أذكروا محاسن عمر سليمان .... وعجبي

[sherifabden]

اولا يا جماعة لازم نتفق على حاجات
1/ اذكروا محاسن موتاكم
لما راس الكفر ابو جهل قتل في غزوة بدر هل في مسلم شتمه او لعنه او عمل اي حاجة من دي ؟؟
فما بالك بالمسلم الذي يسب ويشتم رجل مسلم مثله ؟؟؟
2/ احترام الكبير
الراجل دا في سن ابوكم يعني ما ينفعش اي حد يشتم فيه او اي كلام من دا قال الرسول صلى الله عليه وسلم : ليس منا من لا يوقر كبيرنا ويعطف على صغيرنا
3/ الشهر المبارك رمضان
طبعا عمر سليمان ـ الله يرحمه ـ توفي في اول يوم في رمضان والرسول صلى الله عليه وسلم قال حديثا شريفا فيما معناه ان ابواب النار تغلق في رمضان
واصلا حكاية الجنة والنار امور غيبية لا يعلمها الا الله عز وجل
4/ الغيبة والنميمة
يقول المولى عز وجل في كتابه العزيز " ولا يغتب بعضكم بعضا ايحب احدكم ان ياكل لحم اخيه ميتا فكرهتموه"
وطبعا كلمة "اخيه" تطلق على اخوك في الاسلام وهي الاخوة الحق
وثانيا تعالوا هنا
هل في حد هنا في قسم الثورة جاب سيرة عمر سليمان - رحمه الله - اثناء حياته ؟؟؟؟
لو قلت نعم يبقا اكيد قليل
وطبعا لو قلتوا لا يبقا احنا بنحب نجيب في سيرة الناس مش اثناء حياتهم
لأ اثناء موتهم
وياريت الكلام دا كله صحيح
100% من الكلام دا كله خاطئ تماما
وبدل ما انتوا شغالين تشتموا على واحد مصري زييكم
هل قعدتوا تعملوا كده في عدو ليكم
زي الاسرائيليين والامريكان لعنهم الله ؟؟؟
لا حول ولا قوة الا بالله
ورمضان كريم

[الهولندى الطائر]

المشاركة الأصلية كتبت بواسطة الهولندى الطائر معلومات قيمة جدا عن حادثة الطيارة فعلا احب أضيف معلومة بسيطة تحل اللغز كله الطائرة المصرية استهدفت وكلامكم هنا تاكيد على ده أحب أعرف لحضراتكم السر الخفى واللغز المدفون أباح به القذافى لان المخابرات الليبية واى جهاز مخابرات فى العالم بيبقى عارف حاجات كثير عن الاجهزة الاخرى استهداف الطائرة كان رد على عملية نفذتها المخابرات المصرية فى كندا وتم فيها استهداف 12 خبير وضابط اسرائيلى فى عملية خاصة العملية نفذتها المخابرات المصرية وبدت كانها انهيار جليدى اودى بحياتهم لكن الخيوط تكشفت بعد ذلك انها عملية مدبرة وبالتالى الغباء فى المخابرات المصرية اعتبرت انها خارج المسألة وان التوصل للفاعل لاعلاقة له بمصر او بغيره لكن ديل السمكة اتكشف وعرف الصهاينة خيوط توصل على شخص يشتبه فى كونه عميل للمخابرات المصرية وجائت حادثة الطائرة تكشف عن حاجتين الاولى عدم توقع ان تأتى الضربة بهذه السرعة والحاجة الثانية ان ياتى رد بهذه الجرأة بهذا الانتقام والتفجير تم عن طريق طائرة مقاتله ولا علاقة للمسألة بالصدفة ولا باعطال ولا خلافه القذافى قال السر ده قبل موته بفترة طويلة للمقربين منه وكده عملية قصاد عملية تبقى المسألة سويت ويتقفل الملف لان اللى هينخرب فيه هيفتح على نفسه فاتحه علشان كده قالوا ده عطل والسلام والامريكان طبعا عارفين والاجهزة العالية كلها عارفة وفى النهاية شهداء الطائرة - نحسبهم فى جنات الخلد ولا نزكى على الله احد توته توته خلصت الحدوته

المصدر

بكل امانه

شخصية عملت فى القنصلية المصرية بليبيا مدة كبيرة وحاليا متقاعد
وهذه المعلومة عرفتها من صديقى اللى هو ابنه الكبير

ولتحرى الموضوعية

ما نشرته هنا يحتمل الصواب ويحتمل الخطا
اعتمادا على مصدر تسريب المعلومة فى الجهاز المخابراتى الليبى
والذى بدوره وصل الى صديقى

والله اعلم

[ahmed_eng2001]

المشاركة الأصلية كتبت بواسطة الهولندى الطائر معلومات قيمة جدا عن حادثة الطيارة فعلا احب أضيف معلومة بسيطة تحل اللغز كله الطائرة المصرية استهدفت وكلامكم هنا تاكيد على ده أحب أعرف لحضراتكم السر الخفى واللغز المدفون أباح به القذافى لان المخابرات الليبية واى جهاز مخابرات فى العالم بيبقى عارف حاجات كثير عن الاجهزة الاخرى استهداف الطائرة كان رد على عملية نفذتها المخابرات المصرية فى كندا وتم فيها استهداف 12 خبير وضابط اسرائيلى فى عملية خاصة العملية نفذتها المخابرات المصرية وبدت كانها انهيار جليدى اودى بحياتهم لكن الخيوط تكشفت بعد ذلك انها عملية مدبرة وبالتالى الغباء فى المخابرات المصرية اعتبرت انها خارج المسألة وان التوصل للفاعل لاعلاقة له بمصر او بغيره لكن ديل السمكة اتكشف وعرف الصهاينة خيوط توصل على شخص يشتبه فى كونه عميل للمخابرات المصرية وجائت حادثة الطائرة تكشف عن حاجتين الاولى عدم توقع ان تأتى الضربة بهذه السرعة والحاجة الثانية ان ياتى رد بهذه الجرأة بهذا الانتقام والتفجير تم عن طريق طائرة مقاتله ولا علاقة للمسألة بالصدفة ولا باعطال ولا خلافه القذافى قال السر ده قبل موته بفترة طويلة للمقربين منه وكده عملية قصاد عملية تبقى المسألة سويت ويتقفل الملف لان اللى هينخرب فيه هيفتح على نفسه فاتحه علشان كده قالوا ده عطل والسلام والامريكان طبعا عارفين والاجهزة العالية كلها عارفة وفى النهاية شهداء الطائرة - نحسبهم فى جنات الخلد ولا نزكى على الله احد توته توته خلصت الحدوته

راى حضرتك ممكن يبقى احتمال كبير .... بس انا ليا سؤال .... طيارة ايه الحربية الى موجودة الغير الامريكية الموجودة فى الاجواء الامريكية ؟ الاحتمال بانها اسرائيلية هو احتمال ممكن فعلا

[ahmed_eng2001]

المشاركة الأصلية كتبت بواسطة sherifabden اولا يا جماعة لازم نتفق على حاجات 1/ اذكروا محاسن موتاكم لما راس الكفر ابو جهل قتل في غزوة بدر هل في مسلم شتمه او لعنه او عمل اي حاجة من دي ؟؟ فما بالك بالمسلم الذي يسب ويشتم رجل مسلم مثله ؟؟؟ 2/ احترام الكبير الراجل دا في سن ابوكم يعني ما ينفعش اي حد يشتم فيه او اي كلام من دا قال الرسول صلى الله عليه وسلم : ليس منا من لا يوقر كبيرنا ويعطف على صغيرنا 3/ الشهر المبارك رمضان طبعا عمر سليمان ـ الله يرحمه ـ توفي في اول يوم في رمضان والرسول صلى الله عليه وسلم قال حديثا شريفا فيما معناه ان ابواب النار تغلق في رمضان واصلا حكاية الجنة والنار امور غيبية لا يعلمها الا الله عز وجل 4/ الغيبة والنميمة يقول المولى عز وجل في كتابه العزيز " ولا يغتب بعضكم بعضا ايحب احدكم ان ياكل لحم اخيه ميتا فكرهتموه" وطبعا كلمة "اخيه" تطلق على اخوك في الاسلام وهي الاخوة الحق وثانيا تعالوا هنا هل في حد هنا في قسم الثورة جاب سيرة عمر سليمان - رحمه الله - اثناء حياته ؟؟؟؟ لو قلت نعم يبقا اكيد قليل وطبعا لو قلتوا لا يبقا احنا بنحب نجيب في سيرة الناس مش اثناء حياتهم لأ اثناء موتهم وياريت الكلام دا كله صحيح 100% من الكلام دا كله خاطئ تماما وبدل ما انتوا شغالين تشتموا على واحد مصري زييكم هل قعدتوا تعملوا كده في عدو ليكم زي الاسرائيليين والامريكان لعنهم الله ؟؟؟ لا حول ولا قوة الا بالله ورمضان كريم

السلام عليكم

انا معترض مع حضرتك على الموضوع جملا و تفصيلا .... و ان كان فيه بعض نقاط الاتفاق :-

1- اذكروا محاسن موتاكم ..... ده اذا كان حديث فهو حديث ضعيف
محدش بيشمت فى موت عمر سليمان .... الناس تذكر ما تعرفه و ملاحظاتها عن اعماله المعروفة .... و للأسف ... ما يعرفه اغلب الناس حاجات ليست بالجيدة على الاطلاق ...
حضرتك حتقول ان اكيد فيه حاجات كويسة عملها ... احتمال كبير .... بس ليه الحاجات الى مش كويسة هى الى معروفة .....و اكتر من الحاجات الكويسة ؟

2- احترام الكبير
حضرتك بتفكرنى بنفس الكلام الى اتقال عن حسنى مبارك ايام الثورة الاولى .... راجل كبير ... فى مقام ابوك ... لازم نحترمه مهما حصل .... حسبى الله و نعم الوكيل
برضو ..... كل المشاركات الى فى هذا الموضوع تتكلم عن اعمال هذا الرجل .. و لم تتكلم عن سبه او شتمه ... و لكن التحليل لبعض التصرفات الواضحة للعيان و الحكم على هده التصرفات
3- شهر رمضان
ايه علاقة ان شهر رمضان تغلق فيه ابواب النار و موت عمر سليمان ؟؟؟؟؟
بالمناسبة ... فيه منافقين كتير ماتوا فى شهر رمضان .. عذرا انا مش فاكر اسماء الان ( الزهايمر )

4- موضوع الجنة والنار فعلا من الموضوعات الغيبية .. انا متفق مع حضرتك فى كده .. الله اعلم باخرته .. و انا لا استطيع ان احكم على اخرته ... اللهم احسن اخرتنا جميعا

5- في حد هنا في قسم الثورة جاب سيرة عمر سليمان - رحمه الله - اثناء حياته ؟؟؟؟ ... انا مش عارف بصراحة ... انما انا قرات اكتر من موضوع من ايام توليه نائب الرئيس لغاية موضوع ترشحه لرئاسة الجمهورية .... فى المنتدى و خارج المنتدى و للأسف انا مشفتش حد بيرد على المواضيع المنشورة

حضرتك بتقول الكلام ده خاطئ تماما .... يا ريت حضرتك تقول لنا عن الصح و حنا حنسمع حضرتك للآخر

و بعدين ...... برضو افكر حضرتك ..... احنا مش بنشتم فيه ... احنا بنشوف اعماله و بنحاول نشوف الاعمال دى كويسة ولا لأ

انا ميهمنيش اعمال واحد اسرائيلى او امريكى علشان من المفترض ان ده واحد عدوى ... ( على راى عمرو مصطفى )
بالله عليك ... انت حتروح تلوم او تقيم عدوك انه عمل حاجة مش كويسة ؟!!!!

اه بالمناسبة .... معلوماتى عن عمر سليمان كانت حوالى سنة 2000 .. لما واحد فلسطينى صديقى كان مقيم فى مصر و مرة كنا بنتكلم و جات سيرة المفاوضات بين الاسرائيليين و السلطة الفلسطينية .... لقيته اكتئب .. و فضل يقول حسبى الله و نعم الوكيل ... عندكوا واحد فى مصر غلب اليهود ... احنا بنتفاوض مع واحد مصرى ... مش مع اليهود... احنا خلصنا مفاوضات مع اليهود من بدرى ...... المصرى ده رئيس المخابرات و اسمه عمر سليمان
حسبى الله و نعم الوكيل

اتمنى ان حضرتك متزعلش منى و تفتكر انى بهاجمك شخصيا ...
اعتقد ان راى حضرتك .... ان الراجل خلاص مات ... و اكفوا على الخبر ماجور و خلاص ... و الراجل بيتحاسب عند ربنا دلوقتى .. و مافيش داعى اننا نذكره الا بالخير ...

طيب .... امال احنا عرفنا اخبار ابو حجاج الثقفى ازاى ؟؟!! ( على سبيل المثال ) اليزيد بن معاوية ؟؟!!! .... عذرا انا فعلا مش فاكر اكتر من دول الان .... و دى ناس مسلمة و يقال ان حجاج بن يوسف الثقفى كان حافظ للقران و كان بيصلى الفرائض فى وقتها .... لو راى حضرتك سليم ماكناش عرفنا حاجة عن الناس دى

الغرض ... هو الاستفادة من دروس الماضى و اخذ عبر للمستقبل
و تقبل مرورى

[AbOnOrA]

لما راس الكفر ابو جهل قتل في غزوة بدر هل في مسلم شتمه او لعنه او عمل اي حاجة من دي ؟؟

ولما انتهت المعركة قال رسول الله‏:‏ ‏(‏من ينظر ما صنع أبو جهل‏؟‏‏)‏ فتفرق الناس في طلبه، فوجده عبد الله بن مسعود وبه آخر رمق، فوضع رجله علي عنقه وأخذ لحيته ليحتز رأسه، وقال‏:‏ هل أخزاك الله يا عدو الله‏؟‏ قال‏:‏ وبماذا أخزاني‏؟‏ أأعمد من رجل قتلتموه‏؟‏ أو هل فوق رجل قتلتموه‏؟‏ وقال‏:‏ فلو غير أكَّار قتلني، ثم قال‏:‏ أخبرني لمن الدائرة اليوم‏؟‏ قال‏:‏ لله ورسوله، ثم قال لابن مسعود وكان قد وضع رجله علي عنقه‏:‏ لقد ارتقيت مرتقي صعبًا يا رُوَيْعِيَ الغنم، وكان ابن مسعود من رعاة الغنم في مكة‏.‏ وبعد أن دار بينهما هذا الكلام احتز ابن مسعود رأسه، وجاء به إلي رسول الله، فقال‏:‏ يا رسول الله، هذا رأس عدو الله أبي جهل، فقال‏:‏ ‏(‏الله الذي لا إله إلا هو‏؟‏‏)‏ فرددها ثلاثًا، ثم قال‏:‏ ‏(‏الله أكبر، الحمد لله الذي صدق وعده، ونصر عبده، وهزم الأحزاب وحده، انطلق أرنيه‏)‏، فانطلقنا فأريته إياه، فقال‏:‏ ‏(‏هذا فرعون هذه الأمة‏)‏‏.