اية اطرف موقف حصلك مع بداياتك فى السواقة ؟؟؟؟

[BASSEM BESO]

بعد التحية ومساء الخير لجميع الأخوة الأفاضل الأعضاء المحترمين حبيت بس اطرح موضوع كدة يعنى يخرجنا برة الروتين اليومى الممل ونستعيد كدة الذكريات الأليمة والفكاهية فى النفس الوقت فى سنة اولى قيادة ؟؟
طبعا اكيد كل منا مر بموقف مؤلم وحزين لكن اصبح بعد ذلك ذكرى نضحك علية كلما تذكرناة ....
واطلب من كل واحد منكم ان يصف لنا ماحدث لة فى اكثر موقف صعب تعرض لة اثناء فترة القيادة الأولى واسمحولى ان ابدأ انا

كنت فى 16 من عمرى ومكنش طبعا طلعت رخصة المهم من حبى للعربيات جدا كنت بتحايل على والدى يعلمنى ومكنش بيوافق بس الأخر بعد الزن ووجع الدماغ اللى سببتهولة خلى سواق عربية المصنع بتاعة يعلمنى على سياراتنا الفيات 132 وبعد فترة من التعليم حسيت انى تمام ولا مايكل شوماخر فى مجدة جتلى فرصة من دهب عشان اطلع بالعربية لوحدى بدون تدخل من والدى وياريتها ماكانت جت والموقف كالتالى :
اختى كانت فى المدرسة والباص بتاع المدرسة قال انة مش حيرجعهم النهاردة عشان عطل ووالدى انشغل بأجتماع مهم اتحيات علية ان انا اروح اجيبها بالعربية رفض فى الأول بشدة لكن بعد المحايلة والزن وافق بس بشرط انى اخذ واللدتى معايا المهم روحنا انا ووالدتى واحنا رجعين بقى وانا مبسوط اوى بأخذ ملف على الضيق محستش غير لما لقيت جنب العربية الشمال رايح جهنم مش النا بس ولقيت نفسى اتخبطت فى عربية نقل كبيرة ولولا ان 132 عربية قوية كنت زمانى الله يرحمنى المهم قعدت فى العربية وكنت حعيط خلاص واندب حظى المهبب وبينما امى توسينى اهتديت لفكرة جهنمية وهى انى روحت وبألأتفاق مع والدتى غطيت العربية وطلعت ولا كأنى فى حاجةووالدى نزل الصبح لقاها حالها لا يسر عدو ولاحبيب اتهم فيها سواق المصنع وطرد الراجل فى الأول فرحت ان التهمة بعدت عنى بس منمتش بعد كدة حسيت بتأنيب ضمير شديد لحد ماتوسط عند والدى عشان يرجع الراجل وبالفعل رجع الراجل واقسم ان العربية محصلهاش حاجة وهو ركبها ولحد دلوقتى والدى مش عارف مين خبط العربية ساعتها وكل ماتيجى سيرة الخبطة دى انظر لوالدتى ونضحك ولا يعرف والدى سبب ضحكنا هذا حتى اليوم....
واسف جداا على الأطالة

[Jack Box]

المشاركة الأصلية كتبت بواسطة BASSEM BESO بعد التحية ومساء الخير لجميع الأخوة الأفاضل الأعضاء المحترمين حبيت بس اطرح موضوع كدة يعنى يخرجنا برة الروتين اليومى الممل ونستعيد كدة الذكريات الأليمة والفكاهية فى النفس الوقت فى سنة اولى قيادة ؟؟ طبعا اكيد كل منا مر بموقف مؤلم وحزين لكن اصبح بعد ذلك ذكرى نضحك علية كلما تذكرناة .... واطلب من كل واحد منكم ان يصف لنا ماحدث لة فى اكثر موقف صعب تعرض لة اثناء فترة القيادة الأولى واسمحولى ان ابدأ انا كنت فى 16 من عمرى ومكنش طبعا طلعت رخصة المهم من حبى للعربيات جدا كنت بتحايل على والدى يعلمنى ومكنش بيوافق بس الأخر بعد الزن ووجع الدماغ اللى سببتهولة خلى سواق عربية المصنع بتاعة يعلمنى على سياراتنا الفيات 132 وبعد فترة من التعليم حسيت انى تمام ولا مايكل شوماخر فى مجدة جتلى فرصة من دهب عشان اطلع بالعربية لوحدى بدون تدخل من والدى وياريتها ماكانت جت والموقف كالتالى : اختى كانت فى المدرسة والباص بتاع المدرسة قال انة مش حيرجعهم النهاردة عشان عطل ووالدى انشغل بأجتماع مهم اتحيات علية ان انا اروح اجيبها بالعربية رفض فى الأول بشدة لكن بعد المحايلة والزن وافق بس بشرط انى اخذ واللدتى معايا المهم روحنا انا ووالدتى واحنا رجعين بقى وانا مبسوط اوى بأخذ ملف على الضيق محستش غير لما لقيت جنب العربية الشمال رايح جهنم مش النا بس ولقيت نفسى اتخبطت فى عربية نقل كبيرة ولولا ان 132 عربية قوية كنت زمانى الله يرحمنى المهم قعدت فى العربية وكنت حعيط خلاص واندب حظى المهبب وبينما امى توسينى اهتديت لفكرة جهنمية وهى انى روحت وبألأتفاق مع والدتى غطيت العربية وطلعت ولا كأنى فى حاجةووالدى نزل الصبح لقاها حالها لا يسر عدو ولاحبيب اتهم فيها سواق المصنع وطرد الراجل فى الأول فرحت ان التهمة بعدت عنى بس منمتش بعد كدة حسيت بتأنيب ضمير شديد لحد ماتوسط عند والدى عشان يرجع الراجل وبالفعل رجع الراجل واقسم ان العربية محصلهاش حاجة وهو ركبها ولحد دلوقتى والدى مش عارف مين خبط العربية ساعتها وكل ماتيجى سيرة الخبطة دى انظر لوالدتى ونضحك ولا يعرف والدى سبب ضحكنا هذا حتى اليوم.... واسف جداا على الأطالة

ههههههههههههههههههههههههه ههههههههههههههههههههههههه
انا حصلي نفس الموقف بالظبط بس مع شويه اختلافات
البوب كان لسه شاري كورولا 98 اول مانزلت كانت في شهر 11 1997 وانا كنت ساعتها في الثانوي
وكنت كل يوم اخري انزل اسخن العربيه وانضفها وفل اوي كده حتي مش بيخليني احركها عشان اخليها في نص الشارع عشان انضف الجمب اللي ناحيه الحيطه
وفي يوم مانمتش طبعا واستنيت الساعه تيجي 6 الصبح وروحت متسحب وواخد المفاتيح وقولت انزل اروش نص ساعه عند مدرسه البنات واجي علطول
المهم انا مكنتش بعرف اسوق اصلا بس كنت علطول وانا جاي من المدرسه استني الميكروباص اللي فاضي من ادام عشان اركب جمب السواق واعرف هو بيعمل ايه وجيت بقي اطلع بالعربيه روحت داخل في عربيه نص نقل راكنه من الجمب اليمين واتدشمل بمعني الكلمه والعربيه كانت لسه معلقتش نمر كانت معلقه مؤقته القاهره
روحت ضارب نفسي بالبونيه وقولت انا هتعلق النهارده
جاتلي نفس فكرتك يامعلم وروحت راكن ومغطيها وطالع نايم وعملت فهمي جاي من بنها
وطبعا مستني اللحظه اللي هينزل فيها هشوفه اول ما يكتشف الكارثه
ونزل وشافها وبكل برود راح منادي عليا قولتله نعم قالي هو انتا حركت العربيه قولتله لا طبعا هو انا بعرف اسوق اصلا قالي يبقي اكيد اتخبطت عند الشغل انا كنت هزغرت اول ما قالي كده
المصيبه بقي ان كنت فاكر ان الجريمه محدش شافني اتاري ارخم انسان في مصر والعالم كان واقف في البلكونه وكان متابعني والراجل ده الشارع كله بيكرهه لانه رخم
ياعيني بقي يذلني كل يوم اول ما يشوفني يقولي هقول لابوك
وانا بخاف من ابويا مووووووووت لحد النهارده ههههههههههههههههه وكل ما يقولي الكلمه دي اطلع اجري
والحمد لله

[jemono]

طيب ماتجيبش سيره لحد

[hazem_khidr]

ذكريات سوده و كان بيبقي ليا في كل خرابه عفريت يفتن عليا
موقف منهم حصل نفس اللي حصل معاكم و اخدتها
بس الفرق ان عمري كان 11 سنه !!!!!
المهم نزلت و اخدت العربيه و ماشي في امان الله عربيه نص نقل وقفت قدامي و انا وقفت
راح البيه بيرجع بضهره و انا ما اخدتش بالي غير و هو بيخبط فيا و طااااااااخ
اخدت حته في الكابود و فانوس و حاجات كده طبعا مشيت بالعربيه و روحت ركنتها
و قولت لوالدي الله يمسيه بالخير(شاف معايا مقاسي الراجل دا) زي ما انتوا قولتوا بالضبط
لما نزل يبص عليها قام واحد في الشارع قاله دا حازم كان بيها بره من شويه و رجعت مخبوطه
طبعا طلع البيت و انا اخدت كلام في جنابي مالوش حل علي ضربتين بايده بس علي مين اخدتها تاني برضه هههههههه
حبقي اكمل حكاوي بعدين

[احمد بدر1978]

هههههههههه
فكرتنى بايام سودة
انا كان عندى 14 سنة والحاج كان وقتها معاة 131 وكنت حموت واتعلم السواقة وهوة ابدا لغاية لما كان معانا شغل فى مرغم حتة على الطريق الصحراوى وهناك وافق انة يعلمنى وفعلا بقيت مايكل شوماخر كنت بسوق بية وهوة قاعد جمبى بس عند اى لجنة نبدل عشان ماكنش طبعا معايا رخصة وكان امر الحوادث دة على خفيف فانوس رفرف حاجات هابلة كدة لغاية مرة اشترى عربية نيفا زيروا من التوكيل وساب ال131 لاخويا الكبير فسقت النيفا وطبعا النيفا معروفة انها عالية جدا عن الارض المهم واحنا فى الصحراء ونازل مدق مرة واحدة لاقيت حجر كبير مخدتش بالى وطلعت علية العربية اتقلبت على جنبها الشمال ولقيت الحاج الله يرحمة واقع فوقى وبيدينى باللوكاميات طبعا الجنب الشمال دة ادمر كنت وقتها عندى 17 سنة وكام شهر كدة المهم الحاج واحنا جوة العربية قالى العربية دى عربيتك تصلحها تبيعها تولع فيها انا ماليش دعوة عدلنا العربية بمعاونة جيش من العمال وروحنا تانى يوم رحت للسمكرى اللى بيتعامل معاة الوالد وقلتلة الحاج بيسلم عليك وبيقولك صلح الباب وهوة حيعدى عليك يحاسبك وفعلا صلحت العربية ومشيت و السمكرى حاسب والدى وانا هربت من البيت عشان ما اضربش