|
#1661
13-01-2011, 12:00 PM
|
||||
|
||||
رد: أدب الرحلات
والله تسلم أيدك يا احمد يابدر ده انا امبارح دخت دوخة الأرملة على معاش جوزها علشان الاقى حكاية جمال والثورة دى بالذات
وخصوصا ان البيت عندنا كان محاصر المقالة (14 ) سلم نفسك البيت كله محاصر
مندوب شرطة غبى من مدينة سمالوط (احد مراكز المنيا /قبلها مباشرة ب 25 كيلو ) هرب منه مسجون ومتفهموش اتعفرت والا جات له حالة نفسية والا حصل ايه ؟؟؟؟ راح طالع على محطة قطار سمالوط و......طيخ .......طاخ ....وضرب كام طلقة عشوائى عور حوالى 15 وموت حوالى 12 منهم حوالى 3 اقباط (البيانات الرسمية انه موت 1 وعور 5 ) لكن بعد البحث عرفت ان الموضوع اكبر شوية وربما اكون غلطان المهـم كانت نتيجة الكلام ده ايه ؟؟؟؟ اتـقـلبت الدنيا ليه لان المتوفين فيهم أقباط (مش لان المتوفين كلهم مصريين وبنى آدمين ) وحدثت تحقيقات واسعة وانقلبت مديرية أمن المنيا رأسا على عقب وقال احد الضباط جملة غريبة / يعنى هو مكانش قادر يموت المسلمين بس ....لازم يوجع دماغنا (بناء على كلام المسلمانى فى برنامج الطبعة الأولى ) أيه الغباء ده وأيه الحساسية دى جيرانى كثير منهم اقباط وليس بيننا الا كل خير وسلام وبعد ذلك كل منا مشغول فى امور حياته الخاصة وخصوصا ان المعيشة فى مصر صعبة ازاى قاتل هينقى وهوبيضرب نار عشوائى وليه الحساسية الضخمة دى لدرجة ان بيتنا والشوارع المؤدية اليه والمحيطة به كانت محاصرة بقوات الأمن المركزى والمباحث والمخبرين ومأمور قسم الزيتون شخصيا كان جالسا فى الشارع ورئيس المباحث واكثر من 10 عربيات أمن مركزى غير الجنود المنتشرة ومعها العصى الضخمة طيب ليه كل ده ؟؟؟؟؟؟؟ مش لان انا فى البيت طبعا ومطلوب بسبب لسانى الطويل ولكن لان جنازة الاقباط المتوفين فى حادث القطار سيتم الصلاة عليها فى الكنيسة الملاصقة للبيت ومن الصباح الباكر وحتى الو احدة من ليلة امس والمنطقة فى حالة حصار أيه ده ؟؟؟ احنا جرى لنا أيه ؟؟؟؟ لا انسى ابدا الست أم عياد جارتنا ولا اعرف اين هى الأن كانت ست كويسة جدا وطيبة جدا وكانت أمى رحمة الله عليها (بسبب تأخرى بعد المدرسة للعب الكرة) تـنـتـظرنى على باب البيت بالعصاية وكانت ام عياد تاتى على صوت صراخى وتحوش عنى ثم ينسونى هم الاثنين وهااااااااااات ياكلام وهزار ثم تنصرف كل واحدة منهم الى بيتها وفى المساء كانتا تجتمعان ولايزال اثر العصا مؤثرا على جسمى ويؤلمنى وهما يتحدثان ولا كأن فى واحد انضرب ونسيونى تماما ويتكلمون فى كل شىء واى شىء طبعا أمس كان شارعنا هادئا اكثر من هدوئه المعتاد وخرج بعض الجيران وان كان الخروج والدخول قليلا لان السادة الضباط والجنود والأمناء كانو يجلسون او يقـفـون فى اى مكان وعلى باب بيتنا كانت موضوعة ترابيزة يجلس عليها بعض الضباط بغض النظر عن ان ده مدخل بيت يعيش فيه بنى أدمين يريدون الدخول والخروج ونظرا لان بينى وبين المشاكل مغناطيس قوى فآثرت السلامة ولم أخرج ما أفهمه ان كلنا مصريين ولن يسعنا الا بيتنا (مصر) ومن خرج من داره ..... سواء بقى كان مسلم او قبطى فسيقـل مقداره لانه ليس من اصحاب البلد الذى سيذهب اليه طيب ليه بنعمل كده ؟؟؟؟ اشمعنى فى الكورة وفى المدرجات لاتعرف المسلم من القبطى اشمعنى فى المواصلات والزحمة والشعبطة لاتعرف المسلم من القـبطى اشمعنى فى طابور العيش لاتعرف المسلم من القبطى اشمعنى فى طابور بنزين 80 لاتعرف المسلم من القبطى اشمعنى...... واشمعنى ............ واشمعنى ...... فوقو يامصريين هناك ذئاب تراقب الملعب من المدرجات وتنتظر لحظة احتساب اى فاول لتـنـقــض على الملعب بمن فيه وليس العراق ولا السودان ولا لبنان منا ببعيد ولكن مصر هيا اللى عليها العين والنية مصر بلدنا كلنا لا احنا كمسلمين ضيوف عند حد ......... اى حد ولا هما كأقباط اسمهم (آخر ) هذه الكلمة الغبية التى يرددها الكثيرون بلا وعى وكل شوية يطلع واحد اهبل ويقول التعايش مع الآخر والتعامل مع الآخر ايه الجهل ده مين قال انهم (اخر) بل هم زيهم زينا مع الفارق ان لهم حق الحماية علينا تصورو لانهم اقلية ولذلك يجب ان نحميهم وشرعا لايدخلون الجيش ولا الشرطة حتى لايتعرضو للقتال والموت ويقل عددهم اكثر مما هم اقلية ولذلك للحفاظ عليهم لايدخلون الجيش والشرطة فى مقابل دفع مبلغ معين يعفى منه الفـقـراء منهم والغير قادرين هذا المبلغ الذى يعفى منه غير القادرين هو (الجزية) واللى كتير فاكرين انها فردة (بكسر الفاء ) او أتاوة لكنها مقابل عدم دخول الجيش والشرطة والحماية لهم اه والله العظيم ده كلام شرعى وانا اتحدى لو أعلنت الحكومة دفع رسوم معينة مقابل عدم دخول الجيش لاى فرد من افراد الشعب فلن تجد احدا يدخل الجيش بعد ان كان شرفا وواجبا وطنيا وشرعيا ومع ذلك الغيت هذه الجزية الأن لانهم يدخلون الجيش والشرطة وغيرها من المناصب عجيبة لابد ان يعلم الجميع اننا مصريون وهذه الحساسية يستغل فيها شوية عيال لافاهمين دين ولاشرع من الجانبين فهم مننا واهلنا وجيراننا واخواتنا وانا شخصيا من المعجبين بذكاء البابا شنودة وحنكته السياسية وحين سألوه سؤالا عن كيفية التعامل مع الأخر فقال / الاقباط ليسو آخر بل هم جزء من نسيج الشعب المصرى واذكر عم فايق كراس فاكرينه؟؟؟؟ قال لى حين قابلنى بعدها وقال لى مازحا / بس يا اخى ابونا مقالش احنا الفـتـلة اللى بالطول والا اللى بالعرض فى حتة القماش دى.........ههههههههههه اللهم اجعل مصر سخاءا رخاءا وبلدا أمنا اللهم أمين ....أمين ....أمين
__________________
 انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 13-01-2011 الساعة 12:12 PM 
|
|
#1662
13-01-2011, 12:42 PM
|
||||
|
||||
|
رد: أدب الرحلات
بحـبـك ياستامونى كنت زمان فاكر ان الجملة دى من اختراع مؤلف فيلم الكيف وقالها محمود عبد العزيز بطريقة كوميدية
ولكن فوجئت بقرية كبيرة اسمها ستامون او ستامونى وتابع لها عدة قرى صغيرة وهى تبعد عن مدينة بلقاس 20 كيلو وهى قرية مزدحمة نسبيا وعليها ضغط سيارات بشع والطريق اليها ضيق جدا ومطباته كثيرة وهى تزيد على ال 30 مطب صناعى فى العشرين كيلو وكلهم أسوأ من بعض غير الحفر وطبعا قيل لى انه لكى أذهب هناك لابد من المرور على بلقاس اولا او الذهاب اليها من على الطريق الدولى الساحلى وهو من مدخل المنصورة المهم وانا رايح مشيت حتى مدينة المحلة ثم دخلت حتى المنصورة ولا يوجد أى شىء يقول لك انه يوجد بلد هنا اسمها بلقاس حتى اعتقدت ان بلقاس قد تم نقلها عندنا فى الصعيد وخوفا من ثورة الجماهير تم التعتيم على الموضوع واخفاء بلقاس وفيـيـيـيـيـيـيـيـيـيـيـي ـيـيـيـيـيـيـيـيـيـيـيـيـ يـيـيـن وجدت اليافطة الوحيدة تقول بلقاس وسهم امامها الى اليسار طب اليسار مقـفـول وسأ لت فـقيل لى انه يوجد يوتيرن على بعد حوالى 500 متر سيادتك تلف وترجع (بعصبية ) ماشى ولا اعرف سر العصبـيـة ثم تمشى ولايوجد اى شىء يقول باقى كام كيلو على بلقاس بل انى دخلت طريقا قبل اليافطة فقالو هذا طريق نبروه ثم وصلنا بلقاس مدينة صغيرة لكنها هيصة وزحمة واذا كان فى مدينة المحلة السيارة مازدا 929 موجودة وبكثرة فـفى بلقاس البيجو ال 404 (حد فاكرها ؟؟؟) المهم بعد قيادة عفاريتى وعكاريتى وشغل حلق حوش فى هذا الطريق الضيق وصلت ستامون وسألت / المصنع الفلانى فين قدام قدام فين ؟؟؟؟ اخر الشارع وعند أخر الشارع المصنع الفلانى فين ؟؟؟؟؟ قدام قدام فين ؟؟؟؟ أخر الشارع وعندأخر الشارع المصنع الفلانى فين ؟؟؟؟؟ قدام قدام فين ؟؟؟؟؟ أخر الشارع والشارع لاينتهى ابدا بل عند النهاية التى يقصدها الناس يتفرع يمينا ويسارا وسبحان الله كلهم يوجهونك نحو اليسار حتى وجدت نفسى فى قرية اسمها قلابشو واتصلت بالشخص الذى ينتظرنى انت فين ؟؟؟ فى قلابشو بغيظ / أيه اللى وداك هناك الناس طب ارجع ياعم انت بينك وبينى اكتر من 15 كيلو تاااااااانى !!! ده الطريق ده عايز حاوى............ ضيق جدا ومنحنياته كتيروسىء ثم بدأ المطر فى الهطول ثم اشتد المطر وبغزارة واضطررت لتوصيل بعض الناس فى سكـتـى لان المطر رهيب ولايوجد مواصلات وعدت مرة أخرى وحين وصلت وجدت سائق تريللا يريد ان يذهب قلابشو هذه ثم يعود الى ستامون وبينى وبينكم انتهزت الفرصة وقلت له / انت عارف السكة؟؟؟ تقريبا طالما تقريبا تبقى مش عارفها وانا هاجى معاك اوريها لك (وخصوصا ان المطر أوقف جميع انواع العمل ) ضحك وغمز لى بعينه ووافـق وركبت التريلا لاول مرة فى حياتى شعور رهيب انك تركب السيارة وتنظر على الناس من الدور التانى وتجد سيارات صغيرة خارجة من جانبك وكانها خارجة من تحت العربية وكل مرة اخا ف ان نصدمها لكن السائق ولاهو هنا ثم سألنى السائق / البلد الى كنا فيها دى اسمها ايه ؟؟؟؟ ستامون بدهشة / ستامون ؟؟؟؟ ايوه وترك الدركسيون وصفق بكلتا يديه وقال بصوت عالى / احبك ياستامونى مهما الناس لامونى والناس لامونى والا كمونى ؟؟؟؟ هههههههههههه ....... قديم ياحاج خالد ربنا يكرمك وهنروح المكان بتاع البترول ده اسمه ايه ده ازاى ؟؟؟ قلابشو (يوجد بها معمل تكرير بترول ) وصفق مرة اخرى بكلتا يديه بس جااااااامد وقال / من ستامونى لكلبشات احبك ياابيض .....هههههههههههههههه ياعم قلابشو مش كلبشات وراقبت طريقته فى القيادة ....وتمنيت ان لو ترك لى الدركسيون وقد كان انتهزت فرصة انه اخرج لفافة صغيرة ثم فرك مابها وفتح سيجارة كانت معه وفرغ مابها من التبغ وخلط عليه هذا الشىء وفهمت انه حشيش وقلت له / انا هقعد مكانك على الدركسيون لحد م تخلص السيجارة بخوف / لا ياعم دى مش عربيتك الصغيرة دى هزارها تقيل ولو لمست حد هتعمل لنا مصيبة بعد محاولات كثيرة وافق ومسكت الدركسيون وبدأت انفذ نفس خطواته اللتى راقبته فيها قيادتها سهلة خالص وخصوصا انها موديل حديث لكن التحكم والسيطرة عليها هو اللى محتاج نوع من الخبرة وخصوصا انك تفاجأ دائما بناس خارجة من جنبك وتحتك وحولك الى ان وصلنا الى منحنى على شكل حرف أس (طريق ملتوى ) وعملت مناورة شديدة لانى واخد على عربيتى الصغيرة ونسيت ان هذا القطار طويل ولابد من عمل حساب الطول بتاعه وكادت ان تنقلب وصاحبنا نـتـش منى الدركسيون ومسكت الفرامل بسرعة وقال بعصبية / اوعى ياعم انت فاكرها النيسان بتاعتك كنت هتقلب العربية وتودينا فى داهية المهم وبعد عودتنا كنت مستمتعا بها أول مرة احس ان الطريق بدورين وانى راكب فى الدور التانى .....هههههههههههه ثم عدنا وانجزنا اعمالنا وقلت ياواد فوت على حازم خضر وانت جنبه كده واتصلت بيه ازيك ياحازم مين ؟؟؟ خالد خليفة ازيك واخبارك ايه ؟؟؟؟ 5 دقايق بالظبط هكون عندك جهز غدا ل15 واحد كلهم واقعين واتخض اخونا حازم وقال بهزار لايخلو من خوف من هجوم هذا الجيش الجرار انتو تنورونى طبعا بس انا فى القاهرة وضحكت وقلت / خلاص ياعم خليها شاى بس انا فعلا فى القاهرة طيب خلاص انا هاجى لو حدى وكنت وحدى فعلا والله فى القاهرة طيب مش جاى والله فى القاهرة خلاص ياحزوم هجيلك القاهرة انا فى بنها ونص ساعة اكون فى القاهرة ياعم انت مش عايز تشوفنا والا ايه ؟؟؟؟؟ عموما بالعند فيك هلحقك فى قليوب ليه انت فين ؟؟؟ قلنا فى المحلة هتلحقنى ازاى فى قليوب ؟؟؟؟ زى الناس عد تلت ساعة هتلاقينى جاى طيارة من المحلة لقليوب ليه يعنى ؟؟؟ يابنى انا راكب نيسان صنى فور باى فور جيب شيروكى موتور نفاثة (هيا اسمها وموديلها كده ان كان عاجبكو؟؟؟؟؟؟؟؟ هههههههههههههه المهم يظهر حازم خاف انى الحقه وحس من كلامى انى هدبسه فى كوباية ميه ساقعة ........هههههههههه فقال / طيب انا هقضى مشوار فى القاهرة واتصل بيك انت بقى اللى مش عايز تشوفنا بديبلوماسية يحسد عليها / لا والله ودى تيجى........ ده انت منور الدنيا كلها مااااااااشى يابكاش وطبعا معبرنيش وانا نسيت اكلمه لانى دخلت المهندسين ووجدت الدنيا واقفة ومحتاجة تركيز رهيب لكن اول مرة اعرف ان بلقاس تقع غرب مدينة المنصورة وانها خلف مدينة شربين وانها تبعد عن القاهرة حوالى 150 كيلو متر وبحبك ياستامونى .............
__________________
انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 13-01-2011 الساعة 12:49 PM
|
|
#1663
13-01-2011, 01:50 PM
|
||||
|
||||
رد: أدب الرحلات
والحقيقة انا باجى من شغلى او ببقى قاعد مشغول على الكومبيوتر ومش جايلى نافوخ اقعد اشوفه ازاى بيتنقل على ملف وورد وخصوصا انى فعلا قررت طبعه كـكـتاب على نـفـقـتى الخاصة ومحاولة توزيعه ولذلك ارجو من اخونا محمد على او اى حد يساعدنى على نقله على ملفات وورد تمهيدا لتنسيقه اولا ثم طبعه ثانيا مع اعادة بعض الحكايات باسلوب مختلف وتنسيق بعضها الاخر فمثلا شخصية مثل جمال محتاجة فصل وحدها فلابد من جمعها وترتيبها مرة اخرى بطريقة مختلفة
__________________
انتقل الى رحمة الله .. ونسأل الله له الرحمة والغفران
|
|
#1664
13-01-2011, 01:54 PM
|
||||
|
||||
رد: أدب الرحلات
اللهم آمين
__________________
ولا نقول إلا ما يرضي ربنا إنا لله و إنا إليه راجعون
|
|
#1665
13-01-2011, 02:04 PM
|
||||
|
||||
رد: أدب الرحلات
منا قعدت اتحايل عليك قبل كده خمسين مرة وانت تقولي لأ مش ينفع وبعدين يا راجل يا طيب حد برضة يروح يسأل كورسير ههههههه ( ابو دنيا سابقا ، الكفتجي وبتاع الايس كريم حاليا ، وههههههههههههه على طول لغايه لما ربنا يرزقه بواحدة تنكد عليه ) الموضوع بكل بساطة في خطوات 1. تعمل نسخة اولية للكتاب 2. تعيد صياغه اللي عاوز تظبيط فيها 3. تطبع الكتاب نسخة ماستر 4. تطبع ما لا يقل عن 100 نسخة من الكتاب 5. تروح الهيئة المصرية العامة للكتاب على الكورنيش هناك فيها دار الكتب هتعمل رقم ايداع وتسلمهم حوالي 20 نسخة من الكتاب 6. تنزل الكتاب في اي دار نشر انت تعرفها 7. واحنا بنعمل الكتاب وورد هنعمل منه نسخة PDF وننزلها في المنتدي حصريا لمصر موتورز 8. هنشوف اي حد اعلامي يتبني الكتاب وينزله دعايه او تنويه عنده في اي برنامج ثقافي بس كده الموضوع خلص قولي بقى الكفتجي قالك ايه على الموضوع ده شوية بقى على قصة الكتاب من تأليفي طبعا 9 . هيجيلك واحد زي بلال فضل او اسامة انور عكاشة ويقلك عاوز احول الكتاب لمسلسل من 10 اجزاء ( طبعا مينفعش فيلم ولا مسلسل جزء واحد ولا اثنين مع كل الكم الموجود فيه من قصص وحكايات ) 10 هتبقى خالد خليفة المؤلف والسيناريست الشهير ونبقى نيجي ناخد ميعاد من السكرتارية علشان نقابلك ومتعبرناش اقتباس من كل مواضيع كورسير ههههههههههههههههههههههههه هههه
__________________
ولا نقول إلا ما يرضي ربنا إنا لله و إنا إليه راجعون
|
 |
|
|
