أدب الرحلات

[خالدخليفة]

الموقف ده طازة يارجالة لسه من النهاردة وأثاره لسه موجودة مخلصتش منها
واول الحكاية كنت النهاردة فى وادى النطرون بفرج زبون على قطعة أرض وعما ل بحكيله والارض دى تتزرع كده والبيرهيروى كده واحنا حفرناه مش عارف ايه وبعد م خلصنا كلام ووريته الورق والقصة دى كلها
روحنا نركب العربية وفوجئنا بمنظر عجيـــــــــــــــب











العربية كلها متغطية بطبقة من الذباب الكثيف والرهيب وبلا مبالغة حوالى ييجى 10 مليون ذبابة مثلا وحاولت امشيهم ودول ابداااااااا لازقين فى العربية وبفتح الشنطة اجيب اى حاجة امشيهم راح هاجم عليا 10 مليون زيهم (هههههههههه)روحت داخل جوه العربية لقيت السقف والكراسى عليهم طبقة رهيــــــــــــــــــبة من الذباب وتخيل نفسك بتركب عربيتك فى المنظر ده وطبعا الراجل بعد م كان ناوى يركب معايا علشان نتكلم فى المساحة اللى عايزها والسعر والتقسيط والكلام ده قال خلاص نكمل بكرة وانا هركب مع صاحبى (اللى كان جاى معاه)
وانا عملت حركة صعيدى روحت فاتح ابواب ا لعربية ال4 ومشيت فى الصحرا مسافة 2 كيلو على م خرجت على طريق العلمين لكن طار مثلا من ال30 مليون ذبابة 15 الف بس روحت واقف على الطريق الدولى وجبت الفرشة ام ايد طويلة اللى بيبعوها فى الاشارات دى وقعدت انفض مشيت حوالى مثلا 5 مليون والباقى غتت ويطير ويرجع واشغل المساحة اطيره من على الزجاج علشان اشوف الطريق وامشى بالعربية وانفض السقف ويطير شوية ويرجعو ويظهر ان الذباب زهق من كتر حركاتى معاه فهاجمونى وانا سايق واللى تدخل قفايا وانا ارزعها واضرب نفسى طبعا واللى تقف هيا وعيلتها على ايدى واللى تدخل جوه هدومى وهيا واصحابها وبقية الشارع وانا اتهريت ضرب ف كل حتة المهم وصلت محطة الغاز اللى هيا ورا بنزينة الامارات اللى فى اول الصحراوى ولفيت ودخلت امون والراجل شاف شكل العربية وصعق قال ايه الجيوش دى قلت له ده طار تلتينهم قال كمان ؟ وياعينى راح جاب فوطة وفضل ينش معايا طيرنا ييجى 15 مليون مثلا ( طبعا الارقام دى مبالغ فيها بس انا عايز اوصل لكم كمية الذباب اللى كانت جوه العربية ) المهم فضل حوالى 100 الف قعدو يغتتو عليا ويقرصونى ويزنو ف ودنى لحد موصلت البيت وروحت داخل جرى على البيت ولا احمد حسن بعد الجول اللى جابه فى نهائى افريقيا وجبت اطول انبوبة فليت لقيتها وروحت مفضيها فى العربية والشنطة ودخلت البيت خدت حماام سخن جدا فى هذا الحر وبالليفة والصابونة لازالة اثار العدوان وبينى وبينكو خايف انزل افتح العربية بكرة الصبح الاقيهم بيستقبلونى او الا قى جثث مغطية العربية وهتقرفنى فى تنضيفها طبعا انا بضحك دلوقت لكن ساعة الموقف وانا عمال الطش فى نفسى كان حاجة صعبة جدااااااااا

[lol64]

ههههههههههههههههههه موقف غريب جدا بس ياترى ايه السبب
على فكره دول اصحاب الارض اللى انت عايز تبيعها وبينتقموا منك هههههههه
حمد لله على السلامه ياخالد وكويس انك بخير

المشاركة الأصلية كتبت بواسطة خالدخليفة مرة كنت بشوف ارض فى منخفض القطارة ودى منطقة صحراء جرداء خلف مدينة العلمين ومشيت مسافة حوالى 150 كيلو فى مدق (طريق غير مرصوف ) المهم مشيت بسرعة اقصاها 20 كيلو وبعدين قلت لالالالالالالا مبدهاش روحت فاتح السرعة وصلت 120 وكانت النتيجة ان المقص بتاع النيسان انكسر وقلت اااااااااه ه ه ه ياتموت فى الصحرا يابو خالد يااما ربنا يبعت لك نجدة من عنده المهم لقيت عربية نص نقل محملة علب بلح من اللى بناكله فى رمضان ونزل منها واحد شكله غلط وقال فى ايه قلت له المقص مكسور فقال ..... تعالى اركب معايا وودانى مدينة الحمام وجاب لى ميكانيكى واخدنى ورجعنا فكينا المقص ولحمناه فى اسكندرية ورجعت تانى للميكانيكى اخدناه ورجعنا ركب المقص وقال عايز حاجة تاني قلت له متشكر يابلدينا تسلم الايادى وادى الميكانيكى حاجة ف ايده وقال له خلى بالك من الراجل د ه ومشى وقبل ميمشى سالته هو ده بلح سيوة فبص لى من فوق لتحت وسابنى ومشى وقال انا كفاية عليا كده لانى اتاخرت ومفهمتش معنى الكلمة المهم الميكانيكى بعد م خلص تركيب المقص ركب معايا ووصلته ورشته فقال الراجل ده قريبك ؟ قلت له انا قابلته هنا فى الصحرا فقال متعرفوش فقلت لا فقال ولا تعرف بيشتغل ايه فقلت لا لكن غالبا تاجر عجوة العربية مليانة عجوه فضحك وقال بسخرية عجوة ؟؟ ههأأأأو ده تاجر مخدرات واللى كان على العربية ده مخدرات وغالبا حشيش لان دى علب الحشيش وهو ادانى حتة حشيش بس حاجة نضيفة فضحكت وقلت الحشيش حاجة نضيفة؟ فقال اقصد انه ماركة كويسه لسه طازة ملعبوش فيه يقصد محصلش خلط بحاجات تانية زى القش والبن وحاجات كده قعد يشرحها ييجى ربع ساعة لدرجة انى شكيت انه يكون ميكانيكى وبمناسبة المخدرات ركبت قطار رقم 2 و ده قطار عادى بيقوم من اسكندرية 3 صباحا وغالبية ركابه موظفين او طلبة فى القاهرة ومفروض معاده يوصل مصر الساعة 6 ونص الصبح ولكن فى ايام منصور وزير النقل بقيت اشوف عجايب الاقى السواق بيكلم القاهرة يسالهم آجى امتى فيردو تعالى 8 او تعالى 7 ونص رغم ان معاده 6 ونص المهم فى يوم كنت جاى من مطروح وكان شتا مفيش مواصلات مباشرة للقاهرة فركبت لاسكندرية ومن هناك لقيت القطار ده ولاحظت ملحوظة غريبة القطار كله زحمة جدداااااااا لدرجة ان الناس هتقطع بعض وواقفين فوق بعض والعربية الاخيرة فاضية ومحدش جه ناحيتها استغربت جدا فروحت راكب العربية الاخيرة ولقيت شوية بنى أدمين شكلهم غلط قلت اااااااه ه ه ه دول شكلهم مجموعة جنايات متنقلة واللى زود شكوكى اكتر ان الكمسارى مفروض ييجى بعد سيدى جابر ده جه قبل القطار ميطلع من اسكندرية وبص لى وقال انت قاعد هنا ليه وامسك شنطتك فى ايدك (وكانت شنطة جلد طبيعة فاخرة) نت فاكر نفسك فين ثم دول مش بنى آدمين اصلا والتانيين ردو عليه تشكر ياااااااعســــــــل فقلت آآآه ه ده ايه فيلم الأكشن اللى وقعنا فيه ده شوية والعيال دول جابو كوباية ( كانت اول مرة اشوف الحكاية دى) وجابو مسمار ولفو عليه حاجة وولعو المسمار وطفو النار وخلوه يطلع دخان زى البخور كده وغطو الكوباية بورق الومنيوم وخرموه فوتو منه المسمار جوه الكوبايه وخلو راس المسمار تقفل مكان الخرم واستنو لما اتملت دخان وبعد كده خرمو الغطا الالومنيو م وقعدو يشدو الدخان المهم واحد فيهم لاحظ انى عمال اتفرج باهتمام فقال فى حاجة قلت له بتفرج قال بتتفرج على ايه هو سيرك شغال قلت له اول مرة اشوف الحكاية دى فقال انت متعرفش الحشيش فقلت لا فبص لى باستغراب قال ولا دى وطلع حاجة زى قرطاس اللب بس على صغير فقلت ايه ده فقال انت متعرفش البانجو فقلت اسمع عنه بس فاستغرب جدا وبص لى على انى من كوكب تانى المهم الحشيش ده له تأثير غريب جداااا انا فوجئت بيهم بعد م شدو الدخان بقو يضحكو ضحك هيستيرى وفجأة انقلبو على بعض وسحبو على بعض المطاوى وانا العرق الصعيدى اشتغل وقمت احوش بينهم وصلو ع النبى ياجماعة المهم واحد منهم قال سيبك منهم ده تأثير الحشيش وهيرجعو تانى وفعلا مفيش دقيقتين واتصالحو وبقو يضحكو ضحك هيستيرى تانى المهم الزعيم بتاعهم لما شافنى بحوش رغم المطاوى فاستجدعنى وعزم عليا بسيجارة فقلت مبدخنش قال دى محشية جااامد جاااامد اى واحد من الكلاب دول يتمناها فقلت له مليش فيها فقال طب خليكى فى الخفيف وطلع سيجارة البانجو قلت ولا دى فبص كده وقال ايه ده ياباشا لاسجاير ولابانجو ولاحشيش اومال بتتكيف ازاى فقلت له هو لازم كيف يعنى قال ياباشا فى حكمة بتقول راس بلا كيف عايزة ضرب السيف فقلت لاياشيخ و دى مين قالها فقال واحد مسطول هاهاهاهاها وقعد يضحك فانا ضحكت على تعليقه فقال اومال بتشرب ايه اوعى تقوللى بشرب اللبن الصبح فقلت فعلا انا فطارى عبارة عن كوباية لبن او طبق بليلة فبصلى بسخرية وقال بليلة ؟؟ ههأأو أو أو و بص لزمايله وقال وسلام كبير ااوووووىىى للبليلة ولقيتهم غنو وقالو ياحبيبى تعالى بالعجل اه ياروحى تعالى بالعجل هيييييييييييييييه قلت بس بااظت بصيت لقيت الزعيم بص لى بعد سلام البليلة مع انى مش عارف علاقة الغنوة دى بالبليلة وقال /انت رجل جدع وعلشان خاطرك مش هنقلب العربية دى يالا يارجالة قلبو القطر ماعدا العربية دى علشان دمنهور قربت وفعلا نزلو كلهم دمنهور بعد م نشلو حاجات كتير من الركاب وواضح انهم معروفين فى القطار ده لان بعد دمنهور العربية دى اتزحمت جداااااااااااااااا وكانت رحلة م يعلم بيها الا ربنا

وحياتك عندي يا خلوده عرق الصعايده ده هيوديك في داهيه طيب مخدتش منه علبة بلح ليه لزوم المزاج ههههههههههههههههههههههههه ههههههههههه

وانتا بقا بات مان بتاع مصر سايبلي القطر ورايح تقعد معاهم وكمان بتقولهم انك عامل دماغ بليلة ههههههههههههههههههههههههه هههههههههههههه

والله انتا هتتسبب برفدي من الشركة انا قلبي حاسس كدا

المشاركة الأصلية كتبت بواسطة خالدخليفة الموقف ده طازة يارجالة لسه من النهاردة وأثاره لسه موجودة مخلصتش منها واول الحكاية كنت النهاردة فى وادى النطرون بفرج زبون على قطعة أرض وعما ل بحكيله والارض دى تتزرع كده والبيرهيروى كده واحنا حفرناه مش عارف ايه وبعد م خلصنا كلام ووريته الورق والقصة دى كلها روحنا نركب العربية وفوجئنا بمنظر عجيـــــــــــــــب العربية كلها متغطية بطبقة من الذباب الكثيف والرهيب وبلا مبالغة حوالى ييجى 10 مليون ذبابة مثلا وحاولت امشيهم ودول ابداااااااا لازقين فى العربية وبفتح الشنطة اجيب اى حاجة امشيهم راح هاجم عليا 10 مليون زيهم (هههههههههه)روحت داخل جوه العربية لقيت السقف والكراسى عليهم طبقة رهيــــــــــــــــــبة من الذباب وتخيل نفسك بتركب عربيتك فى المنظر ده وطبعا الراجل بعد م كان ناوى يركب معايا علشان نتكلم فى المساحة اللى عايزها والسعر والتقسيط والكلام ده قال خلاص نكمل بكرة وانا هركب مع صاحبى (اللى كان جاى معاه) وانا عملت حركة صعيدى روحت فاتح ابواب ا لعربية ال4 ومشيت فى الصحرا مسافة 2 كيلو على م خرجت على طريق العلمين لكن طار مثلا من ال30 مليون ذبابة 15 الف بس روحت واقف على الطريق الدولى وجبت الفرشة ام ايد طويلة اللى بيبعوها فى الاشارات دى وقعدت انفض مشيت حوالى مثلا 5 مليون والباقى غتت ويطير ويرجع واشغل المساحة اطيره من على الزجاج علشان اشوف الطريق وامشى بالعربية وانفض السقف ويطير شوية ويرجعو ويظهر ان الذباب زهق من كتر حركاتى معاه فهاجمونى وانا سايق واللى تدخل قفايا وانا ارزعها واضرب نفسى طبعا واللى تقف هيا وعيلتها على ايدى واللى تدخل جوه هدومى وهيا واصحابها وبقية الشارع وانا اتهريت ضرب ف كل حتة المهم وصلت محطة الغاز اللى هيا ورا بنزينة الامارات اللى فى اول الصحراوى ولفيت ودخلت امون والراجل شاف شكل العربية وصعق قال ايه الجيوش دى قلت له ده طار تلتينهم قال كمان ؟ وياعينى راح جاب فوطة وفضل ينش معايا طيرنا ييجى 15 مليون مثلا ( طبعا الارقام دى مبالغ فيها بس انا عايز اوصل لكم كمية الذباب اللى كانت جوه العربية ) المهم فضل حوالى 100 الف قعدو يغتتو عليا ويقرصونى ويزنو ف ودنى لحد موصلت البيت وروحت داخل جرى على البيت ولا احمد حسن بعد الجول اللى جابه فى نهائى افريقيا وجبت اطول انبوبة فليت لقيتها وروحت مفضيها فى العربية والشنطة ودخلت البيت خدت حماام سخن جدا فى هذا الحر وبالليفة والصابونة لازالة اثار العدوان وبينى وبينكو خايف انزل افتح العربية بكرة الصبح الاقيهم بيستقبلونى او الا قى جثث مغطية العربية وهتقرفنى فى تنضيفها طبعا انا بضحك دلوقت لكن ساعة الموقف وانا عمال الطش فى نفسى كان حاجة صعبة جدااااااااا

ههههههههههههههههههههههههه ههههههههههههههههههههههههه ههههههههههههههههههههه
ههههههههههههههههههههههههه ههههههههههههههههههههههههه ههههههههههههههههههههههه
ههههههههههههههههههههههههه ههههههههههههههههههههههههه ههههههههههههههههههه
ههههههههههههههههههههههههه ههههههههههههههههههههههههه هههههههههههههههه


والله انا خلاص المدير عندي بيحضرلي استماره 6 من جوه

ايه يا عم ده اكيد حد من اللي انتا عمال بتاذيهم بمواضيعك من كتر الضحك دعي عليك


لعلمك ده اكيد اتلم من العسل اللي راكب العربية يا جميل وهو انتا يا خلوده ههههههههههههههههههههههههه هههههههههه

حبيب قلبي والله كل يوم بتصعب عليا اكتر

ولا الحكومه عتقاك ولا حتي الدبان انتا تاخد كهف ايجار جديد وتعيش بقية حياتك فيه

ههههههههههههههههههههههههه هههههههه

[sad-bird]

المشاركة الأصلية كتبت بواسطة corsair ههههههههههههههههههههههههه ههههههههههههههههههههههههه ههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههه ههههههههههههههههههههههههه ههههههههههههههههههههههههه هههههههههههههههه والله انا خلاص المدير عندي بيحضرلي استماره 6 من جوه ايه يا عم ده اكيد حد من اللي انتا عمال بتاذيهم بمواضيعك من كتر الضحك دعي عليك لعلمك ده اكيد اتلم من العسل اللي راكب العربية يا جميل وهو انتا يا خلوده ههههههههههههههههههههههههه هههههههههه حبيب قلبي والله كل يوم بتصعب عليا اكتر ولا الحكومه عتقاك ولا حتي الدبان انتا تاخد كهف ايجار جديد وتعيش بقية حياتك فيه ههههههههههههههههههههههههه هههههههه

والله انا فطست على روحي من الضحك من كتر المواقف دي كلها
مش عاوز اقلك انا عندي اكتئاب بقالي فترة واناضد استعمال اي ادوية في الموضوع ده واول مرة اضحك من زماااااااااااااااان

بس على رأي كورسير ايه كل اللي بيحصل معاك ده
كأن الدنيا سابت كل البشرية ومسكت فيك انت

انا محب للسفر زيك كده كمان
وكتير كنت اتمنى اني اكون في اي شغل يسمحلي بالسفر كتير
لكن محصلش معايا 1 على 100 من اللي حصل معاك
حتى مواقفنا كانت بتحصل في معسكرات او رحلات

دي اول مشاركة ليا واتمنى ان يكون فيها واحد على 100 من الضحك اللي اديتهولنا

في فترة الجامعة انا كنت بطلع رحلات ومعسكرات كتير وكنا في مرة في معرض في بورسعيد 5 ايام ، وانا عادة ملا بكون في رحلة او حاجة برة البيت مبنمش علشان المقالب والحاجت اللي بتحصل فيها وبطبيعة الحال بما اني مش هنام مش بخلي حد ينااااااااااااااااااااااا ااام ( دي خبرة اكتسبتها في معاسكرات الجوالة لكن المعرض ده كان خاص بنادي العلوم) المجموعة اللي كانت معايا كانو كلهم هاديين ومحترمين مفيش حد فيهم يعرف الاعيب الشياطين والعفاريت
المهم علشان مطولش عليكم
المعرض كان 5 ايام ، انا منمتش ومخلتش حد من الشباب ينام المشرفين ملناش دعوة بيهم ، اخر يوم المفروض ان فيه تسليم جوايز من رئيس الجامعة وشهادات تقدير للناس المشاركة الناس عاوزة تانام
وانا ابدا
وصلنا للساعه 5 فجرا عاوزين ننام وانا ابداااااااااااااااا مستحيل
اللي هينام فيكم هولع فيه المهم اخر ما زهقوا راحو مشغلين افلام كرتون توم وجيري وحاجات زي كده ( صباح الهيافة ) وكملنا اليوم واحنا بنزهر قلنا احنا كده هنطلع على المنصة قدام رئيس الجامعة ونقله مساء الخيييييييييييييييييييييي يير وششد يا باشا ( بنمد صوابعنا بالشبر كأننا بنحشش تخيلوا المنظر ) احنا بنقول كده بهزااااار
الصبح كان فيه واحد من المجموعة اللي معانا كان اسمه احمد مش متعود على السهر خالص ولا البهدله والتعليق كان لزق معاه وطبعا مفيش نوم ، كلنا طالعين نسلم على رئيس الجامعة وعنينا حمرا ووشنا باين عليه الارهاق ( الارهاق في حالات عدم النوم بيكون كان واحد حشاش اصيييييييييييل) عم احمد بقى
طالع على المنصة
ومش قادر يمسك نفسه من الضحك وعمال يعمل بايده زي مكنا بنعمل ومساء الخيييييييييييييييييييييي ييييير
المهم ربنا ستر ولحقنا قبل ما يطلع السلم واحد سحبه لورا وطلع هو بداله يستلم حاجته
ومن يومها مفيش حد يطلع معايا في مكان الا لازم ياخد حرصه هتودينا في داهية بعد كده

[خالدخليفة]

المشاركة الأصلية كتبت بواسطة lol64 ههههههههههههههههههه موقف غريب جدا بس ياترى ايه السبب على فكره دول اصحاب الارض اللى انت عايز تبيعها وبينتقموا منك هههههههه حمد لله على السلامه ياخالد وكويس انك بخير

ياعم العقد اللى انا مشترى بيه موقع عليه نص مليون ذبابة من دول ههههههههههههههه