|
#1656
12-01-2011, 03:51 PM
|
||||
|
||||
رد: أدب الرحلات
المشاركات الضائعة لعم خالد خليفة
الحــادثة ( 10 ) عم عبد الحميد عم عبد الحميد راجل كبير ودخل الحجز كان لابس جلابية ولما لقى نفسه حكايته مطولة راح قالع الجلابية وطول النهار قاعد لنا بالكلسون والصديرى وكان شكله تحــفــة وسألته / انت جيت هنا ليه ؟؟؟ قضية شيك قديمة ومسكونى وانا جاى من الحج بدهشة / وانت جاى من الحج ازاى ؟؟؟ كانو مسكوك وانت طالع اللى حصل يابنى وحاولت ان افكر ...كيف خرج هذا الرجل ..... ولم أجد سوى تبرير واحد فقط انها ارادة الله .... الذى القى فى قلب الضابط ان يتركه لانه كده كده جاى هيروح فين ؟؟؟؟ لان ربنا عايزه ومستــنـيـه وكاتبها له.........وقد كان وكنا دائما نهزر ونضحك معه وخصوصا موضوع الكلسون والصديرى اللى قاعد بيهم طول النهار دول لكنه معظم الوقت كان يجلس وحيدا ويـبـكى مالك ياعم عبده فيقول / أولاد ى مش سائلين فيا ياعم عبده مش بيخلصولك قضيتك طول اليوم ؟؟؟؟؟ المحكمة والشهر العقارى والنيابة كله بيروح الساعة 3 او 4 طيب وباقى اليوم ؟؟؟؟ مش يــيجى حد يسأل عليا ويـجيـب لى لقمة آكلها ثم يبكى بكاءا حارا م تصلى على النبى اومال بصوت مخنوق / عليه الصلاة والسلام ..... هعمل أيه يابنى الواحد بـيربى أولاده علشان يلاقيهم فى لحظة زى دى ... يقوم ميلاقيهومش ويسيـبونى وحدى؟؟؟؟؟؟؟؟ متقولش وحدك ياعم عبده ...... كلنا هنا اولادك تسلم يابنى .... لكن اولادى مش معبرينى خالص وينهمر فى البكاء ولا أستطيع ان اتمالك نفسى فأبكى بجواره ويبكى معنا رجل أخر كان محبوسا بكاءا حارا لاحول ولاقوة الا بالله عم وهدان راجل تعب جدا فى الدنيا ومكافح كان عنده عربية كارو وبقيو 2 و 3 ثم باعهم كلهم وجاب عربية نص نقل دبابة ثم سافر الى السعودية واشترى عربيتين دبابة وقطعة ارض وبيت وهاصت معاه لكن دوام الحال من المحال ويحكى عم وهدان حكايته فيقول سبت بيتنا وانا عيل صغير عندى 8 سنين هربت ياعم وهدان ؟؟؟؟؟ اه ليه ؟؟؟؟ والدى ضربنى بالقلم على وشى فهربت من البيت وجيت من الفيوم على مصر (القاهرة ) وانت عندك 8 سنين ؟؟؟ أه .....ازاى يضربنى عيب طبعا ..... أما أب غير ديموقراطى صحيح انت بتـتريق ؟؟؟؟ طبعا ده انا عندى 45 سنة اهو وممكن نـتـناقـش انا ووالدى فيقرر حسم الموضوع بعصايـتين على دماغى أو قلمين على وشى ......هههههههههههه لم يرد وكمل كلامه سبت البيت ولم أر والدى او والدتى لمدة تزيد على 25 سنة يااااااااااااااه انت قلبك جامد اوى ياعم وهدان مش جامد بس هعمل ايه اشتغلت ونسيتهم بدهشة / نسيتهم ؟؟؟ تدارك نفسه أمامى / يعنى بقى الحياة تلاهى وكظمت غيظى وقلت / كمل ياعم وهدان اشتغلت عند راجل تاجر كبير فى الأزهر لحد م أصبح سنى 25 سنة وقررت اشتغل وحدى وكنت حوشت قرشين وجبت عربية كارو وبقيت اوزع طماطم بالجملة وربنا اكرمنى وجبت عربية كارو تانية وتالتة وكان فى بنت فى السوق كانت قاعدة على فرشة خضار وكانت مزنوقة فى قرشين اديتهوم لها ابتسمت ابتسامة خبيثة وقلت / طبعا دى اللى بقت أم العيال بعد كده بكى بحرارة وقال بصوت مختلط بالبكاء / الله يرحمها كانت ست مش هلاقى زيها تانى ابدااااااا خلاص ياعم وهدان وحد الله لا اله الا الله والله يابنى كانت الدينامو بتاع البيت ولاكنت اعرف حاجة عن البيت كنت اجيب الفلوس اللى اكسبها كلها واديها لها وهيا كانتت تتصرف بس بعد م تاخد رأيى فى الأمور المهمة زى شراء حتة أرض أو بيت او اى حاجة تانية حتى مبانى الأرض والبيت وايجارهم وكل حاجة فيهم كانت تقول لى هعمل كذا وانا مكنتش بناقش وحاولت ان اخفف عنه / مكنتش بتناقش ليه ؟؟؟ كنت بتخاف منها ؟؟؟؟؟ ههههههههه نظر لى باستياء وقال / لا .... لكن كانت مخها ب 100 راجل وكنت بثق فى دماغها وبعدين وربنا اكرمنى بعت ال 3 عربيات الكارو وجبت عربية شيفروليه دبابة وسافرت السعودية وسبتها لعيالى يسترزقو منها وجبت عربية تانية وتالتة وقررت ارجع مصر طب وأهلك ؟؟؟؟؟ ميعرفوش عنك حاجة كل ده لما روحت اخطب ام العيال....... ابوها قال لازم تجيب اهلك ولما قلتله انى متخانق معاهم ومش بشوفهم....... أخدنى من أيدى لحد البلد ودخلنا على والدى فى الأول رفض يكلمنى وبعد محاولات كتيرة وافق انه يتكلم معايا لكن مجاش فرحى وبعدين وبصراحة ربنا رزقنى رزق كتير اوى .....لكن أم العيال فجأ ة تعبت ومحتاجة كام عملية فى القلب واضطريت اصرف كل اللى بكسبه على المرض و العلاج ولكن مش مكفى فاضطريت انى ابيع عربية من ال 3 وبعد شوية اضطريت انى ابيع التانية وفى نفس الوقت البنتين ربنا رزقهم بعريسين وكان لازم اجهزهم احسن جهاز فبعت ال 3 ولكن جبت جهازهم بالتقسيط من شركة الشيماء فى الهرم علشان اجيب جهاز محترم وخليت تمن العربية التالتة لعلاج امهم وطبعا مقدرتش استمر فى سداد اقساط العفش واتحبست ثم ينهمر فى البكاء بحرقــة لدرجة ان الحجز كله سكت ولاتسمع الا نحيب عمك وهدان بصوت عااااااااااااالى جدا وحاولت ان أواسيه / ولايهمك ياعم وهدان المهم ان البـنتين اتـسـترو وراحو بيوتهم يابنى انا مش زعلان من السجن اومال ايه ؟؟؟؟ اولادى الرجالة اللى شنباتهم أد كده ولاو احد سأل فيا وسابونى مرمى زى الكلب متـقولش كده كلنا أولادك ربنا يخليك يابنى ثم ينفجر فى البكاء لاحول ولاقوة الا بالله ..... أيه العيال دى .... الواحد يبقى نفسه يتجوز ولما يتجوز يبقى نفسه يخلف ولو أتأخر فى الخلفة يجرى يمين وشمال ويصرف دم قلبه ويـيجى المحروس اول م يقف على رجليه أول ناس يـيجى عليهم ويهملهم ويأذيهم هما والديه  لا اله الا الله ماذا جرى فى الدنيا والله انها نهاية الكون اللهم أرحم امى وكل أموات المسلمين وأرحم والدى واكتب لى من بركات دعواته لى رب أرحمهما كما ربيانى صغيرا رب أرحمهما كما ربيانى صغيرا رب أرحمهما كما ربيانى صغير اللهم آمين ... آمين .... امين
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
|
#1657
12-01-2011, 04:07 PM
|
||||
|
||||
|
رد: أدب الرحلات
مشكور احمد باشا على محاولة استكمال الموضوع
__________________
--------------------------------------------------------
|
|
#1658
12-01-2011, 11:30 PM
|
||||
|
||||
|
رد: أدب الرحلات
ازيكم كلكم ؟ عاملين ايه؟
الواحد ميقدرش يعدي يوم من غير ما يبص علي الموضوع
__________________
سبحان الله و الحمد لله و لا اله الا الله و الله اكبر و الحمد لله علي نعمة الاسلام و رضيت بالله ربا و بالاسلام دينا و بمحمد صلي الله عليه و سلم نبيا و رسولا اكتب ان شاء الله ولا تكتب انشاء , بارك الله فيكم
|
|
#1659
13-01-2011, 03:37 AM
|
||||
|
||||
|
رد: أدب الرحلات
مشاركة ضائعة لعم خالد خليفة
جمال والثورة نرحمكم شوية من حكايات القسم ونروح لجمال سواق التاكسى لان الحكايتين الجايين فى موضوع الحادثة يوجعو القلب المهم فى يوم مسافرين سوا أنا وجمال انا / الشوارع فاضية كده ليه ؟؟؟ جمال / اصل النهاردة 23 يوليو وبكرة الخميس فالناس اخدت النهاردة وبكرة ويوم الجمعة اجازة ياسلام ايه التـفــانين دى اومال ايه ....احنا اجدع شعب ياخد أجازات واحسست ان جمال مش فاهم حاجة عن 23 يوليو وقلت له / وايه يعنى 23 يوليو ازاى بقى ؟؟؟؟ عيد الثورة ياخلودة هو انت متعرفهومش ؟؟؟ هما مين ؟؟؟؟ الظباط الأحرار وهما أحرار ازاى يعنى هما كانو محابيس وخرجو ؟؟؟؟؟ بص لى جمال وفهم انى بستعبط فقال / اصل كان عليهم قضية بانجو ولما خدو براءة عملو تنظيم الظباط الاحرار ههههههههههه ..........ياشيخ وحياة الشيخ .....ههههههههههه لا بجد عايز اعرف مين الجماعة دول ؟؟؟؟ شوف شفت ياعم جمال عبدالناصر والسادات وحسنى مبارك وكام واحد تانى لمو بعض وعملو جمعية سموها جمعية الظباط الأحرار لا ياشيخ بثقة وبصوت عالى / آآآآآآآ ه ه ه ه...... اومال ايه ....اسألنى انا واسألك انت بصفتك ايه ؟؟؟؟ انا ثورجى قديم ثورجى ؟؟؟؟؟ اه انا كنت اقف فى طابور الجمعية اعمل 100 خناقة وانت بتعرف تتخانق ؟؟؟؟ لا طبعا .... انا كنت بقوم الناس على بعض واولعها حريقة ويتخانقو واتسحب بالراحة فى الطابور لحد م اوصل ادام خالص ههههههههههههه ...... هيا دى بقى الثورة بتاعتك طبعا .... وكان فى ثورة الفراخ وثورة السكر وثورة الرز وثورة الزيت وثورة اللحمة وايه الثورات العظيمة دى دى على حسب الموجود ...... انت عارف ؟؟؟؟............زمان كيلو اللحمة ابو 68 قرش ده كنا نقف عليه ............ قاطعته حيلك حيلك ..... انا بتكلم على ثورة يوليو ..... مش ثورة اللحمة والزيت والسكر ضحك وقال / ههههههههههه اصل ثورة يوليو دى كانت جمعية عملوها جماعة من الجيش ومن بينهم السادات وعبد الناصر ومبارك وعلى مبارك ياجمال ملوش علاقة بالثورة ثم مين على ده على ياجدع ........على.....على ......على ى ى ى ى ايوه ...... مين على بتاع فيلم رد قلبى......... متعرفش الجملة بتاعة /انت من الاحرار ياعلى ياسلام اكيد كان فى واحد منهم اسمه على ........ ومتغلطش ف حسنى مبارك علشان متلبس تهمة ...... هههههههههه تهمة أيه ؟؟؟؟؟ هو فعلا مش من اعضاء مجلس قيادة الثورة ازاى بقى مش هو اللى عمل ثورة الطيران فى اكتوبر على اسرائيل فى 73 يادى النيلة ........ أيه السمك لبن تمر هندى ده ؟؟؟؟؟؟ ايه علاقة 73 بحسنى مبارك بثورة يوليو ؟؟؟؟ طب بتوع ثورة يوليو عملو ايه ؟؟؟؟ عملو الثورة .........هههههههههههههههه انت فاكرنى جاهل ؟؟؟؟؟ لا العفو عملو حاجات كتير زى ايه ؟؟؟؟ طردو الملك الفاسد ماشى وايه كمان ؟؟؟؟؟ وعملو كل حاجة على البطاقة مااااااااااااشى ولو انى مش فاهم أيه الانجاز هنا ؟؟؟؟ وايه كمان ؟؟؟؟ والتعليم المجانى وتعيين كل واحد فى وظيفة لا ياشيخ ......مهو الناتج ايه ؟؟؟؟ ايه ؟؟؟؟ بطالة مقنعة وتعليم متأخر بطاله ايه ؟؟ مقنعة مأنعة ؟؟؟ (قالها كده ) ازاى يعنى ؟؟؟ هههههههه يعنى ناس زيادة عن حاجة العمل وبالتالى بيقبضو مرتبات وامتيازات الموظفين وهما مبيشتغلوش وده اللى أدى الى الروتين انت عارف حادثة دنشواى ؟؟؟؟ مال دنشواى بالثورة هيا سبب الثورة ازاى بقى ؟؟؟؟؟ انت عارف النا س بتوع الاستقلال التام او الموت ع الزمام .... وعليا الطلاق بالتلاتة .... قاطعته / حيلك حيلك انت بتتكلم عن الناس بتوع المظاهرات زى م يكونو مش من الشعب المصرى ثم اسمها الموت الزؤام وماكنوش بيحلفو بالطلاق ضحك / ههههههههه .... لا هيا الموت ع الزمام لان كان اهل البلد عندنا بيقفو على زمام البلد وميرضوش يدخلو حد من الانجليز ياسلام وكان بيحصل ايه ؟؟؟؟ كان بياكلو علقة محترمة م اخدهاش حرامى ف مولد........ هههههههههههههه وايه علاقة ده بالثورة بص بصيت اللى افهمه ان الثورة عملوها كام واحد ظباط جيش وطردو الملك وعلشان كده الشعب بياخد اجازة يوم 23 يوليو وخلاص ...... وغير كده متسألنيش ..... وانا عمال اتوهك من الصبح وانت مش بتـتـوه ...............اللهى نقع فى كمين وارجع مصر لوحدى ههههههههههههه سكتـت واستعجبت على هذا الجهل الفظيع
__________________
الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون.... ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
|
#1660
13-01-2011, 03:41 AM
|
||||
|
||||
|
رد: أدب الرحلات
مشاركة مفقودة لعم خالد خليفة
الحـادثـة ( 11 ) ايمن كتـاوت وكتاوت ده ميكانيكى أسطى قد الدنيا ودخل علينا الحجز مشحم ومزيت وحالته بالبلا ودخل ولا كأنه محبوس وكأنه فى بيتهم .... وبعد دقيقتين من دخوله الحجز راح مميل على واحد وقال / م تجيب سيجارة بدل م انت قاعد كده بـتـنـش الدبان ضحكت وأخفيت ضحكى وقررت مراقبته طبعا صاحبنا اللى انطلبت منه السيجارة طلعها بغيظ واداها له ومالك بتديها لى من غير نفس كده .... يااخى اديها لى ومعاها حتة مخلل المحبوس الأخر / اشمعنى مخلل علشان تفتح نفسى وانا بشربها طالما نفسك مسدود ة اوى كده.............ههههههههه هههه وانفجر ضاحكا ولم يضحك صاحبنا التانى بل قال له / هات السيجارة اللى اديتها لك ليه ان شاء الله........ هو انا واخد منك دولاب بالقسط ولو مدفعتش تاخده؟؟؟؟؟هههههههههههه وافتكرت صديق ونيس الغنى جدا والذى كان يغيظ ونيس دائما بنكته السخيفة والتى كان يضحك عليها وحده وتفاخره بثرائه الفاحش ثم ينظر الى أخر / م تعمل لى ساندوتش وبعد الأكل التفت الى ثالث م تعزمنى على شاى واغتاظ الأخير فقال / انت طالع رحلة ؟؟؟؟ عايز ده يعزمك وده يعزمك وده يعزمك ببرود / خلاص بلاش شاى .........خليها قهوة ...............هههههههههه هههههههههههه وصاحبنا كاد ان ينفجر فيه المهم كل شوية يحكى نفس القصة بمناسبة وبدون مناسبة واليكم القصة انا ميكانيكى عربيات احدهم / ابن حلاااااااااال ....... عندى العربية بتـنـتش فى الدوارة هيا موديل كام ؟؟؟؟؟ 1975 دى تروح ترميها..............ههههه ههههههههههههههههههه انا / أيه الحل الجامد ده اخر / وانا عندى العربية فراملها ضعيفة هيا موديل كام ؟؟؟؟؟؟ دى اكسنت موديل 98 دى تركنها جنب الحيط وتبوسها وتحط عليه جنيه؟؟؟؟؟؟؟؟؟؟؟؟؟؟ههههههه ههههههههههههههههه وكان فظيعا فى الهزار والتهريج ثم سألته / العربية صوت موتورها عالى ...........ليه ؟؟؟؟ فقال ضاحكا / اشخط فيها علشان توطى صوتها ............ههههههههههههه هههههههه وعرفت انه لاعلاقة له بالميكانيكا سوى الشحم اللى على جسمه فقط ولما اترازلت عليه قال / انا ميكانيكى فتيس اوتو ماتيك وجيت هنا ليه؟؟؟؟؟؟؟؟؟؟؟؟؟؟ ضربت زبون بحديدة على دماغة فعمل لى محضر هههههههههههههههه.....وضرب ته ليه ؟؟؟؟ مجنون ................اقول له العربية دى اوتوماتيك مش عادة .....يقول انها متينة وكان يوميا يطلبنى على الموبايل اكتر من 15 مرة يسألنى اعمل ايه ؟؟؟؟؟؟؟؟؟ فقلت له /عايزك تعالى ............واول م وصل ضربته بحديدة على دماغه بس خبطة ايه من اللى قلبك يحبها وبعدين اتعور ونقلوه المستشفى وانا جيت هنا نورتكو .........هههههههههههههههه هههه ماشى ياعم المنورنا وطول النهار هزار وتهريج وكأنه فى الورشة وكان يقول نكت سخيفة ويضحك عليها وحده هههههههههههههههههههههه على .....وعلى على اللمبى يملك سيارة ميكروباس وحين رأيته أول مرة تذكرته ركبت معاه قبل كده انا / انت شغال فين ؟؟؟؟ عندى ميكروباس شغال على خط اسكندرية / القاهرة والميكروباس ده رحلات ........صح ؟؟ صح وعربية من الجديدة ال 15 راكب ........... صح ؟؟؟؟ صح انا ركبت معاك مرة واتخانقنا لانى قلت للزباين انك بتجرى وواحد فيهم بص على الأمبير لقاه 150 فاتخانق معاك هههههههههههههههه .........انت لسه فاكر انت قلبك ابيض أوى انا بفتكرك بس يالمبى ماشى ياعم انت جيت هنا ليه ؟؟؟؟ النصيب .... انا اصلا عندى سواق وصبى اللى هو الواد على اللى نايم هناك ده اسمه على .......برضه ؟؟؟ ههههههههههههه ... أيوه ..... انا وهو على وعلى بس مش صيادلة وبعدين ولاقبلين ....... كان معايا شوية مخدرات موديهم لتاجر فى القاهرة ويوم م كنت رايح اودى النقلة دى للعربية وبعد م حطيتها تحت كرسى فى نص العربية فوجئت ان السواق عيان و مش جاى واضطريت ركبت انا ومعايا الشنطة وخبيتها كويس وفى الطريق لقينا كمين واقف وفتشنى طبعا واتقبض عليا انا وعلى وشكلنا هنقضى 5 سنين او اقل شوية كان الله فى العون ربنا يستر ياعم خالد ......................... .... غريبة المخدرات اللى اكلت عقل الناس دى ......شىء عجيب والله
__________________
الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون.... ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
 |
|
|
