يا من يركب الصينى كيف ترى نفسك ؟ ... و كيف يراك الناس ؟

[mohamedkamel8677]

الخوف كله عندى كان من نظرة الناس فى المجتمع ليا
لية المجتمع بتاعنا بيحكم على المظهر مش الجوهر؟؟؟ اعتقد ان من اسباب تاخرنا فى مصر ان احنا عاوزين نبقى زى ما الناس عاوزانا مش زى ما احنا عاوزين نفسنا
انا بحييك على تمردك على على هذا الفكر الخاطئ و لا تشغل نفسك بالرد على الناس من النقد المباشر فإن فعلت سيتوجب عليك ان تترك عملك و هواياتك و تعكر صفو حياتك للتفرغ للرد عليهم فتخسر مالك و تخسر سلامك مع نفسك
عش حياتك مع السيارة التى اعجبتك فإقتنيتها لانك اردت ذلك و سافر معها بكل حب و استشعر الاحساس بأنك تملكت ما تريد
كن نفسك و لا تكن كما يريد الآخرين
هذا احد اكبر اسرار النجاح

[شريف عبد السلام 1982]

السيارات الصيني جميله جدا جدا و الي يحكم يكون مجرب و الراجل الي معاه الميكروباص احنا عارفين سواقين الميكروباص التويوتا مابتعش معاه

[د.كمال]

بصراحه قبل شراء سيارتى الجاك شفت عربيات كتيره غير الصينى ومعجبتنيش ..........يعنى الفيرنا مثلا مع اصحابى وبيشتكوا من انها بتحك فى اى مطب وحزرونى منها والانوس موديل يعتبر قديم وراحت عليه والاكسنت كنزه وديقه واللوجان قطع غيارها نار والتوكيل والصيانه كذلك وماتورها صوته عالى وسخونيه فى الدواسات (ده كله رأى أصحابى فى عربياتهم المذكوره سابقا)......طب أجيب ايه فى نفس الفئه والمبلغ.........بدأت اشوف العربيات الصينى ....... وبصراحه اعجبت بيها جدا عربيات واسعه وعاليه وكماليات كتير .....وبدأت أسأل الناس اللى راكبه الصينى ومعهم عربيات من سنتين وثلاثه ذى الاسبرانزا والجيلى والbyd ولئيتهم بيشكروا فيهم جداا بل فى منهم من كان يركب لانوس وكليو واشتروا الصينى وبيعتبروه احسن من اللى كانوا راكبينه........بدأت افكر فى الصينى وبعد طول تفكير قررت اشترى عربيه صينى واشتريت الجاكb15 وكان قرار صائب ومهمنيش كلام الناس خالص ولا حطيت له اى اعتبار ......ودلوقتى كل الناس اللى بتشفوفها معجبه بيها وبيوقفونى وهاتك اسئله وحتى زملائى معاهم عربيات اعلا منها فى الثمن بكتير جدا لما ركبوها معايا للتجربه أكدوا لى انها لا تقل عن عربياتهم فى شيء