أذكروا محاسن عمر سليمان .... وعجبي

[mhamdy75]

http://www.youtube.com/watch?feature...rjZl2tkc#t=39s

الخبر من اليوم السابع

أحسن يقولولك فوتو شوب

----------

اللهم أحسن خاتمتنا

قولوا امين

[medokemo74]

المشاركة الأصلية كتبت بواسطة AbOnOrA انا حذفت الالفاظ الخادشة للحياء فقط تقديراً للمشاهدين وفيها ما يكفى لاثبات كذب ادعائه الفضيلة والمتابع لموضوعاتى يعرف انى لا بدافع عن الاسلام ولا اطول اكون من المدافعين عنه ومعروف وموجود مئات المشاركات اللى بتعبر عن رائى فى الاخوان وغيرهم

المشاركة الأصلية كتبت بواسطة AbOnOrA يا استاذى العزيز لما بيكون فيه خلاف على مبداء او فكرة او حدث بينقسم الناس بين رأى واخر والكلام بيبقى من فريق عن فريق مش كلام شخصى مش عارف ليه لسه الناس فى 2012 مش بتميز بين ده وبين ده حضرتك شخصياً وكل عضو وكل مصرى محل احترام بالعموم بس لما اتكلم عن فكره ومن يدعيها فانا بتكلم عن توجه ومواقف مش عن على وابراهيم وابو نورا ولا اى حد فحضرتك راجع كلامى هتلاقيه كله بصيغة الجمع وضد ناس بسميهم باوصافهم وافعالهم فاكيد من لا تنطبق عليه الاوصاف والافعال ديه مستثنى من الخطاب --------------------------- الغريب ان مع اول خشونة فى الكلام تلاقى اللى قدامك عين نفسه حسيب على دينى وتربيتى واخلاقى وانتمائتى وهوب بقيت خاين وكافر عميل ومش متربى والاسطوانة المشروخة اللى الفيس بوك عامر بيها بمعنى تانى ابسط واقل كلفة طالما حضرتك مش فى الدائرة اللى بوجه هجومى ليها زعلان منى ليه ولو الاخ اللى كان من شوية وغيرة وغيرة اللى كل يوم اللجان الاكترونية بتسرحهم محموق اوى ليه يا جماعة فى حاجة اسمها اداب اختلاف تخليك تعبر عن اختلافك وموقفك من غير شخصنة وافلام قناه الفراعين انا كان نفسى واحد يقول ان الراجل ده موداش الغاز لاسرائيل والكلام ده مزور وعندى الدليل احترمة جداً وكلنا هنسمعلة وغيرة من النقد المنطقى للاتهامات التاريخية اللى زى ما قولت سواء انا او غيرى مليون قعدنا نتكلم فيها سنين او متكلمناش فيها سنين هتفضل باقيه فى التاريخ ولازم الاجيال فتفكرها وتتعلمها تخش تقولى انت اثم وحرام عليك مش عارف ايه والكلام الكبير ده كله طب يا سيدى ماشى قولنا كل واحد بيشيل قربه مخرومة بتخر على دماغة زى ما بيقولو خلصنا بقى يا عم مش هنقعد طول النهار ننغز بعض بالكلام على نفس الفكره الحمضانة اللى رد عليها شيوخ قبل ناس عاديين وبكرر للمليون رد عليها التاريخ بتسجيله لاعمال واثار كل الشخصيات العامة طب بقولوكو ايه اطلبو من الموسوعات وكتب التاريخ يذكرو محاسنه هو واللى زيه وارفعو قضايا كل ما كتب ضد الهالكين من فرعون لابوجهل لابرهه لصلاح نصر لسليمان قدمو حجة اذكرو محاسن مواتكم ديه للقضاء وخلوه يحكم بيها والله ما عارف اقولكو ايه يا جماعة وعارف انى مهما قولت مش هعجب واللى المفروض تعرفوه ان مهما قولتو برضو مش هسكت

من حقك يكون ليك وجهة نظر
ومن حقى يكون ليا وجهة نظر مغايرة ومختلفه عنك
المهم ان كل واحد يعبر عن وجهة نظره بأدب وبإحترام وبرقى
ولا يتجاوز ضد الآخر تحت أى ظرف من الظروف

الحكاية مش حكاية عمر سليمان أو غيره
ومش حكاية مع ثورة أو ضدها
أو مع مرسى أو شفيق
أقسملك بالله انا اخترت الاخوان فى مجلس الشعب والشورى
واخترت محمد مرسى فى انتخابات الرئاسة
ودعوت الله ان يولى من يصلح
بس اكيد مش مؤيد ليهم فى كل شيئ
عايز تصدق صدق مش عايز انت حر
وعلى فكرة بحترم الفريق شفيق وبحترم مؤيدية من الشعب المصرى
ومش هغير رأيى غير بحكم قضائى ضد الفريق شفيق
انا شايف ان هيه ديه الديموقراطية ومفيهاش اى تناقض من وجهة نظرى

يابنى آدم راجع مشاركاتى وراجع مشاركتك وشوف مين اللى غلط
ومين اللى طول لسانة وقل أدبه
والكلام العبيط بتاع اللجنة والهبل ده هههههههههههه علشان مخالفك فى الرأى
لو شوفت معظم مشاركاتى هتلاقيها فى السيارات ودخلت هذا القسم بالصدفة وشوفت الموضوع ده بظروفها لإنى مش غاوى وجع قلب وقلة أدب وخلافات
فى البداية أنا عبرت عن رأى بمنتهى الرقى والإحترام
وكان ردك فى منتهى التهكم والقبح والسفالة
ومسكت اعصابى وطلبت تدخل الإدارة ... وتطلع انت الإدارة وانت الحكومة ههههههههههه .... مهى عزبة سعادتك
وطبعا انت الخصم والقاضى فى نفس الوقت ..... وطز فى اى قوانين للمنتدى أو طز فى أى أخلاق علشان ردى مش على مزاج سعادتك
انت بسم الله ماشاء الله صاحب منتدى قد الدنيا ومفيش حد قدك بقى
بتحذف اللى يعجبك وتعدل اللى ميعجبكش
بس تذكر انك البادئ بالسوء والظلم وطول اللسان .... والبادىء أظلم
على العموم بعتذر للأعضاء المحترمة عن اى لفظ جارح
وبقولك ياريت تكون مشاركاتك راقيه ومحترمة ومسئولة
كان عندى استعداد اعمل اكثر من كده ... وأخلى ايامك سودا فى المنتدى .... بس للأسف مش قادر اشتم واسب أكثر من كده .... وتذكر انك اللى اضطرتنى ارد عليك كده ... مفيش ادارة تجيبلى حقى !!!!
استغفرك اللهم واتوب اليك
احنا فى شهر فضيل
وكفاية اللى حصل
وأنا مش مسامحك ومش هسامحك
وحسبى الله ونعم الوكيل فيك
وحسبى الله ونعم الوكيل وفى المشرفين اللى شافوا كل حاجه
وسابوا الظالم يفترى ويكمل ظلمة وكله خاف يقولك كده عيب أو كده غلط !!!!

بإذن الله ربنا هياخدلى حقى قريبا
وسيعجل به فى الدنيا
وسأقتص منك فى الآخرة
حسبى الله ونعم الوكيل
اللهم ارنى فيك عجائب قدرته

[mhamdy75]

اخر اخبار ميدان التحرير

2 hours ago

‫صورة من العزاء الشعبي والعسكري الذى أقامته "المنصة" لعمر سليمان ولم يحضره أحد.‬See Translation




396Like · Comment · Share

اخر اخبار ميدان التحرير

2 hours ago

‫أحمد شفيق من مهربه: ثورة يوليو مجيدة.. ولا يمكن إلغاء مرحلة من تاريخ مصر!‬See Translation




140Like · Comment · Share

[medokemo74]

أخى mhamdy75
مشكلتى دلوقتى مش مشكلة سليمان ولا شفيق
مشكلتى غلط حصل فى حقى

النقاش انتهى فى هذا الموضوع بالنسبة ليا وقولت اللى عايز أقوله
ومفيش داعى نفضل نعيد ونزيد !!!

على العموم هعيد لآخر مرة
أفجر وأحقر أهل الأرض لما بيكون بين يدى الله
خلاص دورنا بينتهى ومفيش حاجه نقدر نعملها
ربنا وحده هوه اللى بيحدد
ان شاء عذبه وان شاء غفر له
ومهما حطينا فى مقالات أو صور أو سباب أو غيبه مش هتفرق
بالعكس بتزيد من حسنات الميت
وبتنتقص من حسناتك

[ .. ولا يغتب بعضكم بعضـًا أيحب أحدكم أن يأكل لحم أخيه ميتـًا فكرهتموه .. ]

حضرتك كررت المشاركة مرتين !!!!
ومش فاهم ايه العلاقة بين العزاء و صورة لشفيق مع عاهرات !!!
هل ده معناه ان شفيق حرامى !!!
خلاص الحكم القضائى طلع من الصورة !!!

بذمتك الميت هتفرق معاه حد حضر عزاه ولا لأ
ياما شوفنا معازى ترد الروح لتجار مخدرات ... المعزة وعدد الحضور هتفرق معاهم
وهتدخلهم الجنة مثلاً
فى دينا الإسلامى المهم الصلاة على المتوفى ثم تشييع الجنازة
العزاء والحاجات ديه بدع
دعوا الملك للمالك
ونحترم الموت
ونتعظ منه
وندعوا الله ان يحسن خاتمتنا
وأن يرينا الحق حقا ويرزقنا اتباعه
وان يرينا الباطل باطلاً ويرزقنا اجتنابه

[محمد صالح - المحامى]

الله يرحمه شكله كان محبوب اوى .