تقرير عن مقابلة بورسعيد الصيفية يوليو2010

[احمد بدر1978]

المشاركة الأصلية كتبت بواسطة corsair والله يا استاذ نبيل انا كان غصب عني وبعتذر لحبيبي الاستاذ بدر لان الاجازة بتاعت عيد الثورة اتلغت يوم الجمعه وادوهلنا يوم السبت ونزلت الشغل يوم الجمعه ومعرفتش ازوغ لان زميلي اللي معايا في مصيف اسبوع في مارينا عبالي ولسه هيجي يوم الثلاثاء القادم فطبعا مينفعش اني ازوغ والدنيا تخرب معلش يا استاذ نبيل هتتعوض ان شاء الله في رمضان بس يا ريت تكون يوم حد ويكون في اول رمضان علشان الواحد يعرف يجي اسكندرية وتقبلوا تحياتي

كان ممكن تيجى الخميس بعد الظهر على الاقل

المشاركة الأصلية كتبت بواسطة AboNoRa على فكرة يا جماعة انا مكنتش عايز اقول بس بدام كده لازم اعترف كورسير هو اللى قعد يقر على الرحلة علشان مقدرش ياخود اجازة من الشغل ويجى

ههههههههههههههههههههههههه ههههههه

ماشي يا ابونورا تيجي منك انتا العين الزرقه ديه ماشي يا ابو نورا بس اما اشوفك في الفطار بتاع رمضان ان شاء الله

[احمد بدر1978]

المشاركة الأصلية كتبت بواسطة حازم شاهين نقدر نقول إن اﻹسكندرانية نصفونى المقابلة رغم إنها ما كانتش وفق المتوقع لكن كانت جميلة و الحمد لله هى كانت مقابلة سكندرية على أرض بورسعيد و الحمد لله لله تمت على يومين كما هو مخطط يوم الخميس جالنا أ. بدر بسيونى فى المساء و أنا و أ. أحمد بدر و قضينا سهرة ثلاثية فى جو رائع فى الحقيقة هواء عليل و الرطوبة كانت قليلة ، و لا عزاء للحرانين و اتكلمنا فى مواضيع كتير جميلة و مفيدة و مر علينا الوقت بسرعة رهيبة من غير ما نحس و كلمنا على التليفون أ. خالد الشريف إللى متوعك شوية اليومين دول و هو كان ناوى يكون موجود معانا لولا الدور المفاجئ ربنا يمتعه بالصحة و العافية و ياخد بيده يا رب و فى يوم الجمعة إيتدى يوم م. نبيل عبد الرحمن من ساعات الصباح اﻷولى علشان يوصل بورسعيد فى وقت مناسب و بالفعل وصل الساعة 10 صباحا و نظرا ﻹن محدش تانى جه إقترح أحمد بدر إننا نلغى قرية الفردوس و نقضى المقابلة فى بورسعيد و فعلا جلسنا فى أحد كافيتيريات مجمع المطاعم على الروف و برضة الجو كان جميل و الهواء عليل و الصحبة حلوة و الوقت طار. فى النهاية أحب أشكر كل السكندرية إللى شرفونى فى بورسعيد و أشكر كمان كل الناس إللى كان نفسها تيجى و ظروفها ما سمحتش و إن شاء الله تتعوض فى المقابلات الجاية

عشان تعرف ان الاسكندرانية بتوع افعال لا اقوال
اهو القهراوية ضيعوا مصيف مجانى وغدوة حلوة ومقابلة
عارف يا استاذ حازم انا مش جى القاهرة تانى الا لما نقعد قعدة عرب ويدبح فيها عجل رد شرف للبمبة اللى القهراوية فرقعوها دى
بس هما اللى خسرانين
ونشكرك على حسن الضيافة ودة مش جديد على حضرتك ونراك على خير فى الاسكندرية او فى بورسعيد

[احمد بدر1978]

المشاركة الأصلية كتبت بواسطة AboNoRa سلامات سلامات ............ الاتحاد والمصرى ............ اخوات اخوات (هتاف جماهير نادى الاتحاد الاتحاد السكندرى والمصرى البورسعيدى) اولاُ الف حمدالله على السلامة ليكم جميعاً وياااااااااااااارب تكونو استمتعتوا بالرحلة فى ضيافة الكريم الخلوق حازم شاهين انا عارف ان القاهريين قصرو معاكو جامد بس ربنا يعلم الظروف اللى الواحد فيها انا عن نفسى كنت محتاج اليوم ده جداً اولاً كان نفسى اقعد معاكم كفاية لانى ملحقتش اقعد معاكم يوم عيد ميلاد المنتدى وثانياً كان نفسى اقضى يوم بره القاهرة اخرج بيه من ضغوط الشغل اللى خانقة الواحد اخر حاجة بجد بس معلش قدر الله وماشاء فعل وتتعوض قريب ان شاء الله وانا متأكد ان المقابلة كانت جميلة حتى ولو بين اتنين بس ومرة تانية سلامات سلامات ............ الاتحاد والمصرى ............ اخوات اخوات

المقابلتين كانوا روعة وطول عمر الاتحاد والمصرى حبايب وفية حق عرب عند يا استاذ وائل

[احمد بدر1978]

المشاركة الأصلية كتبت بواسطة محمد زكي والله يا جماعه الواحد مش عارف يقول ايه بس بجد انا متاكد ان كل الناس الي كانت عملها حسبها تيجي ومجتش حصل عندهها ظروف زي محصل عندي بالظبط والناس كلها كانت قاعده مضيقه جدا انها مقدرتش تيجي دنا حتي كلمت كورسير فكرو في بورسعيد معاكو لاكن لقيتو هنا وكنت بكلمو وانا زعلان جدا اننا مقدرتش اروح

لا كان لازم تيجى مدام قلت جى يبقى تيجى افرض استاذ حازم كان خلاص جاب الاكل كان ميين حياكلة