النسر فارتا بطارية اكتر من سيئة و خدمة عملاء اكتر من منحطة

[MmFFoR]

من رأيي ان مفيش حد يشتري النسر! مالها الكلورايد! احدث و اقوى

[اسد]

مافيش كلورايد دلوقتى معلوماتى ان اتوقف انتاجها

[maka]

المشاركة الأصلية كتبت بواسطة اسد حصل معايا نفس الفيلم وعرفت ان فى تربيطات بين الوكيل والمحلات لان بطاريات النسر بقت كلها بايظة لذلك اتفق الوكيل مع المحلات التعبانة زى المحل التعبان اللى انا اشتريت منه فى شارع دمنهور بميدان الجامع فى مصر الجديدة ايه الاتفاق ؟ الوكيل يبيع للمحل بتخفيض كبير لتصريف الانتاج اللى بقى كله بايظ مقابل ان البطاريات البايظة لايستلمها المحل وانما يبعت الزبون للوكيل يقوم الوكيل يستلم الزبون ويدفعه فى حدود ال 100 جنيه عشان يعوض التخفيض اللى خده المحل ويلبس الزبون بطارية جديدة بايظة وياخد منه كمان 100 جنيه والبطارية تبوظ بعد شوية ويتكرر الموضوع وبكدة الكل كسبان جدا على حساب الزبون اللى هيفضل يدفع كل 6 شهور 100 جنيه ويضمن الوكيل انه هيفضل يحلب فى الزبون تحت وهم ان البطارية فى الضمان الحل للى اشترى النسر يعتبرها بدون ضمان ولما تبوظ احسن له يشترى بطارية كورى جافة ب 300 جنيه ويبيع النسر ب 50 جنيه يبقى كسب بطارية جافة مستوردة ب 250 جنيه تعيش معاه 3 سنين على الاقل مادام البلد كلها بقت مافيا وملهاش كبير

يا خبر

ده شغل يهود و ما استبعدش حاجة عنهم علشان اسلوبهم ملتوي و هدفهم شفط جيب الزبون و بس

و المحلات اللى بتساعدهم بالشكل ده بتخسر زبون لان محلات البطاريات على قفا من يشيل و اسعارهم متقاربة

[maka]

المشاركة الأصلية كتبت بواسطة mmffor من رأيي ان مفيش حد يشتري النسر! مالها الكلورايد! احدث و اقوى

+1

المشاركة الأصلية كتبت بواسطة اسد مافيش كلورايد دلوقتى معلوماتى ان اتوقف انتاجها

لا موجودة يا باشا و مليئة السوق و الفرق بينها و بين النسر ان كلورايد قطاع خاصة و بتطور نفسها كل فترة اما النسر فحكومة محلك سر و كمان بتبقى بايظة

[اسد]

لا موجودة يا باشا و مليئة السوق و الفرق بينها و بين النسر ان كلورايد قطاع خاصة و بتطور نفسها كل فترة اما النسر فحكومة محلك سر و كمان بتبقى بايظة


لما جيت اشترى لفيت على الكلورايد والنسر لانى كنت دايما باستعملهم وكان اقل مدة لهم معايا 3 سنوات فلم اجد الكلورايد وقالولى المصنع قفل والمحلات المحترمة حذرونى من شراء النسر وقالوا ان كلها بايظة دلوقت المهم لقيت المحل التعبان اللى قلتلكم عليه عنده كام واحدة نسر فاشتريت واحدة وحصل اللى حصل وعرفت موضوع التربيطات اياها وكنت من سنة ونص اشتريت واحدة كورى جافة لسيارة اخرى ماشاء الله ماشية معايا زى الفل لغاية دلوقت والحمد لله
الخلاصة
اولا انك لوكنت وجدت الكلورايد يبقى انت اللى صح وياريت تبقى تقولنا سعر ال 55 امبير بكام وشكرا لك
ثانيا ان المحل اللى تلاقى فيه بطارية نسر تعرف انه محل غير محترم ومستعد يبيعك فى اول فرصة مقابل جنيهات معدودة
ولله الامر من قبل ومن بعد