابرو 90 المهم طلعت من عندة وحاسس ان الفتيس مش تمام خالص فى الاول لكن بعد ما العربية تسخن الفتيس تمام

فضلت حوالى اسبوعين ورحت حطيت شيل 80/90 ونفس الحوار بس على الخفيف المهم مشيت 3000 كيلو علية لغاية الوقتي وبسم الله الفتيس تمام التمام بس تقريبا الزيت بياخد وقت شوية على بال ما يتأقلم ولا اية مش عارف

المهم بقة ان الكتالوج كان بيقول اني احط 2.25 يعنى اتنين لتر وربع بس بتاع الزيت صمم انه يحط 2 لتر بس اقول له يا عم افتح لتر كمان وحط يقولى اسمع كلامي ارجوك انا مش خسران حاجة

بس حاليا الزيت تمام والفتيس تمام والراجل دة بتعامل معاه من يومها

[eaglenest]

انا عربيتي لانوس 2008 وعاملة 75 الف كيلو .. وناس تقولي غيري وناس تقولي لأ تمام حتى رحت عند توكيل قالي انا هبصلك عليه وشافه قالي مش محتاج يتزود قولتله طيب اغيره قالي لأ مش بيتغير ... أنا قربت أتجنن بصراحة .... حتى لو افترضنا اني هغيره هغيره بنوع اسمه ايه وبكام ومنين ؟؟