|
مقارنات لمساعدة الأعضاء فى المفاضلة بين الأنواع المختلفة من السيارات |
|
أدوات الموضوع |
#1
|
|||
|
|||
انا محتار جدا جدا وارجو مساعدتى
السلام عليكم ورحمة الله وبركاته وكل عام وانتم بخير
انا صديق جديد فى المنتدى وبصراحة المنتدى عجبنى جدا واتمنا ان تقبلونى صديق لكم انا فى حيرة كبيرة جدا ، لانى بعت سيارتى وكانت هيونداى أكسنت موديل 99 ولى شهر تقريبا وعايز اشترى سيارة جديدة ولكن مش قادر اقرر اجيب ايه بالضبط احتياجاتى أن تكون سيارة واسعة لحد ما علشان عدد الاسرة محتاج لسيارة صالونها واسع وعايز تكون فى حدود 100 الف جنية ، وياريت تفيدونوا ايه احسن عربية فى الانواع التالية واذا كان هناك نوع اخر افضل ياريت تنصحونى به كيا سيراتو ولا كارنيز - شفرليه كروز - الينترا - لانسر ولكم جميعا جزيل الشكر اخوكم أبو زياد |
#2
|
رد: انا محتار جدا جدا وارجو مساعدتى
اهلا و سهلا بيك يا ابو زياد معانا في مصر موتورز
بصراحه العربيات اللي انت مختارها كلها عربيات كويسه شوف انت ترتاح في ايه لو حتجيب اتوماتيك يبقي افضل اي حاجه ياباني اينعم الكوري حلو لكن لسه ما بقاش زي الياباني. مش معني كلامي ان الاتوماتيك في الكوري وحش لكن الياباني افضل انما لو حتجيب مانيوال عندك كل العربيات كويسه . بالنسبه للافضليه انا شايف السوق كله رايح ناحيه السيراتو و الكروز حتاخد مكان كويس شكلها بدأ ينتشر اللانسر لو قصدك علي الشكل القديم فخلاص بقي موضوه قديمه رغم انه مطلوب في المستعمل بكثره و مش بيخسر كتير. بالنسبه للالينترا فهيا نفسها السيراتو كشاسيه و قاعده عجلات و بالتالي السيراتو افضل كشكل و اجدد كمان انا لو بختار بصراحه حفكر في الاتي: اللانسر لو الشكل الجديد حتبقي اول اختياراتي( خد بالك شنطتها ضيقه شويه و الكنبه برضه و تجميعها بطئ شويه بس افخم عربيه في المجموعه) الكيا سيراتو الاختيار التاني الشيفروليه كروز الاختيار التالت(اوسع عربيه في المجموعه) و عربيه متينه فعلا بس كشكل السيراتو احلي الكيا الكارينز لسه مالهاش معالم في السوق و يا تري السوق حيقبلها او يرفضها الهيونداي النترا الاختيار الرابع(هيا السيراتو) بس انا مش بحب الخطوط الدائريه بفضل الخطوط الحاده و عموما اي عربيه من المجموعه دي مش حتندم من اختيارها و كلها مع توكيلات محترمه و تقفيلها تقفيل بلد المنشأ مش مصري يعني توقع افضل شئ
__________________
حـازم خـضـر
|
#3
|
|||
|
|||
رد: انا محتار جدا جدا وارجو مساعدتى
الف شكر ياأستاذ حازم على الرد الجميل ده
ولكن اتمنى ان تحدد لى نوع او ترتبهم حسب الاولوية من كل شئ والف شكر لك |
#4
|
رد: انا محتار جدا جدا وارجو مساعدتى
العفو يا ابو زياد
من حيث الاعتماديه فاللانسر في اول الصف حتي ولو بفارق بسيط عن باقي السيارات و تتساوي كلا من الالنترا و السيراتو و الكروز. من حيث الشكل فالسيراتو تكتسح الجميع من حيث المتانه فمتهيألي الكروز امتن عربيه !! انا مركبتهاش غير في المعارض بس احساسي بيقول ان العربيه دي صلبه و فيها روح عربيات زمان انا لو بشتري بين العربيات دي حبقي في نفس حيرتك فعلا لكن ححاول اختار بعقلي و قلبي اللانسر لو 1300 يبقي حبعد عنها لان موتورها ضعيف و لكن لو 1600 ممكن افكر فيها. السيراتو مممم بصراحه شكلها عاجبني و كمان قطع غيارها الداخليه كالسيور و التيل و ما الي ذلك متوفر في الاسواق نظرا لمطباقتها مع الالنترا و بالتالي مش حلاقي مشكله اني اعمل حاجات بسيطه بره التوكيل. (لو بتشتري اي قطعه هيونداي بتلاقي علي العلبه مكتوب هيونداي و كيا) الكروز برضه عربيه جديده و حلوه و ليها رهبه و ممتعه للنظر لانها لسه جديده وما يقال عن الالنترا يقال عن السيراتو. شوف انت متطلباتك ايه من العربيه و مدي مشاويرك و عدد الاسره و ناوي تبيع كمان كام سنه و ربنا يسهل نقدر نساعدك. و سلامي لزياد
__________________
حـازم خـضـر
|
#5
|
||||
|
||||
رد: انا محتار جدا جدا وارجو مساعدتى
السلام عليكم ورحمة الله وبركاته
مفيش كلام يتقال بعد اللى حازم باشا قالو خلاص خلص الكلام
__________________
إنا لله وإنا إليه راجعون (يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً) لن أنساك أبدا رحمك الله يا أخى (خالد خليفة) أرجو منكم قراءة الفاتحة
|
|
|