Renault Sandero

[drali]

السانديرو انا شفتها عربية تحفة شيك قوى من برة وهي زي اللوجان فى كل دواخلها
وده يعنى ان كل قطع الغيار المستهلكة زى الفلاتر والسيور و الكبالن والتيل والطنابير و و و ... هتلاقيها طالما متوفرة فى اللوجان
الفرق بس فى الفوانيس و الأكصدامات والأبواب و الأربع الأمامية والخلفية ودى حاجات مش مستهلكة وربنا يكفيك الشر وميجرالهمش حاجة ومتحتاجهمش

بالتوفيق ان شاء الله ولو خلصت فيها مستنيين تقريرك ان شاء الله

[zaky1985]

متشكر ليكم جداً وربنا يسهل واجيبها قريب ان شاء الله

[heno882002]

ana kman bsra7a 3ayza 2gebha bs el nas by5wfony mn s3er el spare parts bt3etha , ana bsra7a m7tara benha w ben el fiat punto w ben el spark el gdeda 2011 , plz 2olole eh 27san wa7da fe el talata ??

[moni]

العربية دى بحوالى 67000الف

[zaky1985]

شكراً ليكم جميعاً على التفاعل
وبإذن الله يتوفر معايا المقدم قريب وادوس فيها
//
بالنسبة لبعض الاستفسارات
========
الهاف بـ 71000
والكاملة بـ 75000
الفرق مش كبير فى السعر بالنسبة للكاملة .. وكفاية بس الايرباجات ومرايات الكهربا
//
بالمقارنة بالبونتو هما الاتنين أوروبى
السانديرو اقوى فى الموتور وفى الامكانيات وصالونها أوسع
وقطع الغيار أكيد مش هتكون أغلى من البونتو اللى قطع غيارها غالية اصلاً

يبقى السانديرو تكسب

خصوصا ان السعر واحد تقريباً
//

السبارك فئة اقل فى الحجم والموتور (سبارك 1100 - سانديرو 1600) ..
وأكيد علشان لسة جديدة قطع غيارها هتكون نادرة وغالية
والسعر قريب جداً
برضو هنا السانديرو تكسب
//
أظن من وجهة نظرى السانديرو أفضل اختيار فى الفئة السعرية دى بمقارنة إمكانياتها بغيرها وبالنسبة لأسعار قطع الغيار المعقولة الى حد ما