أدعو كافة الاعضاء للقراءة بعقلانية و دون هجوم بدون مبرر

[hyundai2005]

علي الطلاق انت راجل محترم ان معايا عربيه انجلون اجمد 100 مره من ايه عربيه كانت عندي

[beko2010]

يا جماعه لا تتحاملوا على الصينى بصفه عامة المشكلة فى المستورد المصرى وطلباته عند الاستيراد لتحقيق اعلى ربحيه ممكنه له عند البيع ...بمعنى اوضح من عشرة سنين كنت مسافر الى الدينمارك وقعدت ثلاثه اشهر هناك ورغبت اشترى سماعات كويسه فوجئت ان السماعات البوينير هناك صينى والاغلب صينى اندهشت وقلت ازاى ياجماعه ( اصدقائى معهم جنسيه دينماركى) قالوا ايه! ياسيدى الفاضل المارد الصينى وصل الى كل اوربا وامريكا ( الكلام ده من 10 سنين) بس الفارق ان المنتجات ذات جودة عاليه يعنى مواصفات وجودة حسب طلب اوربا وامريكا ...يعنى المشكلة مش فى الصينى المشكلة فى المستورد فقط فالصين المارد القادم بلا شك وعندما تقول ان فى خلال 5 سنوات تقدمت السيارات ازاى اقول لماذا لاترى اليابان وكيف تقدمت بسرعه بعد الحرب .....الجواب ان البدايه عندهم تكون بعد اخر حاجه وصل لها الاخرون غيرنا نحن نقول ازاى ياجماعه انتم مستعجلين ليه السلم لسه طويل وهى الدنيا هتطير وننتظر وننتظر .... المهم لا تستهينوا بالصينى وليس كل الصينى .. لى صديق منذ اكثر من شهرين اعاد سياره تويوتا كورلا لان الجير به عيوب تصنيع ..وصديق اخر معه فولكس توران تم تغير الماتور لانه ساح ح ح ح !!!! بعد الف كيلو فقط تصورا يعنى ليس بالضرورة يابانى ولا المانى المهم اننا نأخذ حقنا عندما تقابلنا مشكلة فى اى سيارة حتى ان كانت صينى والله الموفق....

[fineart607]

العربيات الصينى هتاخذ وضعها كده كده

المشاركة الأصلية كتبت بواسطة sam ram موضوع جميل و شيق ... وان كان فتح باب في سور شائك لحقل الغام ... اي عربيه في العالم هي عربيه ... المرسيدس عربيه - الهيونداي عربيه - الزستافا عربيه .. انما عربيه عن عربيه بتفرق ... انا حتكلم عن مصر ... اكيد العربيه السي كلاس ال 280 غير ال 180 .. الاولانيه ب 450 الف و التانيه ب 300 الف جنيه .. يعني فرق 150 الف جنيه يجيبو كورولا كامله !!!! الفرق ده بس في شركه مرسيدس في نفس الطراز ... السي كلاس ... وده معناه ايه .. معناه ان في فرق ... فرق موتور - تجهيزات - مواصفات - ..... لو قيسنا الكلام ده على اي عربيه تانيه حنعرف الفرق .... البولو هاتشباك اغلا من البولو سيدان الصيني .. طيب ايه الفرق بين اي عربيه و التانيه .... الجوده (التصنيع و التقفيل ) - نوعيه الخامات - اسعار الخامات و قطع الغيار - او ممكن نقول اختصارا تكلفه التشيغل و الانتاج ... بس النهارده تويوتا بتصنع في تايوان وجنوب افريقيا و فولكس في الصين و البرازيل و الارجنتين .... و غيرهم كتير بقى فيه معايير للجوده في التصنيع ... و شكرات عالميه بتصنع عربياتها في الصين .. و منهم فولفو رمز الامان ... ده معناه ايه ... ان الصين عندها امكانيات تصنيع عربيات بمعايير جوده عالميه و الا مكنتش بي ام و فولكس صنعوا عربيات في الصين .... لكن السؤال الاهم ... هل العربيات الصينيه التابعه لشركات صينيه بنفس جوده و كفاءه العربيات الصينيه التي تحمل شعار ماركات عالميه ... و سؤال خبيث شويه ... هل العربيات الصينيه التي تحمل شعار الشركات العالميه بنفس جوده و كفاءه العربيات الاصليه المصنعه في بلدها الاصلي ؟؟ اكيد فرق السعر ده مش اعتباط ... اكيد لما اشتري منتج بنفس مواصفات منتج تاني و بنص تمنه يبقى في فرق .. وابسط دليل .. بروتون الماليزي ... تقنيه لوتس الانجليزيه العريقه و تصميمات جميله و اداء مميز .... و سعر متوسط مقابل جوده خامات متوسطه و خامات مش اد كده ... اعتقد ان مشكله الصيني الحقيقيه انه بيقدم عربيه متكامله المواصفات بسعر زهيد نسبيا ... و دي تقلق كتير ... و تطرح سؤال خطير ... ازاااااااي ؟؟!!!!! الاجابه .... كله بتمنه .... او بالبلدي ... كل برغوت على اد دمه المرسيدس ليها تمنها ... التويوتا ليها تمنها .. هيونداي ليها تمنها ... و الصيني له تمنه ... اكيد سندوتش الفول غير سندوتش الكبده غير سندوتش الجمبري .... مع إن كله سندوتشات ... و كله بيشبع ... بس كل سندوتش و له تمنه.. و كل سندوتش له طعمه ... وكل سندوتش له مكوناته ... بس المهم النفس ptmnlo123per1127

كلام موزون جدا وعلى بالي

[zemous]

يا اهل الخير.. لو حد يعرف اي حاجة عن الجريت وول هوفر يا ريت يقوول لاني ناوي اشتريها وخايف لانها صيني وكمان جديده على السوق ومعرفش حد جربها
كمان ايه ظروف المجموعة البافارية في الصيانه واسعار قطع الغيار