الماروتى غرقت فى الاسكندرية

[waledahmed]

او تركن عربيتك تحت البيت

[حبيب الناس]

أوعي الجمري يعضك
هههههههههههههههههه
حد يعمل عملتك ده يا راجل
دا انا شوفت بركه ميه خوفت امشي فيها ترطشة الميه تجي علي الماتور تعمل مشاكل لفيت ورجعت الشارع عكس ومشيت من شارع تاني
وعموما حمد الله علي سلامه العربيه والحمدلله انها دارت تاني رو لميكانيكي خليه يشيك لك علي دفيرة الكهرباء ويغير زيت ويغير طقم كهرباء بوجيهات وابلاتين وكندنسر وان شاء الله تشتغل تمام

[حسام البورسعيدى]

المشاركة الأصلية كتبت بواسطة samirayad ولا تزعل نفسك كاربوراتير أيه اللى حيخشه ميه والمكنه تدور يامعلم

طب الحمد لله انها دارت ..

اتمنى بس يكون اتاكد من الزيت ..

الخوف كان من ان الميه تكون دخلت فى الموتور وهو سخن ...

لان لو كان حصل غالبا كان الموتور هيروح فى خبر كان ...

عموما قدر الله وما شاء فعل ...

[hm414]

صعب جدا جدا جدا دخول الميه للكربيراتير ولا حتى للمكنه لان منافذ الدخول تعتبر عاليه والعربية لما بتخش الميه بتبقى عامله زي المساحه على السيراميك
يعني هيا بتشغل حيز خارجي لكن في الواقع هيا مش مغموره بالميه كلها
والا الراجل كان هيشتكي ان المية دخلت عنده كابينة القياده قبل ما بوز العربية يخش
ده لو كانت العربية بتدخل جوه الميه ومستوها علي يبقى فعلا الميه بتشغلها كلها


كمان منافذ الحاجات المذكوره فوق صعب جدا الميه تطولها
العربية معايا فقادر اتصور الاخ العزيز

عموما
غالبا كل اللي حصل ان الميه سدت الشكمان وعلى ما تتبخر هتقرفك شويه لكن بعدها كله هيكون تمام

وهنروح لبعيد ليه
عايز تتطمن
افتح العمه وبص على فلتر الهوا
لو فعلا وصل ميه هيكون ممتص الميه لانه مصنوع من مواد كرتونيه او قطنيه وبتمتص الميه وبتبوش بسبب الميه (وان كنت على يقين انه مستحيل تكون الميه وصلتله اساسا)

بالنسبه للبوجيهات وباقي طقم الكهربا طالما العربية دايره متمدش ايدك عليه ارجووووووووك

وان شاء الله خير يعني الموضوع بسيط مش بالصعوبه دي



تحياتي

[aymanay32]

اذا وجدت زيت الموتور عامل زى الطحينة يبقى دخلته مياه بس مع السخونة و البخر هتروح