|
#1646
30-12-2010, 06:08 PM
|
||||
|
||||
رد: أدب الرحلات
اهلا اهلا استاذ خالد الف مليوووووووووون حمد الله على سلامتك
وحشتنا يا استاذ خالد وقلقلنا عليك والحمد لله عدت وربنا خرجك منها وفى كل الأحوال خير ان شاء الله
__________________
د / محمد إن الله لا يصلح عمل المفسدين
|
|
#1647
30-12-2010, 10:42 PM
|
||||
|
||||
|
رد: أدب الرحلات
حمد الله على السلامة يا ابو عمر
ربنا يتقبل المتوفي في رحمته ويصبر اهله كان قلبي حاسس من اول الغيبة ان فيه حاجة غلط واحمد عمال يقولنا بخير بخير بخير طلع مبيعرفش حاجة في حاجة حمد الله على السلامة
__________________
ولا نقول إلا ما يرضي ربنا إنا لله و إنا إليه راجعون
|
|
#1648
31-12-2010, 05:59 PM
|
||||
|
||||
|
رد: أدب الرحلات
الحادثة ( 7 )
مواقــف وطرائــف ميدو وزيزو (مرة تانية) ميدو استدعى زيزو وجاء زيزو الى البيت اؤمرنى يامعلم ميدو / روح للمعلم فلان هيديك عينة من صنف حشيش جديد وكام شريط برشام انواع جديدة زيزو / عينى يامعلم واجيبهم على هنا والا اجيلك فين؟؟؟؟ ميدو /هاتهم هنا لانى مش خارج من البيت حاضر ومشى زيزو وذهب لاحضار البضاعة ولكن بعد اقل من نص ساعة هجمت المباحث على البيت ميدو / خير ياباشا تعالى عايزينك خير هتعرف فى القسم ومعرفش هنا ليه ؟؟؟ امشى ياد يا ابن ........وبطل غلبة حاضر ولان ميدو مسجل قديم وعليه قضايا كتير فاعتقد ان فى قضية مفتوحة ولم تسدد واهو هيـبـات ليلة والا 2 فى القسم ويروح النيابة ويجيب افادة ان اتحبس فيها وخلصها او عامل فيها استئناف ويروح البيت تانى وفعلا .....فى قسم الشرطة حدث الأتى دخل ميدو مع رجال المباحث خير ياباشا عليك قضية قضية ايه ياباشا مخدرات من سنة 2000 اتحبست فيها وخرجت وتبت ياباشا بسخرية / تبت ؟؟؟؟ .....ماشى ياعم الشيخ ميدو لم يرد ميدو وأكمل الضابط حديثه / بكرة هتروح النيابة ولو كنت مخلصها هنجيب افادة من هناك ونروحك متشكرين ياباشا نزلوه الحجز ونزل ميدو لكن تاتى الرياح بما لاتشتهى السفن فمن يعمل معه زيزو فى مجال المخدرات لايصح ان يبات ليلتين فقط فى الحجز فقد حضر زيزو الى البيت ولم يجد ميدو ولم يكن ميدو قد تزوج بعد فسأل جيرانه ميدو فين ؟؟؟؟؟ احد الجيران / المباحث جات أخدته ولم يكدب زيزو خبر وطلع على القسم على باب القسم رايح فين ياله (ياد / ياوله ) زيارة معاك بطاقة (نظام معمول به فى كل أقسام الشرطة فحين تذهب الى اى قسم شرطة يأخذ بطاقتك ويكشف عليه كومبيوتر فأن وجد عليك قضايا ولو تشابه اسماء قبض عليك ) أيوه هاتها وبعد الكشف عليه ادخل ودخل القسم ...... وبالداخل هتزور مين ؟؟؟؟؟ ميدو ياباشا ميدو بتاع المخدرات بسذاجة وغباء شديدين / أيوه ياباشا فتشوه زيزو / انا ؟؟؟ ليه ياباشا ؟؟ مش سألت على ميدو ؟؟؟ أه تبقى زيزو ومعروف انك غبى وهنلاقى فى جيوبك قضية ههههههههههههههههههه وفعلا فتشوه ووجدو عينة الحشيش والبرشام لان المغفل ذهب الى القسم ومعه عينات البضاعة لكى يراها المعلم ههههههههههههههههههههههههه هه وطبعا ميدو انكر علاقته بالموضوع ولكن بعد ان بات فى الحجز اكتر من شهر لاثبات ذلك احمد حـبـيـب وهو ضابط محترم يستقبل كل من يحضر للقسم بابتسامة يميل الى التهريج قليلا نادرا جدا مايضرب احد او يشتم احد او يطول لسانه حتى على المجرمين دائما يحاول حل المشاكل بطريقة ودية قبل عمل اى محضر وهذه بعض تصرفاته 1 :قبضو على شابين بيعاكسو البنات بتعاكسو البنات ليه محصلش شخط فيهم /بتكدب ياد انت وهو .... لو مقلتوش الحقيقة هوديكو ف داهية معلش ياباشا بسخرية / بس انتو لاشكل ولامنظر الواحد فيكو عامل زى السحلية الجعانة (كانو فى منتهى النحافة ) الشابين ضحكا بتضحكو على ايه انت وهو......... اخرس ياد سكتو وعامل شعرك كله بازازة جيل ....ثم الحلاق مات والا ايه ؟؟؟؟ (شعرهم كان طويل ) لم يردو عليه وبعد فاصل من السخرية والاهانة روح انت وهو ولو شفتكو بتعاكسو البنات تانى هخرب بيت أ......... ومشيو بلا محضر موقف آخر شابين فى الجامعة خبطو واحد بسيارتهم وطلع راجل كبير ...وبدلا من الاعتذار له شتموه وجاء الجميع الى القسم وأصر صاحب السيارة المخبوطة (الراجل الكبير ) انه يعمل محضر ولكنه أجل عمل المحضر قليلا والتفت الى الشابين خبطتوه ازاى ياد انت وهو ؟؟؟؟ هو اللى غلطان هنكدب ؟؟؟ طب حقكو عليا ...... هات الكرباج من جوه ياعلى (عامل البوفيه ) على بضحكة خفيفة / حاضر ياباشا .... وجرى الى البوفيه ولم يأتى .... فلا يوجد كرباج أصلا الشابين بخوف / ليه الكرباج ياباشا...... احنا عملنا ايه ؟؟؟؟ انتو عارفين معلش ياباشا اعتذرو للراجل ده الأول احدهم / احنا طلبة فى الجامعة ....وانا طالب فى كلية الحقوق طظ فيكو وفى الجامعة بتاعتكو طالما معندكوش أخلاق لم يرد أى منهم تبوسو على دماغ الراجل ده وتعتذرو له احدهم / بس انا بابا ..... قاطعه هتعتذر غصب عنك والا هحبسك انت وأبوك طبعا كل الكلام ده والراجل الكبير واقف يتفرج وأثر فيه الموقف وتنازل عن عمل محضر وهو ماكان يهدف اليه حضرة الضابط موقف آخر 2 جايين متخانقين ومعورين بعض والدم نازل من احدهم المتعور / انا عايز اعمل محضر تعدى احمد حبيب / مين عورك كده هو ده وأشار الى شخص كان معه وماسك فيه بقوة ولكنه لاحظ ملحوظة صغيرة .... الاتنين شبه بعض تقريبا فقال / انتو تقربو لبعض المتعور / ابن عمى ابن عمك واتخانقتو وعورك ؟؟؟؟؟ مين فيكو الكبير ؟؟؟ المتعور / انا انت الكبير وضربك وعورك ؟؟؟؟ وراح باصص للتانى وقال / عورته ليه ؟؟؟؟؟ كل شوية عايز سيجارة ....عايز سيجارة ... عايز سيجارة ..... طب م يشترى علبة سجاير لنفسه ....روحت قايل له مفيش.... شتمنى .....ضربته وعورته راح ضاربه قلمين وقال / لو ممشيتوش من هنا هحبسكو انتو ال2 واوعى اشوف وشكو تانى موقف آخر دخل رجل كبير فى السن عايز أعمل محضر خير ابن اخويا ضربنى على وشى ووقعنى فى الارض بدهشة / أبن أخوك؟؟؟ أيوه ياباشا ونادى على احد رجال المباحث / يافلان نعم ياباشا تروح تجيب الواد فلان اللى عمك الحاج هيديك اوصافه وعنوانه دلوقت وتجيبه من تحت الأرض ولو جيت من غيره هحبسك انت وهحطك فى الحجز ....فاهم فرد رجل المباحث مبتسما / عينى ياباشا فى أقل من ربع ساعة ....دخل فرد المباحث ومعه شاب احمد حبيب متحدثا للرجل العجوز / هو ده ابن اخوك ؟؟؟ ايوه ياباشا موجها حديثه للشاب / بتضرب عمك ليه ياد انت ؟؟؟؟ ضربنى م يضربك والا يديك بالجزمة .... مش عمك ؟؟؟؟ بقلة أدب / محدش له ضرب عليا غير ابويا وعمك يا .......... وراح مناوله بالقلم وقال له / بوس على راس عمك والا والله لاحبسك واعمل لك قضية متطلعش منها ابدا واخليك تلف حوالين نفسك بتردد / حاضر انت لسه بتفكر ؟؟؟؟ قوم ياله يابن ............بوس راس عمك وفعلا باس على راسه .... وخرج الاتنين من القسم بلا محضر ده من أطرف المواقف كشاف الميه داخل يكشف على عداد الميه جوه القسم احمد حبيب / رايح فين يابنى كشاف الميه ياباشا اخدو منك البطاقة ليه ياباشا نكشف عليك...... افرض عليك حاجة ...نقبض عليك هههههههههههههههههه ولم يأتى هذا الكشاف ولا احد من زملاؤه مرة أخرى الى القسم وارسلت شركة الميه خطاب للقسم بارسال قراءة العداد وحين تقف أمام هذا الضابط يحدث لك نوع من الضحك اللاارادى بسبب تصرفاته وحركاته فهو جالس على مكتبه وبيده مضرب ذباب وطول النهار يتحد ث احاديثه هذه وبيده مضرب الذباب وفـجـأة ييقوم منتفضا بسرعة لكى يضرب ذبابة وقفت على مكتبه او كتفه او ذراعه لاجل حظها المهبـب مما يجعلك تـتـخض لاعتقادك انه هيضربك انت ههههههههههههه ومن اطرف مواقـفـه الكهرباء قطعت فى الحجز وبعد حدوث ثورة من كل من بالداخل ارسل الى كل كهربائية المنطقة ولم يحضر احد لانهم هياخدو بضاعة ويشغلوه ومش هيدفعو حاجة فاضطر للقبض على احد الكهربائية واستخراج عدة قضايا وهمية له على الكومبيوتر من اجل اصلاح الكهرباء هههههههههههههههههههههههه الســكـــيــنة كل شوية داخل واحد الحجز وهو مش فاهم ليه جابوه والصبح يروح النيابة ومعاهم سكينة ملفـوفـة ومتحرزة والتهمة حمل سلاح ابيض ثم يفرج عنه وكيل النيابة لماذا ؟؟؟ لانه حفظ شكل السكينة فهى لاتتغير ابدا رغم تغير الأشخاص وواضح طبعا انها موجودة داخل القسم وفى يوم زهق وكيل النيابة فقال / احنا مش هنخلص من أم السكينة دى بقى ثم وجه كلامه للحرس وقال / قولو لهم عندكو فى القسم يغيرو السكينة دى بقى لانى حفظت شكلها الحرس / حاضر ياباشا ههههههههههههههههههههههه
__________________
 انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 31-12-2010 الساعة 06:09 PM
|
|
#1649
31-12-2010, 07:40 PM
|
||||
|
||||
|
رد: أدب الرحلات
الحـادثـة (8 )
مواقــف وطرائـــف الأجــــــــــــا نــــــــــــب شىء عجيب نحن فى البلاد العربية او اى بلد أخر نعامل بصفتـنـا مواطنون من الدرجة التانية ماشى .........لاننا مش فى بلدنا وأهل البلد لهم الأولو ية عننا فى كل شىء لكن ان نعامل فى بلدنا فى مواجهة الأجانب كمواطنون ايضامن الدرجة التانية ده بقى العجيب وهذا الكلام رأيته بعينى اولا 3 شباب لايزيد سن اكبرهم عن 22 سنة وهم من منطقة الدويقة تعرفو على شخص انجليزى الجنسية هذا الانجليزى كان معجبا بجسم احدهم وبدأ يتحدث معه ويزوره كل يوم فى المحل الذى يعمل به بوسط البلد ثم خرج معه بعد انتهاء عمله وبدا يضع يده فى أماكن حساسة من جسده ثم اتفق معه على ممارسة الشذوذ بعد دفع مبلغ 200 جنيه ووافق الولد ولأنه من الدويقة فـقـد اخبر 2 من أصدقائه وذهبو الى شقة احدهم فى الدويقة وهناك تجرد الأثـنـان من ملابسهم تماما وعلقوها بالشماعة فى الصالة ومارسو الشذوذ سويا وانتظرهم الاثـنـان الاخران فى الصالة .....وبعدما انتهو من شرب الشاى والقهوة كان الانجليزى وزميلهم قد انتهيا من فعلتهم الشنعاء ولبس الخواجة الانجليزى ملابسه وانصرف وذهبو معه ووصلوه الى اول الشارع وأركبوه تاكسى وودعوه ومشى ليفاجأ صاحبهم الانجليزى بعد وصوله الى الفندق بسرقة ساعته الذهبية ومبلغ 3000 دولار وبعض كروت الفيزا التى كانت معه وذهب لابلاغ الشرطة وتم القبض عليهم وفى النيابة سأله وكيل النيابة / هل فعلا مارست الجنس مع فلان فأجاب الخواجة الانجليزى / نعم وهذا شىء عادى فى بلدنا (انجلترا ) ومشى من مكتب وكيل النيابة بعد سماع اقواله ... بدون احم ولا دستور وتعجبت فالمفروض ان يأمر وكيل النيابة بالقبض عليه فهو قد ارتكب فعلا مخالفا لقوانين بلدنا واعترف به (وهو ممارسة الشذوذ ) وتمت معاملة الشباب معاملة قاسية حتى فى قسم الشرطة فحين يأتى الضابط النباتشى للتمام على الحجز ينادى على جميع الموجودين بأسمائهم الا هؤلاء الثلاثة فينادى ويقول / الم........... واذا لم يردو عليه شتمهم باقذر الألفاظ انا لا ادافع عنهم ولكن يجب القبض على الاجنبى ايضا موقف أخر تم القبض على شاب من نيجيريا وسيدة عجوز تعمل فى جراج للسيارات بتهم ممارسة الجنس مقابل 40 جنيه لها وبغض النظر عن شكلها الذى يقطع الخميرة من البيت ولا أعرف جاله نفس ازاى يدى دى 40 جنيه ان كان الكلام صحيح علشان حاجة زى كده وطبعا فى قسم الشرطة اهانات رهيبة وكلام فظيـــيـــيـــع لها فـقـط والشاب النيجيرى لم يسأل فيه احد موقف ثالث شاب من كينيا ضبطوه يسرق متلبسا فذهبو به الى القسم ولم ينزل الى الحجز طبعا بل ذهب الى حجز الأجانب وهو حجز درجة اولى وحاجة افضل من الحجز بتاع المصريين بكتييير اعتقد ان مقره التخشيبة بالسيدة زينب أيه ده ؟؟؟؟؟؟؟ حتى فى تعامل المصريين انفسهم مع بعض فتجد الغلظة فى المعاملة وخصوصا بين الرجال وبعضهم او السيدات وبعضهم اما بين الرجال والسيدات فجميع الابواب غالبا مفتوحة لكن الشعب المصرى معروف على مستوى العالم انه يحسن معاملة الاجانب غريـــبـــة !!!!!!!!!!!!! ولكن الأغرب ان لا يحتر م الاجانب من كل شكل ولون قوانين بلدنا ونعاملهم معاملة كريمة حسبى الله ونعم الوكيل فيك ياللى ف باللى ولما أريح يومين بس هقول على أسمك لانك فارسنى انا و 80 مليون ومرمطتو بكرامتنا الأرض
__________________
انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 31-12-2010 الساعة 07:45 PM
|
|
#1650
31-12-2010, 11:52 PM
|
||||
|
||||
رد: أدب الرحلات
__________________
--------------------------------------------------------
|
 |
|
|
