عداد الكيلومتر عطلان

[bahaa660]

انا عندي سياره 128 موديل 83 معدل طبعا عداد الكيلو ميتر لا يعمل ووديته لواحد بتاع عدادات قالي لا ده بايظ ومش هينفع يتصلح
مش عارف اجيبه جديد منين والا استيراد منين والا بكام او ممكن العدادات الخارجيه تعمل عليها والا لا وبكام وهل في عدادات كيلو ميتر ديجيتال لل 128 والا لا وكم سعرها
يعني من الاخر انا مش عارف اي حاجه
ارجوكم افيدوني

[AbOnOrA]

حضرتك افضل حاجة تنزل تتمشى شوية فى الحرفيين - عزبة شلبى - التوفيقية وتقارن بين سعر وحالة الجديد والمستعمل بس انصحك تستبدل العدادت حتى ولو بمستعمل ومتعتمدش على العدادات الخارجية

[mohamed ibiza]

عداد ال 280 اول ما جبناها كان مبيعدش و صلحناه بتبقي مجرد تروس او بكر و بتعد و بتتغير انا روحت لواحد اسمه ستار للعدادات في شارع الدقي الشارع اللي لازق في بنزينه التعاون تقريبا و شغال بقاله 7 شهور زي الفل ليه بقي الراجل قال ميتصلحش !!!!

عموما لو عايز واحد جديد خدلك لفه زي ابو نورا ما قالك كده و خلي بالك عشان اغلب العدادات بتبقي معيوبة