شرخ فى الرفرف اليمين لل 128بالصور

[mr_astra]

المشاركة الأصلية كتبت بواسطة ahmed_eng2001 ربنا يباركلك .... هو ده الكلام الى من الاخر ... حضرتك كنت فين من زمان انا متابع اعرف اكتر عن موضوع الشاسيه الى بيفتح ده

والله انا متواجد باستمرار صبح وباليل
ولقد قرات مشكلة اخونا الكريم مؤمن من اول ما حط الموضوع .....لكن للاسف الاستاذ مؤمن بيزعل لما بقولة العربية فيها مشكلة
كان من فترة لة مشاركة بيشكو من عيب معين فى العربية .... وبحسن نية منى قلتلة ان معظم الـ 128 كدة تملى بتمر بمشاكل
وانا والله كنت حسن النية ومقصدش اى حاجة
لكن حسيت انة زعل منى
وانا والله اتمنى انى اكون غلطان فى تشخيصى للمشكلة
لكن قلت ادخل اقول راى ورزقى على الله

انا متابع اعرف اكتر عن موضوع الشاسيه الى بيفتح ده

الـ 128 مشهورة جدا بفتح الشاسية نتيجة المطبات ولضعف شاسية العربية بيفتح
وتملى تلاقى شرخ فى اعلى الرفرف وشرخ اسفل برابريز الامامى وشروخات كتير عند مكان تثبيت المقص فى الشاسية
مفروض المقاس الطبيعى بين مسمارين المساعدين 99.5 سم
اكبر من كدة يبقى الشاسية دة مفتوح من فوق وبالتالى بيدى مقاس اكبر
واقل من كدة يبقى الشاسية مفتوح من تحت ولامم من فوق وبالتالى بيدى مقاس اقل
وتملك تلاقى الابواب مش بتقفل طبيعى نتيجة الشروخات اللى فى القوايم اللى متثبت فيها مفصلات الباب
لو فتحت باب السائق تحديدا وحركة لفوق هتلاقى الربع الامامى للعربية بالكامل بيتحرك مع شد الباب لفوق
والرخامة بقى انك عشان تعمل شروخات اللى تحت البرابريز لازم تفك الطابلوة بالكامل ....وتيجى تركبة تلاقى كل المسامير مقطمة ومش نافعة
يا راجل دة انت لو دوست فرامل وبصيت على الحوض هتلاقى ماستر الفرامل بيحرك الشاسية بالكامل لبرة

فعلا عربية ضعيفة اوى
ومش عاوزك تزعل انا اشترتها 5 مرات فى حياتى

طب لو حبينا نعالج الشاسية
فى كذا طريقة وانا من وجهه نظرى ان كلهم فاشلين
لو عملنا شداد بالعرض بين البطختين
طبعا بيكون خامة الشداد من الحديد القوى واللى اقوى بكتير من الكرتيرة
وبالتالى مع المطبات رد فعل المطب كولة بيروح للنقطة الضعيفة اللى هى الكرتيرة وتلاقيها بتشرخ اكتر من عدم وجود الشداد
تقدر تقول ان الكرتيرة بتعمل سوستة مع المطبات انما لو عملنا شداد !!!!!! كول الخبط على الكرتيرة

وناس بقى تحط رصاص وكلام انا شايفة مش مؤثر ولا بينفع

[momen_bondok]

ربنا يبارك فيكم جميعا
ويا مستر استرا انا عمرى ما ازعل منك انت اخى هل يوجد اخ يزعل لما اخوة ينصحة بارك الله فيك
انا اليوم جبت المقاس ما بين المسمارين وكانت النتيجة 97 سم
فماذا يعنى ذلك

[mr_astra]

والله يا اخ مؤمن
انا مرتبط وجدانياً باشخاص معينة فى المنتدى
حضرتك منهم

المقاس دة مش وحش على فكرة ....او تقدر تقول فى رانج الامان
حضرتك يا اخ مؤمن حاطط ورد تخينة بين الكبالن الخارجية وبين السورة؟
اعتقد انك حاطط وردة فى كل كوبلن
لان كدة الشاسية مفتوح من تحت سنة بسيطة

لكن زى ما قلنا فى رنج الامان وانا لو منك مش هاعمل حاجة

[momen_bondok]

المشاركة الأصلية كتبت بواسطة mr_astra والله يا اخ مؤمن انا مرتبط وجدانياً باشخاص معينة فى المنتدى حضرتك منهم المقاس دة مش وحش على فكرة ....او تقدر تقول فى رانج الامان حضرتك يا اخ مؤمن حاطط ورد تخينة بين الكبالن الخارجية وبين السورة؟ اعتقد انك حاطط وردة فى كل كوبلن لان كدة الشاسية مفتوح من تحت سنة بسيطة لكن زى ما قلنا فى رنج الامان وانا لو منك مش هاعمل حاجة

ربنا يبارك فيك مستر استرا وجزاك الله خيرا على حُسن الظن بي واشهد الله إنى بحبك فى الله
وبخصوص الوردة انا مش عارف حضرتك بتتكلم على اى مكان فى العربية يعنى اية الكبالن الخارجية والسورة
يعنى تنصحنى انى اسيب العربية كدة ما اعملش فيها شىء

[mr_astra]

سبها مع متابعة الشرخ اللى فى الرفرف او اى شرخ اخر