ال 126 كلت دماغى بتعديلاتها

[Hisham.Elgazzar]

إسلام
خسارة تضيع وقتك ومجهودك فى ال126 لأن نظرة الناس لها هتختلف 180 درجة
وطالما انت مقتنع انك من بعد ما تنزل من البى إم تركب فيات
يبقى أحسن تركب 131 ولو مش مقتنع بيها وعاوز ال126 إقرأ الموضوع ده:
http://masrmotors.com/vb/showthread.php?t=72710

[eslamafify]

والله يا هشام انا لو عليا لا هركب دى ولا دى
انا كنت اجيب حته e30 ومش عايز افكر تانى

بس الامكانيات هى الى حكمانى فى الوقت ده وال 131 عربية معلهاش ولا كلمة ان مكنتش انضف ما جابت فيات بس انا بردو مش حملها دلوقتى

الموضوع الى انت اديتهولى ده جميل جدا انا كنت بصيت عليه بس برده مفهمتش المواتير الى تركب دى موديلات كام وبتاعت انى عربية بالظبط والاهم الفتيس الى هيركب عليها ايه

ومازلت منتظر الاجابة

انا امكانياتى دلوقتى لا سيات لا 126 والباقى اظبطهم بيهم صح
والسيات عربية تجيب شلل والتعديل عليها مقرف عشان المكن السيات قليل مش زى الفيات وبالتالى ال 126 احسن اختيار ليا حاليا وانا ناوى اظبطها بجد يعنى تقريبا زى الشكل ده بس هغير حاجات بسيطة شوف كده









بس الى موقفنى انى اطمن على تعديل الموتور وموديل العربية الى محتاجه ايه وهتوكل على الله على طول

المشاركة الأصلية كتبت بواسطة eslamafify بسم الله منورين يا رجالة بالمنتدى الفظيع ده انا للاسف لسه عارفه امبارح : بس يلا ملحوقة انا كان عندى كمية استفسارات مبالغ فيها عن ال 126 ونفسى الاقى اجابات عنه انا عندى ريتمو وكنت مسقطلها موتور ريجاتا 1500 بس حاليا حصل فيها كسر فى القنطرة وشرخ فى الكرتيرة الشمال والعربية بقت ملاهى كاملة مش بتعوم بس دريم بارك هى الصراحة العربية حلوة جدا واعدتها مريحة وشكلها حلو بس انا شيلت منها ومش ناوى اركبها تانى هصلحها وارخصها وابيعها حتى هى حست انى استندلت معاها بعد العشرة الطويلة وراحت لابسه فى بلاعة وكسرة بلوك الفتيس والعصاية بتاعته عقابا ليا وانا رديت عليها وقولتلها مش مصلحك اترمى تحت البيت بقا انا شوفت فديوهات كتير وصور لل 126 كلت دماغى بس انا مستحيل اعرف اركبها بموترها ده مستحييييييييييييييييل انا اول عربية ليا كانت bmw الشرك 1800 سى سى والريتمو بعدها مستحملتهاش فغيرتلها الموتور وبردو كنت بحس انى هطلع الموتور من الشكمان فكون انى اركب ال 126 بموترها ده ابقى بنتحر نفسيا انا عايز اظبط الريتمو وابيعها وبتمنها اجيب 126 واظبتها صح اوى وارتاح من القرف حتى لو صغيرة انا شوفت تعديلات كتير ومواتير كتير وتلت تربعها مش عارف دى مواتير ايه اصلا وياترى ايه الى يركب عليها استاندرد او بتعديل بسيط؟ ولو مفيش او الى موجود تعبان زى الفيات ال 500 والكلام ده يبقى ايه الى ممكن يركب حتى لو هيتعدل جامد؟ وشوفت ناس مركبة مكن امامى بجر امامى او مكن امامى بدفع خلفى معمول فيها كل حاجة المفعوصة دى وايه امكانية التكيف فيها عشان اكيد السربنتينة هتبقى قدام لو الموتور ورا وبالتالى هيبقى فى لعب مواسير كتير والكلام ده انا مش عارف خطورته ايه مع المطبات وكده يعنى؟ وشوفت ناس لاغيه الكنبة الى ورا وفى منها موديل 3 باب وموديل الشنطة زى السيات 2 باب عايز اعرف ده موديلات سنة كام وده سنة كام ومين فيهم ال bis ومين ال p ؟ هل الى يركب على دى يركب على التانية ولا كل واحدة ليها تعديلتها عشان مشتريش واحدة والبسها ومعرفش اعدل لانى مش هعرف اركبها الا لما اعدل على طول وبالنسبة لتعديلات ممكن تتكلف كام ولو فى صنايعة محترمة ترشحوهالى خاصة سمكرى وميكانيكى بيفهم انا معنديش مانع لو غباء الصنايعية هيقرفنى فى حاجات اعملها بايدى طالما هقدر وكمان هبقى حابب كده انا من القاهرة - جسر السويس ويا ترى التنك بتاعها كام لتر؟؟؟ وهو فين تحت الكنبة ولا فين معلش انا طولت عليكم بالاسئلة بس العربية كلت دماغى الصراحة ومش عارف حاجة عنها او تعديلاتها اتنمى مكنش تقلت رغم انى حاسس انى ناسى حاجات كمان : CONGRA~238::C ONGRA~238:

قبل اى تعديل لمحركات كبيرة 126 او 133
ضرورى جدا ولازم تعمل ده الاول !!!!!!!!
رابط مميز 126
http://www.masrmotors.com/vb/showthread.php?t=40969
: 010104~171:FLASHC ar

[eslamafify]

شكرا cars admire على سرعة ردك

بصو انا قفشت فى موضوع كويس وجارى البحث

فى موضوع لتظبيط العربية خطوة خطوة بالصور من اول ما جابها عايزة الحرق لحد ما طلع منها عربية موضوع مفيد اووووووووووووووى مكنتش اتخيل الاقيه
اتفضلو
http://www.arosworld.se/fiat/index.htm
بس ده ظبط موتور العربية نفسها لكن مفيد اوى فى تظبيط الباقى

اما بالنسبة للموتور فموتور ال 127 بيعد على العربية دى استاندرد من غير تعديل ودى الحاجة الى فاجئتنى بس طبعا على نفس الفتيس وهنا الخطوات بالتفصيل
الجزء الاول
http://www.arosworld.se/fiat/bildermotor900.htm
الجزء التانى
http://www.arosworld.se/fiat/bildermotor900sid2.htm

الجزئين دول وهم حتى لو حد عايز يعمر اى موتور هيشوفهم يتكيف

فالحمد لله لحد كده

بس فى مشكلة واحدة تعبانى رغم ان ال127 فى منها موتور اسبور بالتكيف 1300 سى سى
بس المشكلة ان الفتيس هيفضل زى ما هو وده هيضيع كتير من قوة الموتور نفسى الاقيلها حل

بالنسبة للموضوع الى انت حطهولى يا cars admire
انا شايف انه بيحط حاجة فى الكوبلن ومعرفش دى بتفيد فى ايه مفهمتش الصراحة
لو فاهم فهمنى ربنا يكرمك

وياترى موجودة هنا ولا لازم اشتريها من برا واشحنها

ومبقاش فاضلل كده الا مشكلة الفتيس قولو يا رب

المشاركة الأصلية كتبت بواسطة eslamafify شكرا cars admire على سرعة ردك بصو انا قفشت فى موضوع كويس وجارى البحث فى موضوع لتظبيط العربية خطوة خطوة بالصور من اول ما جابها عايزة الحرق لحد ما طلع منها عربية موضوع مفيد اووووووووووووووى مكنتش اتخيل الاقيه اتفضلو http://www.arosworld.se/fiat/index.htm بس ده ظبط موتور العربية نفسها لكن مفيد اوى فى تظبيط الباقى اما بالنسبة للموتور فموتور ال 127 بيعد على العربية دى استاندرد من غير تعديل ودى الحاجة الى فاجئتنى بس طبعا على نفس الفتيس وهنا الخطوات بالتفصيل الجزء الاول http://www.arosworld.se/fiat/bildermotor900.htm الجزء التانى http://www.arosworld.se/fiat/bildermotor900sid2.htm الجزئين دول وهم حتى لو حد عايز يعمر اى موتور هيشوفهم يتكيف فالحمد لله لحد كده بس فى مشكلة واحدة تعبانى رغم ان ال127 فى منها موتور اسبور بالتكيف 1300 سى سى بس المشكلة ان الفتيس هيفضل زى ما هو وده هيضيع كتير من قوة الموتور نفسى الاقيلها حل بالنسبة للموضوع الى انت حطهولى يا cars admire انا شايف انه بيحط حاجة فى الكوبلن ومعرفش دى بتفيد فى ايه مفهمتش الصراحة لو فاهم فهمنى ربنا يكرمك وياترى موجودة هنا ولا لازم اشتريها من برا واشحنها ومبقاش فاضلل كده الا مشكلة الفتيس قولو يا رب

يا رب يوفقك وربنا معاك !!
والف مبروك مقدما.