|
#1
20-04-2010, 07:26 PM
|
|||
|
|||
|
الي عشاق 127نصر ارجو الدخول بسرعه
اولا ارحب بالجميع بتحية الاسلام
السلام عليكم ورحمة الله وبركاته انا عندي سياره 127 نصر مو 83 والحمد لله دلوقتي بقت مشنه المهم انا ناوي اجددها بس المشكله ف السمكريه النهارده انه مينفعش تسيبه يتعامل من دماغه ارجو من الاعضاء والساده المشرفين مساعدتي في رفع او رسم صور لابعاد السياره وخصوصا الحوض الخاص بالموتور والتوصيات الخاصه بالسمكره وايضا بعض المقترحات بالصور لتعديل شكل السياره ولكم جزيل الشكر 
|
|
#2
20-04-2010, 08:33 PM
|
||||
|
||||
رد: الي عشاق 127نصر ارجو الدخول بسرعه
و عليكم السلام و رحمة الله و بركاته
الموضوع بسيط إن شاء الله أسأل عن سمكري يكون شغله نظيف حبتين و سيبله العربيه و فوض أمرك لله ليه؟؟؟ عشان حتى لو معاك أبعاد العربيه مش هتقدر تهندس على الصنايعي إما أنه صنايعي فاهم يبقى مش محتاجك تكون عارف الأبعاد أو أنه صنايعي لا مؤاخذة يبقى حتى لو أنت عارف العربية مش هتتعمل صح و كده و لا كده العربيه لله الحمد بسيطه مش بتاعة جري زياده لأن عوامل الأمان فيها شبه منعدمه على فكرة دي عربيتي من حوالي 13 سنه و لغاية دلوقتي و بيعجبني فيها أنها صغيرة و كمان ده بيخلي قلبي جامد و أنا ماشي عشان هيه كلها بتلات تعريفه و وقت ما حد يرخم عليا عدوان و ظلم و الله بأحاول ما أضايقش حد ع الطريق لكن لو حصل بأربيه بس المهم يكون كوه المدينه لأنه بره المدينه ما بلحقش أشوفه أصلآ بيكون فك ع العموم العربيه بسيطه ما تتعبش نفسك و ربنا يبارك لك فيها سلام
|
|
#3
25-11-2010, 04:31 PM
|
|||
|
|||
|
رد: الي عشاق 127نصر ارجو الدخول بسرعه
السلام عليكم ورحمة الله نا لسه شارى سوبر فيورا من حوالى 4 شهور وعاوز أغير زيت ممكن تقولى أيه أفضل زيت أحطه للعربية
|
 |
|
|
